ການຮ່ວມມືພັດທະນາສະຖານີຮັບສົ່ງສັນຍານ 5G “Make in Vietnam”
ກປ.ອອນໄລ - ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ແລະກຸ່ມບໍລິສັດ Vingroup ຫາກໍ່ລົງນາມໃນຂໍ້ຕົກລົງຮ່ວມມືພັດທະນາຄວາມຖີ່ສູງໃຫ້ແກ່ສະຖານີຮັບສົ່ງສັນຍານ 5G ຕື່ມອີກ. ເຫດການດັ່ງກ່າວແມ່ນນອນໃນການກໍານົດທິດຂອງກະຊວງຖະແຫຼງຂ່າວ ແລະສື່ສານກ່ຽວກັບການພັດທະນາບັນດາຜະລິດຕະພັນ “Make in Vietnam”.
ກ່າວຄໍາເຫັນທີ່ພິທີ, ທ່ານ ເລດັງຢູງ, ຮັກສາການທັງເປັນຜູ້ອໍານວຍການໃຫຍ່ກຸ່ມບໍລິສັດ Viettel ໃຫ້ຮູ້ວ່າ: “Viettel ພ້ອມແລ້ວທີ່ຈະເປີດກວ້າງການຮ່ວມມືກັບບັນດາວິສາຫະກິດທີ່ມີຄວາມຫວັງລວມແມ່ນນໍາ ຫວຽດນາມ ກາຍເປັນປະເທດເຕັກໂນໂລຢີ. ການຮ່ວມມືໃນຄັ້ງນີ້ເປັນການຢັ້ງຢືນຄວາມສາມາດບົ່ມຊ້ອນຂອງບັນດາກຸ່ມບໍລິສັດຢູ່ຫວຽດນາມ, ສ້າງກໍາລັງແຮງສາມັກຄີ, ປັບປຸງຜະລິດຕະພັນໃຫ້ສົມບູບແບບໂດຍໄວ ເພື່ອນໍາເຂົ້າຜັນຂະຫຍາຍສະຖານີຮັບສົ່ງສັນຍານ 5G , ສະໜອງບໍລິການ 5G ດີທີ່ສຸດໃຫ້ແກ່ຊາວຫວຽດນາມ”.
|
|
ການນໍາສອງຝ່າຍລົງນາມໃນຂໍ້ຕົກລົງການຮ່ວມມື. ພາບ: qdnd.vn. |
ສ່ວນຝ່າຍ Vingroup, ທ່ານ ຫງວຽນຫວຽດກວາງ, ຮອງປະທານທັງເປັນຜູ້ອໍານວຍການກຸ່ມບໍລິສັດ Vingroup ແບ່ງປັນວ່າ “ເລື່ອງພັດທະນາ 5G ຈະຕັດສິນຜົນສໍາເລັດຂອງສັງຄົມດີຈີຕອນ. ໂດຍຮັບຮູ້ໄດ້ສິ່ງດັ່ງກ່າວ, ພວກຂ້າພະເຈົ້າຕົກລົງສຸມທຸກແຫຼ່ງກໍາລັງເພື່ອພັດທະນາບັນດາຜະລິດຕະພັນເຕັກໂນໂລຢີທີ່ມີຄຸນນະພາບສູງ. ກຸ່ມບໍລິສັດ Vingroup ຫວັງວ່າຈະໜູນຊ່ວຍບັນດາວິສາຫະກິດໂທລະຄົມມະນາຄົມຫວຽດນາມ ສົ່ງສັນຍານ 5G “Made in Viet Nam” ໄປທົ່ວປະເທດ”.
ໂດຍ: ທູຈາງ