ເອົາໃຈໃສ່ພັດທະນາຊັບພະຍາກອນມະນຸດທີ່ມີຄຸນນະພາບສູງໃນຂົງເຂດຖະແຫຼງຂ່າວ ແລະສື່ສານ
ກປ.ອອນໄລ - ວັນທີ 10 ກໍລະກົດ, ຄະນະປະຕິບັດງານຂອງອະນຸກຳມະການເອກະສານກອງປະຊຸມໃຫຍ່ ຄັ້ງທີ XIV ຂອງພັກໂດຍສະຫາຍ ຫງວຽນຈ້ອງເຫງ້ຍ, ກໍາມະການກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ, ຜູ້ປະຈໍາການອະນຸກໍາມະການເອກະສານ ເປັນຫົວໜ້າຄະນະໄດ້ລົງສຳຫຼວດ ແລະເຮັດວຽກກັບຄະນະພະນັກງານພັກກະຊວງຖະແຫຼງຂ່າວ ແລະສື່ສານ.
ກ່າວຄຳເຫັນທີ່ການເຮັດວຽກ, ສະຫາຍ ຫງວຽນຈ້ອງເຫງ້ຍ ໄດ້ຮັບຮູ້ ແລະຕີລາຄາສູງບັນດາຄວາມມານະພະຍາຍາມ ແລະໝາກຜົນທີ່ຄະນະພະນັກງານພັກກະຊວງຖະແຫຼງຂ່າວ ແລະສື່ສານ ບັນລຸໄດ້ໃນການຊີ້ນຳ ນໍາພາປະຕິບັດໜ້າທີ່ພັດທະນາຂົງເຂດຖະແຫຼງຂ່າວ ແລະສື່ສານຕາມມະຕິກອງປະຊຸມໃຫຍ່ ຄັ້ງທີ XIII ຂອງພັກ. ໃນສະພາບທີ່ຫຍຸ້ງຍາກ ແລະທ້າທາຍ, ບັນດາການເຄື່ອນໄຫວພັດທະນາດ້ານຖະແຫຼງຂ່າວ ແລະສື່ສານ ໄດ້ຮັບການຜັນຂະຫຍາຍຢ່າງຄົບຊຸດ, ຮອບດ້ານ, ມີໄຫວພິບ ແລະມີຫົວຄິດປະດິດສ້າງ; ບັນລຸໄດ້ບັນດາຜົນງານສຳຄັນ, ມີຄວາມໝາຍຍຸດທະສາດ ແລະຍາວນານ; ປະກອບສ່ວນສ້າງກຳລັງໜູນໃໝ່ໃຫ້ແກ່ພາລະກິດສ້າງສາ ແລະພັດທະນາປະເທດ ແລະປົກປັກຮັກສາປະເທດຊາດ.
    |
 |
|
ບັນຍາກາດທີ່ການເຮັດວຽກ. ພາບ: ຖາວແອງ |
ສະຫາຍ ຫງວຽນຈ້ອງເຫງ້ຍ ໄດ້ຊີ້ອອກບາງຂໍ້ຈຳກັດ ແລະຂໍ້ຫຍຸ້ງຍາກໃນຂົງເຂດຖະແຫຼງຂ່າວ ແລະສື່ສານ, ເຈາະຈີ້ມບາງບັນຫາທີ່ຄະນະພະນັກງານພັກກະຊວງຖະແຫຼງຂ່າວ ແລະສື່ສານ ຕ້ອງສຸມໃສ່ຊີ້ນຳ, ນຳພາ, ແມ່ນ: ສືບຕໍ່ຍູ້ແຮງວຽກງານກໍ່ສ້າງ ແລະປັບປຸງພັກ; ປັບປຸງກົນໄກ, ນະໂຍບາຍ, ກົດໝາຍ, ຫັນຂັ້ນຕອນການເຮັດວຽກເປັນມາດຕະຖານ...; ເອົາໃຈໃສ່ພັດທະນາຊັບພະຍາກອນມະນຸດ, ໂດຍສະເພາະແມ່ນຊັບພະຍາກອນມະນຸດທີ່ມີຄຸນນະພາບສູງ... ຄະນະປະຕິບັດງານໄດ້ຮັບຮູ້ ແລະສັງລວມບັນດາຂໍ້ສະເໜີແນະຂອງກະຊວງຖະແຫຼງຂ່າວ ແລະສື່ສານ ເພື່ອລາຍງານຕໍ່ອະນຸກຳມະການເອກະສານກອງປະຊຸມໃຫຍ່ ຄັ້ງທີ XIV ຂອງພັກ.
ໂດຍ: ທະນາພອນ