ກາລະໂອກາດຮ່ວມມືທີ່ມີຄວາມສາມາດບົ່ມຊ້ອນລະຫວ່າງຫວຽດນາມ ແລະ AIIB
ທ່ານນາງ ຫງວຽນທິຮົ່ງ, ຜູ້ວ່າການທະນາຄານແຫ່ງລັດຫວຽດນາມ ເນັ້ນໜັກວ່າ ເລືື່ອງຄວບຄຸມໄພເງິນເຟີ້, ຮັກສາເສດຖະກິດມະຫາພາກໃຫ້ເປັນປົກກະຕິແມ່ນເປົ້າໝາຍຢືດໝັ້ນຂອງລັດຖະບານຫວຽດນາມ.
    |
 |
|
ບັນຍາກາດທີ່ການເຮັດວຽກ. ພາບ: VGP |
ຕອນບ່າຍວັນທີ 15 ກໍລະກົດ, ຢູ່ ຮ່າໂນ້ຍ, ທ່ານນາງ ຫງວຽນທິຮົ່ງ, ຜູ້ວ່າການທະນາຄານແຫ່ງລັດຫວຽດນາມ ໄດ້ເຮັດວຽກກັບທ່ານ ຈີນລີຈິນ, ປະທານທະນາຄານລົງທຶນພື້ນຖານໂຄງລ່າງອາຊີ (AIIB), ໃນຂອບເຂດການຢ້ຽມຢາມ ແລະເຮັດວຽກຂອງປະທານ AIIB ຢູ່ຫວຽດນາມ, ແຕ່ວັນທີ 15 – 19 ກໍລະກົດ. ທີ່ການເຮັດວຽກ, ທ່ານນາງ ຫງວຽນທິຮົ່ງ, ຜູ້ວ່າການທະນາຄານແຫ່ງລັດຫວຽດນາມ ເນັ້ນໜັກວ່າ, ເລືື່ອງຄວບຄຸມໄພເງິນເຟີ້, ຮັກສາເສດຖະກິດມະຫາພາກໃຫ້ເປັນປົກກະຕິແມ່ນເປົ້າໝາຍຢືດໝັ້ນຂອງລັດຖະບານຫວຽດນາມ. ມຸ່ງໄປເຖິງການພັດທະນາແບບຍືນຍົງ, ໜຶ່ງໃນບັນດາໜ້າທີ່ເຊິ່ງລັດຖະບານຫວຽດນາມ ສຸມໃສ່ພັດທະນາແມ່ນເສດຖະກິດສີຂຽວ. ການພັດທະນາພື້ນຖານໂຄງລ່າງກໍ່ແມ່ນໜຶ່ງໃນບັນດາໜ້າທີ່ຈຸດສຸມ, ໃນນັ້ນ, ເປົ້າໝາຍຂອງ ຫວຽດນາມ ແມ່ນກໍ່ສ້າງເສັ້ນທາງຄວາມໄວສູງໃຫ້ໄດ້ 5.000 ກມ ໃນປີ 2030.
ສ່ວນທ່ານ ຈີນລີຈິນ, ຢືນຢັນວ່າ: AIIB ໃຫ້ຄຳໝັ້ນສັນຍາຈະສືບຕໍ່ໜູນຊ່ວຍຫວຽດນາມ ປະຕິບັດບັນດາໂຄງການພື້ນຖານໂຄງລ່າງສີຂຽວ, ມຸ່ງໄປເຖິງເປົ້າໝາຍແກ່ນສານແມ່ນຍືນຍົງ, ປ່ຽນແປງໃໝ່ ແລະເຊື່ອມໂຍງ.
ຂ່າວ: ວິທະຍຸກະຈາຍສຽງຫວຽດນາມ