ການຮ່ວມມືນີ້ສ້າງຂີດໝາຍບາດກ້າວທີ່ສຳຄັນຂອງ Viettel Cyber Security ໃນການນຳເອົາບັນດາບໍລິການດ້ານຄວາມໝັ້ນຄົງທາງອິນເຕີເນັດ “Make in Vietnam” ເຂົ້າໃນການສ້າງເຄື່ອງກຳບັງຄວາມໝັ້ນຄົງທາງອິນເຕີເນັດຢ່າງຮອບດ້າຍຢູ່ເອີລົບ - ພາກພື້ນທີ່ມີຄວາມຮຽກຮ້ອງຕ້ອງການສູງກ່ຽວກັບຄວາມລັບ ແລະເຄົາລົບຄວາມໝັ້ນຄົງດ້ານຂໍ້ມູນຂ່າວສານ.

ຕາມຂໍ້ຕົກລົງ, Viettel Cyber Security ຈະສະໜອງການບໍລິການດ້ານຄວາມໝັ້ນຄົງທາງອິນເຕີເນັດລົງເລິກໃຫ້ແກ່ລູກຄ້າຢູ່ເອີຣົບ, ລວມມີ: ມາດຕະການຕີລາຄາ ແລະອັບເດດຄວາມຮູ້ກ່ຽວກັບຄວາມໝັ້ນຄົງທາງອິນເຕີເນັດ (Viettel Threat Intelligence); ການແຊກຊຶມ, ຄົ້ນພົບ ແລະແກ້ໄຂຊ່ອງວ່າງຄວາມລັບກ່ອນທີ່ໂຈນທາງອິນເຕີເນັດຂຸດຄົ້ນ...

leftcenterrightdel
ແຂກຢ້ຽມຊົມຮ້ານຄ້າຂອງ Viettel ທີ່ກອງປະຊຸມມືຖືໂລກ 2025. ພາບ: qdnd.vn

ມາດຕະການເຫຼົ່ານີ້ສາມາດຊ່ວຍໃຫ້ອົງການຈັດຕັ້ງ ແລະວິສາຫະກິດຢູ່ເອີຣົບເປັນເຈົ້າການປ້ອງກັນລະບົບຕໍ່ໜ້າໄພນາບຂູ່ເຖິງຄວາມໝັ້ນຄົງທາງອິນເຕີເນັດທີ່ນັບມື້ນັບສັບສົນ, ຫຼຸດຜ່ອນຄວາມສ່ຽງສູນເສຍຂໍ້ມູນ ແລະຮັບປະກັນໃຫ້ການດໍາເນີນທຸລະກິດເຄື່ອນໄຫວຢ່າງຕໍ່ເນື່ອງ. Viettel Cyber Security ມີກໍາລັງຄວາມສາມາດດ້ານເຕັກໂນໂລຊີຫຼັກ ແລະມີຖັນແຖວນັກຊ່ຽວຊານຮັກສາຄວາມລັບແຖວໜ້າໂລກ - ເປັນຜູ້ທີ່ໄດ້ຄົ້ນພົບຊ່ອງວ່າງ zero-day ຂອງບັນດາກຸ່ມບໍລິສັດເຕັກໂນໂລຊີໃຫຍ່ເຊັ່ນ Microsoft, Oracle. ໃນຂະນະນັ້ນ, InnoSynthex ມີເຄືອຂ່າຍລູກຄ້າໃນທົ່ວເອີຣົບ, ພ້ອມກັບບົດຮຽນປະສົບການໃນການຜັນຂະຫຍາຍມາດຕະການຮັບປະກັນຄວາມລັບປະຕິບັດຕາມມາດຕະຖານ GDPR ແລະ ISO 27001 ຢ່າງເຂັ້ມງວດ.

leftcenterrightdel
ການນຳສອງຝ່າຍລົງນາມໃນສັນຍາຮ່ວມມື. ພາບ: qdnd.vn

ເລື່ອງເປີດກວ້າງການເຄື່ອນໄຫວຢູ່ເອີລົບ ແມ່ນບາດກ້າວຍຸດທະສາດໃນການພັດທະນາທົ່ວໂລກຂອງ Viettel Cyber Security, ຢືນຢັນຖານະບົດບາດຂອງ Viettel ບໍ່ພຽງແຕ່ແມ່ນກຸ່ມບໍລິສັດໂທລະຄົມມະນາຄົມເທົ່ານັ້ນ ຫາກຍັງແມ່ນວິສາຫະກິດເຕັກໂນໂລຢີແຖວໜ້າຂອງໂລກອີກດ້ວຍ. ນີ້ກໍ່ແມ່ນພະຍານຫຼັກຖານໃຫ້ແກ່ຄວາມສາມາດຂອງຫວຽດນາມ ໃນການສະໜອງບັນດາມາດຕະການຮັບປະກັນຄວາມໝັ້ນຄົງທາງອິນເຕີເນັດລະດັບສາກົນ, ເທົ່າທຽບກັບບັນດາກຸ່ມບໍລິສັດສະໜອງການຮັບປະກັນຄວາມລັບແຖວໜ້າຂອງໂລກ.

ໂດຍ: ທະນາພອນ