ຊຸກຍູ້ການພັດທະນາລະບົບນະວັດຕະກໍາແຫ່ງຊາດ
ກປ.ອອນໄລ - ຕອນເຊົ້າວັນທີ 19 ເມສາ, ຢູ່ຮ່າໂນ້ຍ, ກະຊວງວິທະຍາສາດ ແລະເຕັກໂນໂລຢີຫວຽດນາມ ໄດ້ຈັດຕັ້ງພິທີຕອບສະໜອງວັນປະດິດສ້າງ ແລະນະວັດຕະກຳໂລກ 2024.
ກ່າວຄຳເຫັນນະທີ່ນີ້, ທ່ານ ຮີ່ງແທັ່ງດາດ ລັດຖະມົນຕີກະຊວງວິທະຍາສາດ ແລະເຕັກໂນໂລຢີຫວຽດນາມ ເນັ້ນໜັກວ່າ: ນັບແຕ່ປີ 2017, ສະມັດຊາໃຫຍ່ສະຫະປະຊາຊາດ ໄດ້ເລືອກເອົາວັນທີ 21 ເມສາ ປະຈໍາປີ ເປັນວັນປະດິດສ້າງ ແລະນະວັດຕະກຳໂລກ ດ້ວຍເປົ້າໝາຍຍົກສູງຄວາມຮັບຮູ້ກ່ຽວກັບບົດບາດຂອງການປະດິດສ້າງ ແລະນະວັດຕະກຳ ໃນການພັດທະນາເສດຖະກິດ, ສັງຄົມ ແລະ ການພັດທະນາແບບຍືນຍົງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt07-01.jpg?dpi=150&quality=100&w=500) |
ທ່ານ ຮີ່ງແທັ່ງດາດ ລັດຖະມົນຕີກະຊວງວິທະຍາສາດ ແລະເຕັກໂນໂລຢີຫວຽດນາມ ກ່າວຄໍາເຫັນທີ່ພິທີ. ພາບ: qdnd.vn |
ຄຽງຂ້າງບັນດາໝາກຜົນທີ່ບັນລຸໄດ້, ທ່ານ ຮີ່ງແທັ່ງດາດ ກໍ່ຖືວ່າ, ກໍາລັງຄວາມສາມາດດ້ານນະວັດຕະກຳຂອງຫວຽດນາມ ຕ້ອງສືບຕໍ່ໄດ້ຮັບການປັບປຸງຢ່າງແຂງແຮງກວ່າອີກໃນໄລຍະຈະມາເຖິງ, ເພື່ອແນໃສ່ປະກອບສ່ວນໂດຍກົງເຂົ້າໃນການຍົກສູງສະມັດຕະພາບການແຮງງານ, ຄຸນນະພາບຂອງຜະລິດຕະພັນສິນຄ້າ, ປົກປັກຮັກສາສິ່ງແວດລ້ອມ ແລະ ພັດທະນາແບບຍືນຍົງ. ຫວຽດນາມ ພວມຫັນປ່ຽນຮູບແບບການເຕີບໂຕຈາກການອີງໃສ່ແຫຼ່ງທຶນ ແລະການອອກແຮງງານ ໄປສູ່ຮູບແບບການເຕີບໂຕບົນພື້ນຖານວິທະຍາສາດ ແລະນະວັດຕະກຳ.
ເມື່ອແບ່ງປັນທີ່ເຫດການ, ທ່ານນາງ Pauline Tamesis, ຜູ້ປະສານງານຂອງ ສປຊ ປະຈໍາ ຫວຽດນາມ ໃຫ້ຮູ້ວ່າ, ນະວັດຕະກຳມີຄວາມສາມາດບ່ົມຊ້ອນ ເພື່ອຊຸກຍູ້ບັນດາເປົ້າໝາຍພັດທະນາແບບຍືນຍົງ (SDGs) ແລະໂຄງການດໍາເນີນງານ 2030 ຂອງສະຫະປະຊາຊາດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/20/upload_2121/20042024-tt07-02.jpg?dpi=150&quality=100&w=500) |
ບັນຍາກາດທີ່ພິທີ. ພາບ: qdnd.vn |
ຕາມບົດລາຍງານອາສາສະໝັກແຫ່ງຊາດກ່ຽວກັບ SDGs ປີ 2023, ຫວຽດນາມ ບັນລຸໄດ້ 5/17 ຄາດໝາຍພັດທະນາແບບຍືນຍົງ. ໃນຊຸມປີຕໍ່ໜ້າ, ຫວຽດນາມ ຕ້ອງຍູ້ແຮງວິວັດການເພື່ອບັນລຸໄດ້ບັນດາຄາດໝາຍດັ່ງກ່າວໂດຍຜ່ານນະວັດຕະກຳ, ການສ້າງແຮງບັນດານໃຈໃຫ້ແກ່ການເຄື່ອນໄຫວຜັນຂະຫຍາຍເຕັກໂນໂລຢີສີຂຽວ, ມາດຕະການຮັບມືກັບບັນດາສິ່ງທ້າທາຍໃໝ່, ປະກອບສ່ວນຫຼຸດຜ່ອນການປ່ອຍອາຍພິດກາກບອນ ກໍຄືເພີ່ມທະວີລັກສະນະຍືນຍົງຂອງສິ່ງແວດລ້ອມ, ປັບປຸງຊີວິດການເປັນຢູ່ຂອງປະຊາຊົນ, ນຳມາເຊິ່ງກາລະໂອກາດທາງດ້ານເສດຖະກິດ...
ໃນໂອກາດນີ້, ກະຊວງວິທະຍາສາດ ແລະເຕັກໂນໂລຢີ ໄດ້ປຸກລະດົມ, ແນະນໍາໃຫ້ບັນດາກະຊວງ, ຂະແໜງການ ແລະທ້ອງຖິ່ນ; ສະຖາບັນຄົ້ນຄ້ວາ, ມະຫາວິທະຍາໄລ, ວິສາຫະກິດ ແລະບຸກຄົນ ຈັດກິດຈະກໍາເຄື່ອນໄຫວເພື່ອຕອບສະໜອງວັນປະດິດສ້າງ ແລະນະວັດຕະກຳ 2024.
ໂດຍ: ທູຈາງ