ລັດເຊຍ ຮັບຮູ້ໄລຍະທາງຟື້ນຟູການພົວພັນກັບ ອາເມລິກາ ຍັງປະສົບກັບຄວາມຫຍຸ້ງຍາກຫລາຍຢ່າງ

ທ່ານ Dmitry Peskov ໂຄສົກ ວັງ Kremlin. ພາບ: ສໍານັກຂ່າວສານຫວຽດນາມ

ວັນທີ 10 ມີນາ, ທ່ານ Dmitry Peskov ໂຄສົກ ວັງ Kremlin ຖືວ່າ: ເລ່ືອງຟື້ນຟູການພົວພັນລະຫວ່າງ ລັດເຊຍ ແລະ ອາເມລິກາ ຈະແມ່ນວິວັດການຍາວນານ ແລະເຕັມໄປດ້ວຍສິ່ງທົດສອບ, ແຕ່ສິ່ງສຳຄັນແມ່ນສອງຝ່າຍໄດ້ສະແດງໃຫ້ເຫັນເຈດຕະນາດີໃນການປັບປຸງການພົວພັນສອງຝ່າຍ. ກ່າວຄຳເຫັນທີ່ການຖະແຫລງຂ່າວ, ທ່ານ Peskov ໃຫ້ຮູ້ວ່າ: ລັດເຊຍ ແລະອາເມລິກາ ປະຈຸບັນ ພວມຢູ່ໃນໄລຍະຕົ້ນຂອງວິວັດການຟື້ນຟູການພົວພັນສອງຝ່າຍ ແລະເນັ້ນຫນັກວ່າ ທັງປະທານາທິບໍດີ Vladimir Putin ແລະຄູ່ຮ່ວມຕຳແຫນ່ງ ອາເມລິກາ Donald Trump ລ້ວນແຕ່ ສະແດງໃຫ້ເຫັນເຈດຕະນາດີດ້ານການເມືອງ ໃນການຊຸກຍູ້ການເຈລະຈາ ແລະປັບປຸງສາຍພົວພັນລະຫວ່າງສອງປະເທດ.

ກໍຕາມທ່ານ ໂຄສົກ Peskov ແລ້ວ, ນັບແຕ່ເມື່ອທ່ານ Trump ຮັບດຳລົງຕຳແຫນ່ງຜູ້ນຳຫນ້າທຳນຽບຂາວ ໃນເດືອນມັງກອນປີນີ້, ທ່ານປະທານາທິບໍດີ Putin ພຽງແຕ່ມີການເຈລະຈາທາງໂທລະສັບກັບຄູ່ຕຳແຫນ່ງ ອາເມລິກາ 1 ຄັ້ງ, ໃນນັ້ນ ສອງຝ່າຍ ໄດ້ປຶກສາຫາລື ກ່ຽວກັບຫລາຍຫົວຂໍ້ຄື: ບັນຫາ ຢູແກຼນ ແລະການພົວພັນສອງຝ່າຍ. ສອງຝ່າຍກໍເຫັນດີຈະຮັກສາການພົວພັນ ແລະດຳເນີນການເຈລະຈາແບບເຊິ່ງໜ້າໃນອະນາຄົດ.

ແຫຼ່ງຄັດຈາກ: vovworld.vn