ໂຄງການໄດ້ສ້າງຂຶ້ນໂດຍອີງໃສ່ 4 ເສົາຄໍ້າຂອງໂຄງການດໍາເນີນງານແມ່ຍິງ, ສັນຕິພາບ ແລະຄວາມໝັ້ນຄົງ, ລວມມີ: ການເຂົ້າຮ່ວມ, ປົກປ້ອງ, ຕ້ານ ແລະໜູນຊ່ວຍການຟື້ນຟູ. ໂຄງການໄດ້ຍົກໃຫ້ເຫັນຢ່າງຈະແຈ້ງເຖິງເປົ້າໝາຍກ່ຽວກັບການເຂົ້າຮ່ວມຢ່າງຄົບຖ້ວນ, ມີຄວາມສະເໝີພາບ ແລະມີຄວາມໝາຍຂອງແມ່ຍິງໃນດ້ານການເມືອງ, ການທູດ, ການປ້ອງກັນຊາດ, ປ້ອງກັນຄວາມສະຫງົບ ແລະການຮັບມືກັບການໃຊ້ຄວາມຮຸນແຮງບົນພື້ນຖານທາງເພດ, ສົມທົບບັນຫາທາງເພດເຂົ້າໃນບັນດາວິທີການຮັບມືກັບການປະທະກັນ, ວິກິດການ, ໄພພິບັດ ແລະສິ່ງທ້າທາຍຄວາມໝັ້ນຄົງຫາກໍ່ພົ້ນເດັ່ນຂຶ້ນ, ຄື: ການປ່ຽນແປງຂອງດິນຟ້າອາກາດ ແລະຄວາມປອດໄພດ້ານໄຊເບີ. ໂຄງການກໍ່ເຕື້ອງເຖິງການຮ່ວມມືສາກົນ, ເນັ້ນໜັກເຖິງຄຳໝັ້ນສັນຍາຂອງຫວຽດນາມ ໃນການຮ່ວມມືກັບປະຊາຄົມທົ່ວໂລກ ເພື່ອຊຸກຍູ້ໂຄງການດໍາເນີນງານກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ.

leftcenterrightdel
ຜູ້ແທນເຂົ້າຮ່ວມກອງປະຊຸມສໍາມະນາ. ພາບ: ກະຊວງການຕ່າງປະເທດ

ເນື່ອງໃນໂອກາດນີ້, ອົງການສະຫະປະຊາຊາດກ່ຽວກັບຄວາມສະເໝີພາບລະຫວ່າງຍິງ-ຊາຍ ແລະມອບສິດໃຫ້ແກ່ແມ່ຍິງ (UN Women) ປະຈຳ ຫວຽດນາມ ໄດ້ອອກແຈ້ງການໂດຍຄັດສະເໜີຄຳເວົ້າຂອງທ່ານນາງ Sima Bahous, ຜູ້ອຳນວຍການຝ່າຍບໍລິຫານທົ່ວໂລກຂອງ UN Women, ຊົມເຊີຍຫວຽດນາມ ປະກາດ NAP. ທ່ານນາງ Sima Bahous ເນັ້ນໜັກວ່າ ການຜັນຂະຫຍາຍໂຄງການດໍາເນີນງານແຫ່ງຊາດຂອງຫວຽດນາມ ໄດ້ດໍາເນີນໄປໃນຈຸດເວລາທີ່ສຳຄັນ, ເມື່ອສິ່ງທ້າທາຍທົ່ວໂລກພວມສົ່ງຜົນກະທົບເຖິງມວນມະນຸດໝົດທຸກຄົນ. ຍ້ອນແນວນັ້ນ, ການເລີ່ມເຄື່ອນໄຫວໂຄງການດໍາເນີນງານແຫ່ງຊາດນີ້ຈຶ່ງມີຄວາມສຳຄັນຍິ່ງກວ່າເວລາໃດໝົດ. UN Women ພ້ອມແລ້ວທີ່ຈະໜູນຊ່ວຍລັດຖະບານຫວຽດນາມ ເປີດກວ້າງການພົວພັນຄູ່ຮ່ວມມື, ນຳໃຊ້ແຫຼ່ງກຳລັງເພື່ອຮັບປະກັນວ່າບໍ່ໃຫ້ແມ່ຍິງ ຫຼື ເດັກຍິງຖືກປະຖີ້ມໄວ້ຢູ່ທາງຫຼັງ.

ຕາມ UN Women ແລ້ວ, ຫວຽດນາມ ບັນລຸໄດ້ຄວາມກ້າວໜ້າພໍສົມຄວນກ່ຽວກັບຄວາມສະເໝີພາບລະຫວ່າງຍິງ-ຊາຍ, ສະແດງໃຫ້ເຫັນເຈດຈຳນົງດ້ານການເມືອງ ແລະກຳລັງໜູນຢ່າງແຂງແຮງເພື່ອຊຸກຍູ້ຄວາມສະເໝີພາບລະຫວ່າງຍິງ-ຊາຍ. ຢູ່ໃນລະດັບສາກົນ, ຫວຽດນາມ ຍາມໃດກໍ່ສະໜັບສະໜູນຢ່າງແຂງແຮງໂຄງການດໍາເນີນງານກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ.

ໂດຍ: ເຈິ່ນຮວ່ຽນ