ອາ​ເມ​ລິ​ກາ ຈັດ​ວາງ​ອັດ​ຕາ​ພາ​ສີ 50% ສຳ​ລັບ​ອາ​ລູ​ມີ​ນຽ​ມ ແລະເຫຼັກ​ກ້ານ​ຳ​ເຂົ້ານັບ​ແຕ່​ວັນ​ທີ 4 ມິ​ຖຸ​ນາ

ຫວຽດນາມ ຍັງມີຫຼາຍກາລະໂອກາດ ເພື່ອສືບຕໍ່ສົ່ງອອກອາລູມີນຽມ ແລະເຫຼັກກ້າ. ພາບ: ສໍານັກຂ່າວສານຫວຽດນາມ

ຕາມຂໍ້ມູນຈາກທຳນຽບຂາວ, ລະດັບອັດຕາພາສີນຳເຂົ້າສຳລັບເຫຼັກກ້າ ແລະອາລູມີນຽມ ຈະເພີ່ມຂຶ້ນແຕ່ 25% ຂຶ້ນເປັນ 50% ແລະມີຜົນສັກສິດນັບແຕ່ວັນທີ 4 ມິຖຸນາ ເປັນຕົ້ນໄປ. ຄຳສັ່ງຂອງທ່ານປະທານາທິບໍດີ ເນັ້ນໜັກວ່າ ການກະທຳດັ່ງກ່າວ ເພື່ອແນໃສ່ປົກປ້ອງບັນດາຂະແໜງອຸດສາຫະກຳເຫຼັກກ້າ ແລະອາລູມີນຽມ ສຳຄັນຂອງອາເມລິກາ, ເຊິ່ງເຄີຍຖືກຜົນເສຍຫາຍຈາກການເຄື່ອນໄຫວແບບບໍ່ຍຸຕິທຳ ແລະສະພາວະເຫຼືອສະມັດຕະພາບໃນທົ່ວໂລກ. ເຖິງຢ່າງໃດກໍ່ຕາມ, ພາສີສຳລັບອາລູມີນຽມ ແລະເຫຼັກກ້ານຳເຂົ້າຈາກອັງກິດ ຍັງຄົງສືບຕໍ່ຮັກສາອັດຕາ 25%, ໃນຂະນະທີ່ສອງຝ່າຍສືບຕໍ່ເຈລະຈາກ່ຽວກັບພາສີ ແລະຂໍ້ກຳນົດຕ່າງໆຕາມມາດຕາຂອງສັນຍາການຄ້າທີ່ໄດ້ລົງນາມກ່ອນໜ້ານັ້ນ.

ແຫຼ່ງຄັດຈາກ: vovworld.vn