ໃນຕະຫຼອດວິວັດການປິ່ນປົວ ຢູ່ໂຮງໝໍເປັນເວລາ 10 ວັນ, ຄົນເຈັບໄດ້ຮັບຄວາມເອົາໃຈໃສ່, ຕິດຕາມອາການຈາກຄະນະອຳນວຍການ ແລະບັນດາແພດໝໍ. ການສະແດງອາການເຖິງວ່າໜ້ອຍທີ່ສຸດ ກໍ່ໄດ້ບັນທຶກຢ່າງລະອຽດ, ໄຈ້ແຍກຢ່າງລະອຽດເພື່ອຈັດຢາໃຫ້ຄົນເຈັບ ກໍ່ຄືຍົກອອກບັນດາວິທີການປິ່ນປົວດີທີ່ສຸດໃຫ້ແກ່ຄົນເຈັບ. ດ້ວຍຄວາມມານະພະຍາຍາມດັ່ງກ່າວ, ແຕ່ລະມື້ສະພາບອາການຂອງຄົນເຈັບ ຄ່ອຍໆດີຂຶ້ນ.

leftcenterrightdel
ຄົນເຈັບ ໄດ້ຮັບການເບິ່ງແຍງດູແລ, ກວດ ແລະປິ່ນປົວຢ່າງສຸດຈິດສຸດໃຈ ຈາກແພດໝໍຫວຽດນາມ. ພາບ: ໂຮງໝໍກາງສະໜາມຂັ້ນ 2 ເລກ 4. ພາບ: ມາຍງວຽນ.

ສາມາດເວົ້າໄດ້ວ່າໃນເງື່ອນໄຂກາງສະໜາມ, ດ້ວຍລະບົບວັດຖຸອຸປະກອນຮັບໃຊ້ໃຫ້ວຽກງານບົ່ງມະຕິ ແລະປິ່ນປົວພະຍາດແມ່ນຫຍຸ້ງຍາກ, ຂາດເຂີນ, ຄົນເຈັບຜູ້ນີ້ແມ່ນການທົດສອບບໍ່ໜ້ອຍຕໍ່ກັບແພດໝໍຂອງໂຮງໝໍກາງສະໜາມຂັ້ນ 2 ເລກ 4, ຮຽກຮ້ອງຕ້ອງການບໍ່ພຽງແຕ່ມີຄວາມຮູ້ເລິກເຊິ່ງເທົ່ານັ້ນ ຫາກຍັງມີປະສົບການຕົວຈິງອີກດ້ວຍ.

ພາຍຫຼັງທຳການປິ່ນປົວເປັນເວລາໜຶ່ງອາທິດ, ຄົນເຈັບມີສຸຂະພາບດີຂຶ້ນ, ຈິດໃຈເບີກບານມ່ວນຊື່ນ ແລະສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ກັບແພດໝໍຂອງໂຮງໝໍ.

ໂດຍ: ແສງເດືອນ