ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິ໊ງ ຊີ້ແຈ້ງວ່າ ສຳລັບ ຫວຽດນາມ, ເລື່ອງຖືກ ອາເມລິກາ ຈັດວາງອັດຕາພາສີຂຶ້ນເຖິງ 46% ສຳລັບສິນຄ້ານຳເຂົ້າຈາກຫວຽດນາມ ໄດ້ສົ່ງຜົນກະທົບຢ່າງຈະແຈ້ງ ແລະໂດຍກົງເຖິງການສົ່ງອອກ ແລະຊາວຜູ້ອອກແຮງງານ, ວິສາຫະກິດຈຳນວນບໍ່ໜ້ອຍ.  ເຖິງຢ່າງໃດກໍຕາມ, ຫວຽດນາມ ມີຄຸນນະທາດຢ່າງພຽງພໍ, ປັບຕົວຢ່າງມີໄຫວພິບກັບບໍ່ວ່າເຫດການໃດທີ່ເກີດຂຶ້ນໃນໂລກ, ພາກພື້ນ ແລະພາຍໃນປະເທດຢ່າງເໝາະສົມ, ມີປະສິດທິຜົນ.

leftcenterrightdel
ທ່ານ ຟ້າມ​ມິງ​ຈິ໊ງ ນາຍົກລັດຖະມົນຕີຫວຽດນາມ ເປັນປະທານກອງປະຊຸມ. ພາບ: baochinhphu.vn

ທ່ານ ຟ້າມ​ມິງ​ຈິ໊ງ ນາຍົກລັດຖະມົນຕີຫວຽດນາມ ເນັ້ນໜັກວ່າ “ພື້ນຖານເສດຖະກິດຂອງພວກເຮົາຍັງແມ່ນພື້ນຖານເສດຖະກິດຫັນປ່ຽນ. ຫວຽດນາມ ຍັງເປັນປະເທດກໍາລັງພັດທະນາ, ຂອບຂະໜາດພື້ນຖານເສດຖະກິດຍັງຈຳກັດຢູ່, ຄວາມສາມາດທົນທານຍັງຈຳກັດ, ໂດຍະສະເພາະແມ່ນຜົນກະທົບຈາກພາຍນອກ. ດັ່ງນັ້ນ, ທຸກການຜັນແປກໍລ້ວນແຕ່ເປັນໂອກາດ. ເຖິງວ່າມີບັນດາສິ່ງທ້າທາຍ, ຄວາມຫຍຸ້ງຍາກ… ແຕ່ກໍ່ແມ່ນໂອກາດ ເພື່ອສ້າງໂຄງປະກອບພື້ນຖານເສດຖະກິດຄືນໃໝ່, ໂອກາດເພື່ອໃຫ້ພວກເຮົາບືນຕົວຂຶ້ນຢ່າງແຮງກວ່າ, ເປັນເຈົ້າການສ້າງຄວາມເຂັ້ມແຂງດ້ວຍຕົນເອງ ແລະເຕີບໃຫຍ່ກວ່າ”.

ທ່ານ ຟ້າມ​ມິງ​ຈິ໊ງ ນາຍົກລັດຖະມົນຕີ  ສະເໜີໃຫ້ກະຊວງການຕ່າງປະເທດ, ບັນດາອົງການຕາງໜ້າຫວຽດນາມ ປະຈຳຕ່າງປະເທດ ຍູ້ແຮງວຽກງານຄົ້ນຄວ້າ, ລາຍງານສະພາວະ, ໝາກຜົນ ແລະຂໍ້ສະເໜີແນະໃຫ້ລັດຖະບານຢ່າງທັນການ. ສືບຕໍ່ຂຸດຄົ້ນບັນດາສັນຍາການຄ້າເລລີ (FTA) ທີ່ມີຢູ່ແລ້ວ ແລະຫາກໍ່ລົງນາມຢ່າງມີປະສິດທິຜົນ. ຊຸກຍູ້ວຽກງານພົວພັນຕ່າງປະເທດດ້ານເສດຖະກິດສຸມໃສ່ບັນດາຂົ້ວທີ່ສ້າງບາດກ້າວບຸກທະລຸແກ່ການເຕີບໂຕ.

ຂ່າວ: ວິທະຍຸກະຈາຍສຽງຫວຽດນາມ