ກ່ອນນີ້ 20 ປີ, ເມື່ອ Viettel ຂີດໝາຍການປະກົດຕົວໃນແຜນທີ່ເຄື່ອນທີ່ແຫ່ງຊາດ ດ້ວຍການເປີດເຄືອຂ່າຍເຄື່ອນທີ່ຢ່າງເປັນທາງການ ດ້ວຍເຄື່ອງໝາຍການຄ້າ Viettel Mobile, ບາງຄົນອາດນຶກພາບວ່າວິສາຫະກິດໜຸ່ມ, ທີ່ຖືກປະໄວ້ໄກກັບເຕັກໂນໂລຢີ 2G, ແຕ່ສາມາດເລັ່ງຄວາມໄວເພື່ອກາຍເປັນວິສາຫະກິດໃນທອັບ 5 ປະເທດທໍາອິດທີ່ຜະລິດອຸປະກອນເຄືອຂ່າຍ 5G (ຊູແອັດ, ແຟງລັງ, ຈີນ, ສ.ເກົາຫຼີ, ຫວຽດນາມ). ນັບແຕ່ເດືອນ ມີນາ 2024, Viettel ໄດ້ຮັບໃບອະນຸຍາດນໍາໃຊ້ຄວາມຖີ່ 2600MHz ເພື່ອຜັນຂະຫຍາຍ 5G. ພາຍຫຼັງໄດ້ຮັບໃບອະນຸຍາດພຽງ 7 ເດືອນ, ວັນທີ 15 ຕຸລາ, Viettel ໄດ້ເປັນເຈົ້າຂອງ ແລະເປີດສະຫຼອງເຄືອຂ່າຍ 5G ຢູ່ຫວຽດນາມ ຢ່າງເປັນທາງການ.

leftcenterrightdel
ຮູບແບບໝູນໃຊ້ເຕັກໂນໂລຢີ 5G ເຂົ້າໃນການເຄື່ອນໄຫວຂອງໂຮງງານ. ພາບ: ຮວ່າງຈູງ

ດ້ວຍຄວາມສຸດຈິດສຸດໃຈ, ປະດິດສ້າງ ແລະຈິດໃຈກ້າຫານຂອງທະຫານລຸງໂຮ່, ຖັນແຖວພະນັກງານ, ນັກວິສາວະກອນ, ພາລະກອນຂອງ Viettel ໄດ້ມີຄວາມອອກແຮງງານຢ່າງຫ້າວຫັນ, ອຸທິດສ່ວນ, ປະກອບສ່ວນນໍາ Viettel ກາຍເປັນບໍລິສັດເຄືອຂ່າຍທຳອິດທີ່ຫາກໍ່ຜັນຂະຫຍາຍ 5G ໄດ້ສົ່ງສັນຍານປົກຄຸມ 63 ແຂວງ, ນະຄອນໃນທົ່ວປະເທດ ດ້ວຍສະຖານີຮັບ ແລະກະຈາຍສັນຍານປະມານ 6.500 ແຫ່ງ. ພາຍຫຼັງ 15 ວັນນັບແຕ່ເປີດນຳໃຊ້ຢ່າງເປັນທາງການ, ຕາມບໍລິສັດໃຫຍ່ໂທລະຄົມມະນາຄົມ Viettel (Viettel Telecom) ແລ້ວ, ໄດ້ມີ 3 ລ້ານຄົນຈົດທະບຽນນຳໃຊ້ເຄືອຂ່າຍ 5G ຂອງ Viettel. ໃນນັ້ນ, ຮ່າໂນ້ຍ, ນະຄອນໂຮ່ຈີມິນ, ບິ່ງເຢືອງ, ດົ່ງນາຍ, ຫ໋າຍຟ່ອງ ໄດ້ຮັບການຮອງຮັບວ່າ ແມ່ນ 5 ທ້ອງຖິ່ນມີລູກຄ້ານຳໃຊ້ 5G ຫຼາຍທີ່ສຸດ, ກວມເອົາເກືອບ 50% ຈໍານວນໂທລະສັບທີ່ມີຢູ່ແລ້ວ.

ແບ່ງປັນກ່ຽວກັບເຕັກໂນໂລຢີທີ່ກ້າວໜ້າທີ່ Viettel ໄດ້ເປັນເຈົ້າຂອງເພື່ອພັດທະນາ 5G, ສະຫາຍ ຮວ່າງດຶ໊ກແທັງ, ຮອງຜູ້ອໍານວຍການສູນເຕັກນິກທົ່ວໂລກ, ບໍລິສັດໃຫຍ່ເຄືອຂ່າຍ Viettel ໃຫ້ຮູ້ວ່າ, ໜຶ່ງໃນບັນດາຜົນງານພົ້ນເດັ່ນຂອງ Viettel ນັ້ນແມ່ນໄດ້ເປັນເຈົ້າຂອງລະບົບເຄືອຂ່າຍຫຼັກແຫຼ່ງທີ່ສຳຄັນ, ຈາກນັ້ນ, Viettel ສາມາດຜະລິດອຸປະກອນໂທລະພາບ,  ອຸປະກອນເຄືອຂ່າຍສົ່ງສັນຍານດ້ວຍຕົນເອງ, ຈຳກັດການນຳເຂົ້າເຄື່ອງອາໄຫຼ່,  ອຸປະກອນເອເລັກໂຕນິກຈາກພາຍນອກ.

leftcenterrightdel
ລູກຄ້າໃຊ້ແອັບພຼີເຄຊັນ 5G ຂອງ Viettel. ພາບ: ຮວ່າງຈູງ

ປະຈຸບັນ, ກ່ຽວກັບການສົ່ງສັນຍານ, Viettel ມີຄວາມຖີ່ທີ່ດີເພື່ອຜັນຂະຫຍາຍເຄືອຂ່າຍ 5G. ຕາມນັກຊ່ຽວຊານ ແລ້ວ, ດ້ວຍຄວາມຖີ່ 2600MHz ນັ້ນ ສັນຍານຂອງ Viettel ສາມາດປົກຄຸມເຂດກວ້າງທີ່ສຸດໃນທົ່ວປະເທດ, ກວ້າງກວ່າແຖບທົ່ວໄປອື່ນຂອງ 5G ທົບສອງເທົ່າ. ສຳລັບມາດຕະການເຕັກໂນໂລຢີເພື່ອເປີດກວ້າງເຂດສົ່ງສັນຍານ, Viettel ໄດ້ສ້າງເຄືອຂ່າຍ 5G ໂດຍອີງໃສ່ມາດຕະຖານເຕັກນິກຫຼ້າສຸດ, ຫຼາຍກວ່າທົບ 16 ເທົ່າເມື່ອທຽບໃສ່ເຕັກໂນໂລຢີພວມໃຊ້ໃນປະຈຸບັນສໍາລັບ 4G.

ເຖິງຢ່າງໃດກໍ່ຕາມ, ເພື່ອພັດທະນາເຕັກໂນໂລຢີ 5G, ຖັນແຖວພະນັກງານ, ນັກວິສາວະກອນ Viettel ຕ້ອງແກ້ໄຂ, ຜ່ານຜ່າຄວາມຫຍຸ້ງຍາກ, ອຸປະສັກຫຼາຍຢ່າງໃນຂະບວນການຄົ້ນຄວ້າ ແລະທົດລອງ. ສະຫາຍ ຮວ່າງດຶກແທັງ ໃຫ້ຮູ້ວ່າ, ຄ່າໃຊ້ຈ່າຍໃນການລົງທຶນໃຫ້ 5G ແມ່ນຫຼາຍທີ່ສຸດ, ທົບ 4-5 ເທົ່າເມື່ອທຽບໃສ່ການລົງທຶນໃຫ້ 4G ແລະໃຊ້ເວລາຫຼາຍເພື່ອຜັນຂະຫຍາຍ. ໃນດ້ານຂະໜາດ ແລະປະລິມານ, ອຸປະກອນຮັບໃຊ້ເຕັກໂນໂລຢີ 5G ແມ່ນມີຂະໜາດໃຫຍ່ກວ່າ, ປະລິມານທົບ 1,5-2 ເທົ່າເມື່ອທຽບໃສ່ອຸປະກອນສະຫງວນໃຫ້ 4G.

ໜຶ່ງໃນບັນດາຄວາມຫຍຸ້ງຍາກເພື່ອເປີດກວ້າງການພັດທະນາ 5G ຢູ່ຫວຽດນາມ ແມ່ນອຸປະກອນໜູນຊ່ວຍ 5G ຍັງຈຳກັດ. ປະຈຸບັນ, ມີພຽງແຕ່ປະມານ 15% ອຸປະກອນ (ຄື: ໂທລະສັບສະຫຼາດ, ແທັບເລັດ) ຢູ່ຫວຽດນາມ ມີການໜູນຊ່ວຍເຕັກໂນໂລຢີ 5G ເທົ່ານັ້ນ ແລະຕົ້ນຕໍແມ່ນຢູ່ໃນເຂດຕົວເມືອງ. ລູກຄ້າຫຼາຍຄົນມີອຸປະກອນມືຖືທັນສະໄໝທີ່ຊື້ຢູ່ຕ່າງປະເທດແຕ່ຖືກລັອກເຕັກໂນໂລຢີ ຫຼືບໍ່ໄດ້ໜູນຊ່ວຍ 5G ຢູ່ຫວຽດນາມ. ປັດໄຈເຫຼົ່ານີ້ພາໃຫ້ການຜັນຂະຫຍາຍ 5G ຢ່າງກວ້າງຂວາງ, ພິເສດແມ່ນຢູ່ເຂດຊົນນະບົດ, ບໍ່ໄດ້ຮັບປະສິດທິຜົນໃນທັນທີ.

ອາດເວົ້າໄດ້ວ່າ ປີ 2024 ແມ່ນປີສຳເລັດຜົນຂອງຂະແໜງໂທລະຄົມມະນາຄົມຫວຽດນາມ ເວົ້າລວມ ແລະ Viettel ເວົ້າສະເພາະ. ໃນໄລຍະຈະມາເຖິງ, ເມື່ອພື້ນຖານໂຄງລ່າງໄດ້ຮັບການເປີດກວ້າງ ແລະດີທີ່ສຸດ, ການນໍາໃຊ້ 5G ຈະນັບມື້ນັບເປັນປົກກະຕິກວ່າ. ເລື່ອງ Viettel ໄດ້ຜັນຂະຫຍາຍເຄືອຂ່າຍ 5G ໃນທົ່ວປະເທດ ຈະສ້າງປະຖົມປັດໄຈເພື່ອຊຸກຍູ້ການຫັນປ່ຽນດີຈີຕອນຢ່າງແຂງແຮງ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດຂອງປະເທດ.

ໂດຍ: ໄຊຊະນະ