ກອງປະຊຸມສຸດຍອດ Blockchain ຫວຽດນາມ 2022
ກປ.ອອນໄລ - ວັນທີ 19 ຕຸລາ, ຢູ່ຮ່າໂນ້ຍ, ສະຫະສະມາຄົມຊອບແວ ແລະບໍລິການເຕັກໂນໂລຢີຂໍ້ມູນຂ່າວສານຫວຽດນາມ ໄດ້ສົມທົບກັບສະຫະສະມາຄົມ Blockchain ຫວຽດນາມ ຈັດພິທີເປີດກອງປະຊຸມສຸດຍອດ Blockchain ຫວຽດນາມ 2022.
|
|
ບັນຍາກາດທີ່ກອງປະຊຸມ. ພາບ: qdnd.vn |
ນີ້ແມ່ນຄັ້ງທຳອິດ, ທີ່ກອງປະຊຸມດັ່ງກ່າວໄດ້ຈັດຂຶ້ນຢູ່ ຫວຽດນາມ, ດຶງດູດການເຂົ້າຮ່ວມຂອງການນຳຂອງບັນດາອົງການ, ສະຫະສະມາຄົມ, ວິສາຫະກິດ, ນັກຊ່ຽວຊານແຖວໜ້າຫວຽດນາມ ແລະບັນດາປະເທດມະຫາອຳນາດດ້ານເຕັກໂນໂລຢີ Blockchain ຄື: ສິງກະໂປ, ມາເລເຊຍ, ອາເມລິກາ, ສ.ເກົາຫຼີ... ໃນຂອບເຂດກອງປະຊຸມ, ໄດ້ດຳເນີນການເຄື່ອນໄຫວຫຼາຍຢ່າງຄື: ກອງປະຊຸມ; ງານວາງສະແດງບັນດາພື້ນຖານ, ມາດຕະການ Blockchain; ມີເກືອບ 20 ວາລະປຶກສາຫາລືກ່ຽວກັບເຕັກໂນໂລຍີ Blockchain, ໂປຼແກຼມ Blockchain ໃນການຄຸ້ມຄອງ ແລະບໍລິຫານເພື່ອສ້າງຮູບແບບດໍາເນີນທຸລະກິດໃໝ່ ໃນຕະຫຼາດທີ່ຫາກໍ່ພົ້ນເດັ່ນຂຶ້ນ ... ກອງປະຊຸມຈະດໍາເນີນໄປຈົນເຖິງວັນທີ 20 ຕຸລາ.
ໂດຍ: ທະນາພອນ