leftcenterrightdel
ພິທີສົ່ງອອກ "ເຂົ້າສານຫວຽດນາມ ທີ່ປ່ອຍອາຍພິດຕ່ຳ" ໄປຍັງຍີ່ປຸ່ນ ງວດທຳອິດ. ພາບ: VOV

ຕອນບ່າຍວັນທີ 5 ມິຖຸນາ, ສະມາຄົມຂະແໜງສິນຄ້າເຂົ້າສານຫວຽດນາມ ໄດ້ສົມທົບກັບບໍລິສັດຫຸ້ນສ່ວນກະສິກຳເຕັກໂນໂລຢີສູງ ຈຸງອານ (ບໍລິສັດ ຈຸງອານ), ເມືອງ ໂທດໂນດ, ນະຄອນ ເກິ່ນເທີ ໄດ້ຈັດພິທີສົ່ງອອກເຂົ້າສານ 500 ໂຕນ ທີ່ມີເຄື່ອງໝາຍ “ເຂົ້າສານຫວຽດນາມ ສີຂຽວປ່ອຍອາຍພິດຕ່ຳ” ງວດທຳອິດໄປຍັງຍີ່ປຸ່ນ.

ນີ້ແມ່ນເຫດການສ້າງຂີດໝາຍຜະລິດຕະພັນເຂົ້າສານຈາກໂຄງການ “ພັດທະນາເນື້ອທີ່ປູກເຂົ້າ 1 ລ້ານເຮັກຕາທີ່ມີຄຸນນະພາບສູງ, ປ່ອຍອາຍພິດຕ່ຳແບບຍືນຍົງ ດ້ວຍການເຕີບໂຕສີຂຽວ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ຮອດປີ 2030” ທີ່ມີເຄື່ອງໝາຍການຄ້າ “ເຂົ້າສານຫວຽດນາມ ສີຂຽວປ່ອຍອາຍພິດຕ່ຳ” ໄດ້ສົ່ງອອກ. ດ້ວຍການສົ່ງອອກງວດເຂົ້າສານດັ່ງກ່າວ, ໃນນັ້ນມີງວດເຂົ້າສານສົ່ງອອກໄປຍັງຍີ່ປຸ່ນ, ຫວຽດນາມ ແມ່ນໜຶ່ງໃນບັນດາປະເທດທຳອິດໃນໂລກ ທີ່ສົ່ງອອກເຂົ້າສານປ່ອຍອາຍພິດຕ່ຳ. ປັດຈຸບັນ, ສະມາຄົມຂະແໜງເຂົ້າສານຫວຽດນາມ ໄດ້ອອກໃບຢັ້ງຢືນສິດນຳໃຊ້ເຄື່ອງໝາຍ “ເຂົ້າສານຫວຽດນາມ ສີຂຽວປ່ອຍອາຍພິດຕ່ຳ” ໃຫ້ແກ່ 7 ວິສາຫະກິດ ດ້ວຍຍອດຈຳນວນເຂົ້າສານປະມານ 20.000 ໂຕນ. ໃນນັ້ນ, ບໍລິສັດຈຸງອານ ແມ່ນໜຶ່ງໃນບັນດາວິສາຫະກິດ ທີ່ໄດ້ຮັບໃບຢັ້ງຢືນ.

ຂ່າວ: ວິທະຍຸກະຈາຍສຽງຫວຽດນາມ