ວັນທີ 11 ຕຸລາ, ຢູ່ສູນການຄ້າ Monoprix Beaugrenelle (ປາຣີ, ຝຣັ່ງ), ກະຊວງອຸດສາຫະກຳ ແລະການຄ້າຫວຽດນາມ ໄດ້ສົມທົບກັບກຸ່ມບໍລິສັດ Central Retail ຫວຽດນາມ ແລະລະບົບ Monoprix ຂຶ້ນກັບກຸ່ມບໍລິສັດ Casino ຈັດຕັ້ງພິທີໄຂ “ງານວາງສະແດງຜະລິດຕະພັນຫວຽດນາມ ຢູ່ Monoprix Beaugrenelle”, ເປີດບັນດາເຄື່ອນໄຫວໃນຂອບເຂດສັບປະດາສິນຄ້າຫວຽດນາມ ຢູ່ຝຣັ່ງ ປີ 2025.

leftcenterrightdel
ຫວຽດນາມ - ຝຣັ່ງ ເພີ່ມທະວີການພົວພັນຄູ່ຮ່ວມມືຍຸດທະສາດໃນຂົງເຂດກະສິກຳ ແລະສະບຽງອາຫານ. ພາບ: vov.vn

ສັບປະດາສິນຄ້າຫວຽດນາມ ຢູ່ Monoprix ແມ່ນໂອກາດເພື່ອໃຫ້ 40 ວິສາຫະກິດຫວຽດນາມ ແນະນຳບັນດາຜະລິດຕະພັນກະເສດ, ສະບຽງອາຫານປຸງແຕ່ງ, ເຄື່ອງໃຊ້ໃນຄົວເຮືອນ, ອາພອນສະໄໝ ແລະເຄື່ອງບໍລິໂພກ - ສິນຄ້າປະເພດຕ່າງໆທີ່ເຕັມໄປດ້ວຍເອກະລັກວັດທະນະທຳຫວຽດນາມ, ຕອບສະໜອງມາດຕະຖານສູງຂອງຕະຫຼາດສະຫະພາບເອີລົບ (ອີຢູ).

ທີ່ງານວາງສະແດງ, ນັກຢ້ຽມຊົມສາມາດໃຊ້ບັນດາຜະລິດຕະພັນທີ່ເປັນລັກສະນະສະເພາະຂອງຫວຽດນາມ, ນັບແຕ່ກາເຟ, ໝາກມ່ວງຫິມະພານ, ນ້ຳປາ ເຖິງເຄື່ອງຫັດຖະກຳ ແລະອາພອນສະໄໝທີ່ເປັນມິດກັບສິ່ງແວດລ້ອມ. ຮ້ານສິນຄ້າໄດ້ຮັບການອອກແບບທີ່ເຕັມໄປດ້ວຍສີສັນວັດທະນະທຳຫວຽດນາມ ດຶງດູດຄວາມເອົາໃຈໃສ່ຂອງຜູ້ບໍລິໂພກທ້ອງຖິ່ນ ແລະສື່ມວນຊົນຝຣັ່ງ.

ງານວາງສະແດງແກ່ຍາວໄປຮອດທ້າຍເດືອນ ຕຸລາ 2025 ຈະສິ້ນສຸດລົງ, ດ້ວຍຫຼາຍການເຄື່ອນໄຫວໂຄສະນາເຜີຍແຜ່, ແນະນຳຜະລິດຕະພັນ ແລະການເຊື່ອມຕໍ່ການແລກປ່ຽນການຄ້າໂດຍກົງ, ເປີດອອກແງ່ຫວັງໃໝ່ໃຫ້ແກ່ການເດີນທາງ “ນຳສິນຄ້າຫວຽດນາມ ອອກສູ່ໂລກ”.

ໂດຍ: ຈາງຫງວຽນ