ຫວຽດນາມ ຊຸກຍູ້ການສົ່ງອອກຜະລິດຕະພັນ Halal ໄປຍັງ ຕວກກີ

ຫຼາຍຜະລິດຕະພັນຂອງຫວຽດນາມ ບັນລຸມາດຖານ Halal. ພາບ: nhandan.vn

ບັນດາຄໍາເຫັນປະກອບທີ່ກອງປະຊຸມສໍາມະນາ ຖືວ່າ, ເພື່ອເຂົ້າສູ່ຕະຫຼາດຕວກກີ ຄວນສ້າງກົນໄກເພື່ອຈັດຕັ້ງອົງການຈັດຕັ້ງອອກໃບຢັ້ງຢືນ Halal ຂອງສອງປະເທດ ຮັບຮູ້ເຊິ່ງກັນ ແລະກັນ; ພ້ອມກັນນັ້ນ, ກໍ່ຈັດຕັ້ງຊຸດຝຶກອົບຮົມ ແລະແບ່ງປັນບົດຮຽນປະສົບການກ່ຽວກັບມາດຖານ Halal ສາກົນໃຫ້ບັນດາວິສາຫະກິດ ກໍຄືບັນດາສະຫະກອນ. ລັດຖະບານຫວຽດນາມ ໄດ້ຜັນຂະຫຍາຍຫຼາຍໂຄງການໜູນຊ່ວຍວິສາຫະກິດຍົກສູງກຳລັງຄວາມສາມາດໃນການຜະລິດ, ມາດຖານຄຸນນະພາບ ແລະໃບຢັ້ງຢືນ Halal, ພ້ອມທັງຕັ້ງໜ້າສົມທົບກັບບັນດາອົງການຈັດຕັ້ງສາກົນ ເພື່ອອຳນວຍຄວາມສະດວກໃຫ້ແກ່ສິນຄ້າຫວຽດນາມ ເຂົ້າສູ່ຕະຫຼາດອິດສະລາມ. ຫວຽດນາມ ພວມສ້າງລະບົບນິເວດ Halal ສົມບູນແບບເທື່ອລະກ້າວ, ບໍ່ພຽງແຕ່ຮັບໃຊ້ການສົ່ງອອກໄປຍັງບັນດາປະເທດອິດສະລາມ ເທົ່ານັ້ນ, ຫາກຍັງມຸ່ງໄປເຖິງການກໍ່ສ້າງ ຫວຽດນາມ ໃຫ້ກາຍເປັນສູນຜະລິດປຸງແຕ່ງ ແລະບໍລິການ Halal ໃນພາກພື້ນອາຊີຕາເວັນອອກສ່ຽງໃຕ້ ອີກດ້ວຍ.

ໂດຍ: ທູຈາງ