ຍຸດທະສາດພັດທະນາເສດຖະກິດທະເລ ຫວຽດນາມ ຮອດປີ 2030, ວິໄສທັດຮອດປີ 2045 ແບບຍືນຍົງ ໄດ້ຢັ້ງຢືນທີ່ຕັ້ງ, ລະດັບສຳຄັນຂອງການພັດທະນາເສດຖະກິດທະເລ, ພ້ອມທັງກຳນົດຫນ້າທີ່ນຳ ຫວຽດນາມ ກາຍເປັນປະເທດເຂັ້ມແຂງກ່ຽວກັບທະເລ, ຮັ່ງມີຈາກທະເລ. ທັດສະນະ ແລະ ແຜນນະໂຍບາຍນີ້ ສືບຕໍ່ໄດ້ປະກົດຜົນເປັນຈິງໃນການຊັບສ້ອນ, ສ້າງກົງຈັກໃຫ້ກະທັດລັດຄືປະຈຸບັນ.
ຟູອຽນ, ແຄງຮວ່າ ແລະ ນິງທ້ວນ ພ້ອມກັບ 3 ແຂວງທີ່ມີທະເລ, ລ້ວນແຕ່ກຳນົດສຸມໃສ່ພັດທະນາເສດຖະກິດທະເລ, ແຕ່ສັງເກດຈາກແງ່ມູມດຶງດູດການທ່ອງທ່ຽວທະເລໃນໄລຍະຜ່ານມາ, ທ່ານ ຫງວຽນເຕີນຕວນ, ປະທານ ຄະນະກຳມະການປະຊາຊົນ ແຂວງ ແຄງຮວ່າ ຖືວ່າ: 3 ແຂວງນີ້ ຍັງບໍ່ທັນເສີມຂະຫຍາຍບັນດາທ່າໄດ້ປຽບທີ່ໂດດເດັ່ນເພື່ອພັດທະນາບຸກທະລຸໄດ້.
“3 ແຂວງ ຍັງບໍ່ທັນມີບັນດາຈຸດພິເສດສະເພາະ, ຍັງບໍ່ທັນສ້າງຄວາມດູດດຶ່ມໃຫ້ແກ່ນັກທ່ອງທ່ຽວໄດ້. ບັນດາແຂວງ ລ້ວນແຕ່ຈັດຕັ້ງຫລາຍເຫດການຄ້າຍຄືກັນຄື: ພາຍເຮືອ, ໂຕ້ຄື້ນ, ການທ່ອງທ່ຽວທະເລ ສະນັ້ນ ບັນດາຜະລິດຕະພັນທ່ອງທ່ຽວຄ້າຍຄືກັນ ອາດຈະຍາກທີ່ຈະກະຕຸກຊຸກຍູ້ການທ່ອງທ່ຽວພັດທະນາໄດ້”.
    |
 |
|
ທ່າ ກຳປັ່ນ ທະເລກູຍເຍີນ. ພາບ: VTC News |
ໂດຍເຫັນດີກັບຂໍ້ສັງເກດນີ້, ທ່ານຮອງສາດສະດາຈານ, ປອ ເລຈີກົງ, ຫົວຫນ້າພະແນກທ່ອງທ່ຽວ, ມະຫາວິທະຍາໄລ ຍາຈາງ ກໍ່ຖືວ່າ: ເປົ້າໝາຍສຸດທ້າຍຂອງເລື່ອງໂຮງເຂົ້າກັນ ນັ້ນແມ່ນ ຕ້ອງເຮັດແນວໃດເພື່ອສ້າງຄວາມສະດວກສູງສຸດໃຫ້ແກ່ການຮ່ວມສຳພັນໃນເຂດພັດທະນາ, ເສີມຂະຫຍາຍໄດ້ທ່າແຮງຂອງແຕ່ລະເຂດເພື່ອໃຫ້ຈາກນັ້ນ ຈະສ້າງໄດ້ບັນດາຜະລິດຕະພັນທ່ອງທ່ຽວທີ່ມີຄວາມພິເສດສະເພາະ, ດູດດຶ່ມ.
“ບັນດາຈຸດນັດພົບມີຫລາຍຈຸດຄ້າຍຄືກັນ, ຜະລິດຕະພັນທ່ອງທ່ຽວຂາດຄວາມແຕກຕ່າງກັນ, ຈະບໍ່ສາມາດເສີມຂະຫຍາຍໄດ້ທ່າໄດ້ປຽບຂອງແຕ່ລະທ້ອງຖິ່ນ. ຖ້າໂຮມເຂົ້າເປັນເຂດຫນຶ່ງ ອາດສາມາດພັດທະນາຢ່າງແຮງ, ຫລີກລ້ຽງເລື່ອງບັນດາຜະລິດຕະພັນທ່ອງທ່ຽວຄ້າຍຄືກັນ. ການຮ່ວມສຳພັນແມ່ນທ່າອ່ຽງຈຳເປັນ ສ້າງກຳລັງແຮງສັງລວມ ຈາກນັ້ນ ຈະຊ່ວຍແກ້ງແຍ່ງກັບບັນດາສະຖານທີ່ທ່ອງທ່ຽວລະດັບສູງຂອງໂລກ”.
ຕາມ ປອ ຫງວຽນຊີ້ຢູງ, ອະດີດຮອງຫົວຫນ້າຫ້ອງວ່າການສະພາແຫ່ງຊາດແລ້ວ, ເລື່ອງຄັດເລືອກວິທີການໂຮມເຂົ້າໂດຍອີງໃສ່ຫລັກການ: ຍາດແຍ່ງທ່າໄດ້ປຽບເຂດພາກ, ເຄົາລົບບັນດາຄຸນຄ່າຫລັກແຫລ່ງ, ເສີມຂະຫຍາຍລັກສະນະເຊື່ອມຕໍ່, ການພົວພັນລະຫວ່າງບັນດາຫົວຫນ່ວຍ. ທ່ານ ຫງວຽນຊີ້ຢູງ ຖືວ່າ:
“ສັນຍານຂອງຍຸກສະໄຫມຊຸກຍູ້ໃຫ້ພວກເຮົາຕ້ອງໂຮມເຂົ້າ ນັ້ນແມ່ນຍຸກສະໄຫມເຕັກໂນໂລຊີ, ຍຸກດິຈິຕອນ. ພາຍໃຕ້ຍຸກດິຈິຕອນ, ຊ່ອງຫວ່າງເກືອບຄືວ່າບໍ່ມີ ແລະ ອີງໃສ່ພື້ນຖານວິທະຍາສາດເຕັກໂນໂລຊີ, ພວກເຮົາບໍ່ຄວນແບ່ງຫລາຍຫົວຫນ່ວຍບໍລິຫານ ຫາກພຽງແຕ່ຕ້ອງມີພື້ນຖານການຄຸ້ມຄອງຢ່າງມີປະສິດທິພາບກວ່າ”.
ດ້ວຍວິທີເຂົ້າເຖິງນີ້, ແຜນໂຮມບັນດາແຂວງ/ນະຄອນທີ່ມີທະເລເຂົ້າກັບແຂວງຢູ່ບັນດາລຸ່ມແມ່ນ້ຳ ຈະນຳມາເຊິ່ງປະສິດທິພາບ, ປະສິດທິຜົນໃນການພັດທະນາເສດຖະກິດທະເລ ຫວຽດນາມ. ເລື່ອງໂຮມເຂົ້າ ຈະຂຸດຄົ້ນໄດ້ລັກສະນະລຸລ່ວງຂອງບັນດາເຂດທຳມະຊາດ - ຊີວະພາບໃນການຮ່ວມສຳພັນເຂດ, ຊ່ວຍມີຄວາມເປັນເອກະພາບການຄຸ້ມຄອງລັດສຳລັບບັນດາຫົວຫນ່ວຍແຂວງແຄມທະເລທີ່ຫາກໍ່ໂຮມເຂົ້າກັນ, ສ້າງພື້ນທີ່ເປີດກວ້າງ, ເສລີ ແລະ ດຶງດູດການລົງທຶນໃຫ້ແກ່ການພັດທະນາເສດຖະກິດທະເລຫລາຍກວ່າໃນໄລຍະຈະມາເຖິງ.
ແຫຼ່ງຄັດຈາກ: vovworld.vn