ຕາມນະໂຍບາຍພາສີໃໝ່, ແຕ່ວັນທີ 5 ເມສາ, ອາເມລິກາ ຈະຈັດວາງອັດຕາພາສີພື້ນຖານ 10% ສຳລັບທຸກສິນຄ້ານຳເຂົ້າຈາກບັນດາຄູ່ຮ່ວມມືດ້ານການຄ້າ. ນອກຈາກນັ້ນແລ້ວ, ນັບແຕ່ວັນທີ 9 ເມສາ, ອັດຕາພາສີນຳເຂົ້າຈະສູງກວ່າ, ແຕ່ 20% ຫາ 54% ຈະໄດ້ຈັດວາງສຳລັບກວ່າ 60 ປະເທດ, ໃນນັ້ນອັດຕາພາສີສິນຄ້າຫວຽດນາມ ແມ່ນ 46%.

leftcenterrightdel
ທ່ານປະທານາທິບໍດີອາເມລິກາ Donald Trump ປະກາດບັນຊີລາຍຊື່ບັນດາປະເທດຖືກຈັດວາງອັດຕາພາສີໃໝ່. ພາບ: Reuters

ດ້ວຍອັດຕາພາສີດັ່ງກ່າວ, ມີຫຼາຍຂະແໜງອາຊີບຂອງຫວຽດນາມ, ຄື: ໄມ້ເຟີນີເຈີ, ຕ່ຳແຜ່ນຕັດຫຍິບ, ເຄື່ອງອາໄຫຼ່ເອເລັກໂຕນິກ ຫຼືສິນໃນນ້ຳ ຈະຖືກຜົນກະທົບຢ່າງໃຫຍ່ຫຼວງ. ທ່ານ ເກີ໊ນວັນລຶກ ນັກຊ່ຽວຊານດ້ານເສດຖະກິດໄດ້ໃຫ້ຂໍ້ສັງເກດແບບທາງບວກທີ່ວ່າ: “ພວກເຮົາອາດຈະຖືກຜົນກະທົບ ແລະແນ່ນອນວ່າຕ້ອງມີປະຕິກິລິຍາ. ເຖິງຢ່າງໃດກໍຕາມ, ກໍບໍ່ແມ່ນຫຼາຍເກີນໄປ. ພວກເຮົາຕ້ອງຈື່ໄວ້ວ່າ ປັດຈຸບັນ, ຄວາມຕ້ອງການຂອງປະຊາຊົນສຳລັບສິນຄ້າຢູ່ພາຍໃນປະເທດແມ່ນນັບມື້ນັບເພີ່ມຂຶ້ນ, ພິເສດແມ່ນເມື່ອເສດຖະກິດຂອງຫວຽດນາມ ມີການເຕີບໂຕທີ່ດີ, ລາຍຮັບຂອງປະຊາຊົນກໍຈະເພີ່ມຂຶ້ນ, ຕ້ອງມີຄວາມໝັ້ນໃຈເພື່ອເພີ່ມທະວີການບໍລິໂພກ.”

leftcenterrightdel
ທ່ານ ເກີ໊ນວັນລຶກ ນັກຊ່ຽວຊານດ້ານເສດຖະກິດ. ພາບ: vovworld.vn

ໃນຂະນະນັ້ນ, ການນຳຫຼາຍປະເທດໄດ້ມີປະຕິກິລິຍາໃນເບື້ອງຕົ້ນຕໍ່ນະໂຍບາຍພາສີໃໝ່ນີ້. ທ່ານ Mark Carney ນາຍົກລັດຖະມົນຕີການາດາ ຖະແຫຼງວ່າ ຈະໂຕ້ຕອບບັນດາມາດຕະການພາສີຂອງອາເມລິກາ ເພື່ອແນໃສ່ປົກປ້ອງແຮງງານຂອງການາດາ.

ສ່ວນທ່ານນາຍົກລັດຖະມົນຕີອົດສະຕາລີ Anthony Albanese ຖືວ່າ: “ນະໂຍບາຍພາສີໂຕ້ຕອບຂອງອຳນາດການປົກຄອງອາເມລິກາ ແມ່ນບໍ່ມີພື້ນຖານ ແລະພວມໄປຝືນກັບພື້ນຖານການພົວພັນຄູ່ຮ່ວມມືລະຫວ່າງສອງປະເທດ. ນີ້ບໍ່ແມ່ນການກະທຳຂອງຜູ້ເປັນເພື່ອນ. ການກະທຳຂອງ ອາເມລິກາ ໃນມື້ນີ້ຈະເຮັດໃຫ້ເພີ່ມຄວາມຂາດສະຖຽນລະພາບໃນພື້ນຖານເສດຖະກິດໂລກ ແລະ ເພີ່ມລາຍຈ່າຍຂອງບັນດາຄອບຄົວຢູ່ອາເມລິກາ. ປະຊາຊົນອາເມລິກາ ຈະແມ່ນເປົ້າໝາຍທີ່ຕ້ອງຊົດໃຊ້ແພງກວ່າໝູ່ສຳລັບນະໂຍບາຍພາສີທີ່ຂາດຄວາມຍຸຕິທຳນີ້”.

ຂ່າວ: ວິທະຍຸກະຈາຍສຽງຫວຽດນາມ