leftcenterrightdel
ທ່ານ Shekhawat ລັດຖະມົນຕີວັດທະນະທຳ ແລະການທ່ອງທ່ຽວອິນເດຍ ມອບຫຼຽນກາເປັນທີ່ລະນຶກໃຫ້ແກ່ທ່ານ ບຸ່ຍຈູງເທື໊ອງ ທີ່ປຶກສາດ້ານການຄ້າຫວຽດນາມ. ພາບ: ສໍານັກຂ່າວສານຫວຽດນາມ

ຫວ່າງແລ້ວນີ້, ງານວາງສະແດງສາກົນກ່ຽວກັບອາຫານການກິນ ແລະເຄື່ອງໃຊ້ໃນຮ້ານອາຫານ, ໂຮງແຮມອິນເດຍ (IHE) 2024 ໄດ້ໄຂຂຶ້ນຢູ່ສູນງານຕະຫຼາດນັດ ແລະງານວາງສະແດງອິນເດຍ ຢູ່ Noida, ລັດ Uttar Pradesh.

ທີ່ພິທີໄຂ, ຫວຽດນາມ ໄດ້ເລືອກເອົາແມ່ນປະເທດຄູ່ຮ່ວມມືຂອງ IHE 2024 ດ້ວຍກິດຈະກຳຕ່າງໆ, ຄື: ຈັດຕັ້ງຮ້ານວາງສະແດງໂຄສະນາຜະລິດຕະພັນ, ຈັດຕັ້ງວັນບຸນອາຫານການກິນ ແລະບັນດາການສະແດງອາຫານການກິນໂດຍພໍ່ຄົວ, ແມ່ຄົວທີ່ມີຊື່ສຽງປະຕິບັດ.

ພາຍຫຼັງພິທີໄຂ, ອົງການການຄ້າຫວຽດນາມ ປະຈໍາ ອິນເດຍ ໄດ້ໄຂຮ້ານວາງສະແດງສິນຄ້າຂອງ ຫວຽດນາມ ຕໍ່ໜ້າການເຫັນປະຈັກຕາຂອງທ່ານ Shekhawat ລັດຖະມົນຕີວັດທະນະທຳ ແລະການທ່ອງທ່ຽວອິນເດຍ, ການນຳບັນດາກະຊວງ, ຄະນະ, ຂະແໜງການ, ວິສາຫະກິດພ້ອມກັບສື່ມວນຊົນ ອິນເດຍ, ຫວຽດນາມ ແລະສາກົນ. ນີ້ແມ່ນໂອກາດສຳຄັນເພື່ອໃຫ້ຫວຽດນາມ ໂຄສະນາວັດທະນະທຳ, ອາຫານການກິນ, ການບໍລິການການທ່ອງທ່ຽວ ແລະການບິນຄຸນນະພາບສູງ, ພ້ອມກັນນັ້ນກໍ່ແມ່ນໂອກາດເພື່ອໃຫ້ບັນດາວິສາຫະກິດຫວຽດນາມ ເປີດກວ້າງການເຊື່ອມຕໍ່ພົວພັນດ້ານການຄ້າ ແລະຍົກສູງການມີໜ້າຢູ່ບັນດາຕະຫຼາດອາຫານພາກພື້ນ ແລະສາກົນ.

ໂດຍ: ກວຽດເຕິມ