ດ້ວຍການຊີ້ນຳຢ່າງຂ້ຽວຂາດ ແລະທັນການຂອງລັດຖະບານ, ນາຍົກລັດຖະມົນຕີ; ການສົມທົບກັນຢ່າງແໜ້ນແຟ້ນຂອງບັນດາກະຊວງ, ຂະແໜງການ ແລະທ້ອງຖິ່ນໃນການເປັນເຈົ້າການເຂົ້າເຖິງ, ແກ້ໄຂບັນດາຂໍ້ຕິດຂັດ ແລະຮົ້ວກີດຂວາງດ້ານກົດໝາຍທີ່ກີດຂວາງການເຄື່ອນໄຫວລົງທຶນດຳເນີນທຸລະກິດຂອງວິສາຫະກິດ, ໃນ 6 ເດືອນຕົ້ນປີ 2023, ຫວຽດນາມ ບັນລຸໄດ້ໝາກຜົນທີ່ຕັ້ງໜ້າໃນການດຶງດູດ ແລະປະຕິບັດການລົງທຶນຕ່າງປະເທດ.

leftcenterrightdel
ການເຄື່ອນໄຫວຜະລິດຢູ່ໂຮງງານຂອງກຸ່ມບໍລິສັດ Samsung. ພາບ: ດານແທງ

ຕີລາຄາກ່ຽວກັບຄຸນນະພາບການລົງທຶນຈາກຕ່າງປະເທດໃນ 6 ເດືອນ, ກະຊວງແຜນການ ແລະການລົງທຶນ ໃຫ້ຮູ້ວ່າ: ໄດ້ມີການປັບປຸງພໍສົມຄວນກ່ຽວກັບຄຸນນະພາບບັນດາໂຄງການລົງທຶນ. ບັນດາໂຄງການຂະຫນາດໃຫຍ່ໃນຂົງເຂດເຄິ່ງຊັກນໍາໄຟຟ້າ, ພະລັງງານ, ການຜະລິດຊິ້ນສ່ວນຍ່ອຍ, ຜະລິດຕະພັນເອເລັກໂຕນິກ ແລະຜະລິດຕະພັນທີ່ມີມູນຄ່າເພີ່ມເຕີມ ໄດ້ຮັບການລົງທຶນໃໝ່ ແລະຂະຫຍາຍທຶນໃນ 6 ເດືອນຕົ້ນປີ...

ແງ່ຫວັງເສດຖະກິດໂລກໃນປີ 2024 ຄາດວ່າຈະຟື້ນຕົວຢ່າງຊັກຊ້າ ແລະຈະປະເຊີນໜ້າກັບຄວາມສ່ຽງ ແລະສິ່ງທ້າທາຍຫຼາຍເນື່ອງຈາກການຜັນແປຢ່າງສັບສົນພາຍຫຼັງໂລກພະຍາດໂຄວິດ-19, ການຂາດຄວາມໝັ້ນຄົງທາງດ້ານພູມສາດການເມືອງ ແລະການແກ່ງແຍ້ງລະຫວ່າງບັນດາປະເທດໃຫຍ່ສືບຕໍ່ສ້າງການປ່ຽນແປງ ແລະສົ່ງຜົນກະທົບເຖິງເສດຖະກິດໂລກໃນໄລຍະກາງ ແລະໄລຍະຍາວ. 

ບັນດາມາດຕະຖານໃໝ່ ແລະຊ້ຳບໍ່ໜຳແມ່ນການແຊກແຊງຂອງລັດຖະບານຈໍານວນຫນຶ່ງ ເພື່ອກໍານົດທິດທາງເຄື່ອນໄຫວລົງທຶນ ສາມາດສົ່ງຜົນສະທ້ອນເຖິງທ່າອ່ຽງລົງທຶນ FDI. ທຶນ FDI ເພີ່ມຂຶ້ນຢ່າງຊັກຊ້າ ແລະນັບມື້ນັບມີລວມສຸນລະຫວ່າງບັນດາປະເທດທີ່ມີການເຊື່ອມຕໍ່ພູມສາດການເມືອງ, ພິເສດແມ່ນໃນຂົງເຂດຍຸດທະສາດ.

ເຖິງຢ່າງໃດກໍຕາມ, ຕາມການຕີລາຄາຂອງຫຼາຍອົງການຈັດຕັ້ງການເງິນ ທັງພາຍໃນ ແລະຕ່າງປະເທດແລ້ວ, ແງ່ຫວັງດຶງດູດທຶນ FDI ຂອງ ຫວຽດນາມ ໃນປີນີ້ຈະຮັກສາທ່າອ່ຽງທີ່ຕັ້ງໜ້າ. ລັດຖະບານ ແລະນາຍົກລັດຖະມົນຕີ ໄດ້ຊີ້ນຳຢ່າງທັນການ ເພື່ອໃຫ້ທຸກຂັ້ນ, ທຸກຂະແໜງການສຸມໃສ່ມາດຕະການແກ້ໄຂຂໍ້ຕິດຂັດຢ່າງຂ້ຽວຂາດໃນໄລຍະຈະມາເຖິງ. ຈາກນັ້ນ, ຈະມີການກະທົບທີ່ຕັ້ງໜ້າເຖິງໝາກຜົນແຫ່ງການດຶງດູດເງິນລົງທຶນຈາກຕ່າງປະເທດໃນ 6 ເດືອນທ້າຍປີ 2024, ສືບຕໍ່ຮັກສາທ່າເຕີບໂຕທີ່ຕັ້ງໜ້າ, ບັນລຸລະດັບທຽບເທົ່າຫຼືສູງກວ່າປີ 2023.

ໂດຍ: ໄຊນີດາ