ອະນຸລັກຮັກສາວັດທະນະທຳຕ້ອງຕິດພັນກັບການພັດທະນາການຫາເງິນລ້ຽງຊີບ

ທ່ານເລຂາທິການໃຫຍ່, ປະທານປະເທດ ໂຕເລິມ ກັບເຈົ້າກົກເຈົ້າເຫຼົ່າ, ນາຍບ້ານ, ນັກສິລະປິນ, ຜູ້ມີອິດທິພົນຊື່ສຽງທີ່ດີເດັ່ນໃນທົ່ວປະເທດ. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ການພົບປະ, ທ່ານເລຂາທິການໃຫຍ່, ປະທານປະເທດ ໂຕເລິມ ເນັ້ນໜັກວ່າ: “ພ້ອມກັນຮັກສາຄວາມສະຫງົບສຸກຂອງໝູ່ບ້ານ, ປະກອບສ່ວນສະຖຽນລະພາບຈາກຂັ້ນຮາກຖານ. ຂ້າພະເຈົ້າຫວັງວ່າ ພວກລຸງ, ພວກອ້າຍເອື້ອຍ ຈະສືບຕໍ່ຂົນຂວາຍພໍ່ແມ່ປະຊາຊົນເສີມຂະຫຍາຍຈິດໃຈກຸ້ມຕົນເອງ, ເປັນເຈົ້າການບືນຕົວຂຶ້ນ, ພັດທະນາເສດຖະກິດຄອບຄົວ, ລົບລ້າງຮີດຄອງປະເພນີຫຼ້າຫຼັງ, ສ້າງຊີວິດການເປັນຢູ່ສີວິໄລ. ການອະນຸລັກຮັກສາວັດທະນະທຳຕ້ອງຕິດແໜ້ນກັບການພັດທະນາການຫາເງິນລ້ຽງຊີບ, ເປັນຕົ້ນແມ່ນການທ່ອງທ່ຽວຊຸມຊົນ, ເພື່ອໃຫ້ປະຊາຊົນທັງຮັກສາສີສັນ, ທັງຍົກສູງລາຍຮັບ, ຈາກນັ້ນສ້າງແຮງຂັບເຄື່ອນຍາວນານໃຫ້ການອະນຸລັກຮັກສາ ແລະເສີມຂະຫຍາຍວັດທະນະທໍາ. ການພັດທະນາບໍ່ພຽງແຕ່ແມ່ນມີສິ່ງໃໝ່ເພີ່ມເຕີມເທົ່ານັ້ນ, ຫາກຍັງແມ່ນຮັກສາ ແລະເສີມຂະຫຍາຍບັນດາຄຸນຄ່າອັນດີງາມທີ່ມີຢູ່ແລ້ວອີກດ້ວຍ”.

ທ່ານເລຂາທິການໃຫຍ່, ປະທານປະເທດ ໂຕເລິມ ກໍ່ສະເໜີລັດຖະບານ, ບັນດາກະຊວງ, ຂະແໜງການ ແລະຄະນະພັກ, ອຳນາດການປົກຄອງທ້ອງຖິ່ນສືບຕໍ່ຊາບຊຶມຢ່າງເລິກເຊິ່ງແຜນນະໂຍບາຍຂອງພັກກ່ຽວກັບການພັດທະນາວັດທະນະທໍາໃນໄລຍະໃໝ່, ຕິດພັນກັບເປົ້າໝາຍການພັດທະນາຢ່າງໄວ ແລະຍືນຍົງຂອງປະເທດ, ຂອງທ້ອງຖິ່ນ; ພິເສດແມ່ນຕ້ອງສຸມໃສ່ສ້າງລະບອບລະບຽບການ, ນະໂຍບາຍກ່ຽວກັບວັດທະນະທຳໃຫ້ສົມບູນແບບຕາມທິດຄົບຊຸດ, ໃກ້ຊິດກັບພຶດຕິກໍາຕົວຈິງ; ໃຫ້ບຸລິມະສິດແຫຼ່ງກໍາລັງໃຫ້ວັດທະນະທໍາຮາກຖານ, ເປັນຕົ້ນແມ່ນເຂດຊົນເຜົ່າສ່ວນໜ້ອຍ, ເຂດພູດອຍ.

ໂດຍ: ເຈິ່ນຮວ່ຽນ