Viettel ແລະ Qualcomm ລົງ​ນາມ​ໃນ​ຂໍ້​ຕົກ​ລົງ​ນຳຫວຽດ​ນາມ ກາຍ​ເປັນ​ສູນ​ຄົ້ນ​ຄວ້າ ແລະພັດ​ທະ​ນາ​ເຕັກ​ໂນ​ໂລ​ຢີ​ໃຫຍ່​ຂອງ​ໂລກ

ການນຳ Viettel ແລະກຸ່ມບໍລິສັດ Qualcomm ລົງນາມໃນຂໍ້ຕົກລົງ. ພາບ: qdnd.vn

ວັນທີ 14 ສິງຫາ, ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ແລະກຸ່ມບໍລິສັດ Qualcomm (ອາເມລິກາ) ໄດ້ລົງນາມໃນຂໍ້ຕົກລົງຮ່ວມມືຍຸດທະສາດ, ໂດຍເປົ້າໝາຍ ນຳຫວຽດນາມ ກາຍເປັນສູນຄົ້ນຄວ້າ ແລະພັດທະນາເຕັກໂນໂລຢີໃຫຍ່ຂອງໂລກ.

ຕາມນັ້ນແລ້ວ, Viettel ແລະ Qualcomm ຈະສືບຕໍ່ເລີ່ມດຳເນີນບັນດາໂຄງການຄົ້ນຄວ້າພັດທະນາດ້ວຍຈຸດປະສົງ Viettel ເປັນເຈົ້າຂອງບັນດາເຕັກໂນໂລຢີຍຸດທະສາດ, ລວມມີ: ພື້ນຖານໂຄງລ່າງ 5G/6G, ລະບົບຄຸ້ມຄອງອິນເຕີເນັດອັດສະລິຍະ ໂດຍອີງໃສ່ AI, ໂຄງລ່າງຄວບຄຸມ AI, ໂຄງລ່າງສູນຂໍ້ມູນຂ່າວສານ, ມາດຕະການ AI ໃຫ້ແກ່ລັດຖະບານ ແລະວິສາຫະກິດ... ນີ້ແມ່ນບັນດາເຕັກໂນໂລຢີ, ຜະລິດຕະພັນທີ່ນອນໃນກຸ່ມ 11 ເຕັກໂນໂລຢີຍຸດທະສາດ ໂດຍລັດຖະບານປະກາດ, ປະກອບສ່ວນຫັນເປົ້າໝາຍນຳເສດຖະກິດດີຈີຕອນ ປະກອບສ່ວນ 30% GDP ໃນປີ 2030 ຂອງຫວຽດນາມ ໃຫ້ປະກົດຜົນເປັນຈິງ.

ໂດຍ: ວິທະຍຸ​ກະຈາ​ຍສຽງ​ຫວຽດນາມ