ສຸກສາລາ ເກາະເຈື່ອງຊາ ປະຖົມພະຍາບານຊາວປະມົງ
ກປ.ອອນໄລ - ຕອນທ່ຽງວັນທີ 10 ມີນາ, ສຸກສາລາ ເກາະເຈື່ອງຊາ (ກອງພົນນ້ອຍ 146, ທະຫານເຮືອເຂດ 4) ໄດ້ຮັບເອົາ ແລະປະຖົມພະຍາບານຊາວປະມົງທີ່ຮັບບາດເຈັບໃນຂະນະຂຸດຄົ້ນສິນທະເລຢູ່ເຂດທະເລເຈື່ອງຊາ.
    |
 |
|
ສຸກສາລາ ເກາະເຈື່ອງຊາ ປະຖົມພະຍາບານໃຫ້ຊາວປະມົງ ຮີ່ງກ່ອນ, ລູກເຮືອໃນເຮືອຫາປາ NT 90963TS. ພາບ: qdnd.vn |
ກ່ອນໜ້ານັ້ນ, ໃນເວລາ 9 ໂມງ ຂອງວັນທີ 10 ມີນາ, ຊາວປະມົງ ຮີ່ງກອ່ນ, ລູກເຮືອໃນເຮືອຫາປາ NT 90963TS (ເກີດປີ 1982, ບ້ານເກີດຢູ່ແຂວງ ນິງຖ້ວນ), ໃນຂະນະຫາປາຢູ່ຫ່າງຈາກເກາະປະມານ 7 ໄມທະເລ ຖືກອຸບັດຕິເຫດຍ້ອນປາຕຳໃສ່ຂາເບື້ອງຂວາ.
ຄົນເຈັບ ຮີ່ງກ່ອນ ຖືກສົ່ງເຂົ້າເກາະເຈື່ອງຊາ ໃນອາການຂາເບື້ອງຂວາເຈັບປວດ, ບວມ, ຮ້ອນແດງ, ຍ່າງໄປຍາກ.
|
|
 |
|
ຜູ້ບັນຊາການເກາະເຈື່ອງຊາ ສົມທົບກັບທະຫານຊາຍແດນຢ້ຽມຢາມຖາມຂ່າວ, ມອບທຸງຊາດ ແລະແຈກໃບປິວໂຄສະນາ ແລະສິ່ງຂອງທີ່ຈໍາເປັນອື່ນໆ. ພາບ: qdnd.vn |
ກໍ່ໃນວັນດຽວກັນ, ພະນັກງານ, ນັກຮົບເກາະເຈື່ອງຊາ ໄດ້ແນະນໍາ, ໜູນຊ່ວຍເຮືອຫາປາ 100 ກວ່າລໍາ ແລະຊາວປະມົງ 800 ກວ່າຄົນຢູ່ບັນດາແຂວງພາກກາງ ເຂົ້າຫຼົບລີ້ທະເລຄະນອງ, ຮັບປະກັນຄວາມປອດໄພ. ຜູ້ບັນຊາການເກາະເຈື່ອງຊາ ສົມທົບກັບທະຫານຊາຍແດນໄດ້ຢ້ຽມຢາມຖາມຂ່າວ ແລະມອບທຸງຊາດກວ່າ 200 ຜືນ, ແຈກໃບປິວໂຄສະນາ 300 ກວ່າໃບ ແລະສິ່ງຂອງຈຳເປັນອື່ນໆຫຼາຍຢ່າງ, ລະດົມກໍາລັງໃຈຊາວປະມົງໃຫ້ມີຄວາມອຸ່ນອ່ຽນໃຈອອກໄປຫາປາຢູ່ທະເລ.
ໂດຍ: ທູຈາງ