ຄ້າຍທະຫານຊາຍແດນ ເຊເຣໂປກ ເປີດສະຫຼອງອະນຸສາວະລີ “ລຸງໂຮ່ ກັບນັກຮົບທະຫານຊາຍແດນ”
ກປ.ອອນໄລ - ວັນທີ 19 ພຶດສະພາ, ຢູ່ຄ້າຍທະຫານຊາຍ ເຊເຣໂປກ ໄດ້ຈັດພິທີເປີດສະຫຼອງອະນຸສາວະລີ “ລຸງໂຮ່ ກັບນັກຮົບທະຫານຊາຍແດນ” ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດ ປະທານໂຮ່ຈິມິນ ຄົບຮອບ 134 ປີ.
ພາຍຫຼັງການກໍ່ສ້າງມາເປັນເວລາກວ່າ 2 ເດືອນ, ໂຄງການກໍ່ສ້າງອານຸສາວະລີ “ລຸງໂຮ່ ກັບນັກຮົບທະຫານຊາຍແດນ” ໄດ້ຮັບການກໍ່ສ້າງສຳເລັດ ຖືກກັບການອອກແບບ, ຮັບປະກັນຄຸນນະພາບ, ເຕັກນິກ ແລະ ຄວາມງາມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/20/upload_2121/20052024-tt02-01.jpg?dpi=150&quality=100&w=500) |
ຜູ້ຕາງໜ້າບັນດາກົມກອງຕັດແຖບຜ້າເປີດສະຫຼອງອະນຸສາວະລີ “ລຸງໂຮ່ ກັບນັກຮົບທະຫານຊາຍແດນ”. ພາບ: qdnd.vn |
ອະນຸສາວະລີ “ລຸງໂຮ່ ກັບນັກຮົບທະຫານຊາຍແດນ” ແມ່ນໂຄງການກໍ່ສ້າງທີ່ມີຄວາມໝາຍດ້ານການສຶກສາມູນເຊື້ອອັນເລິກເຊິ່ງ, ແມ່ນສະຖານທີ່ເພື່ອໃຫ້ກົມກອງລາຍງານຜົນງານດີເດັ່ນໃຫ້ລຸງໂຮ່ ຮັບຮູ້ ແລະ ຕັກເຕືອນພະນັກງານ, ນັກຮົບແຕ່ລະຄົນຕ້ອງສາມັກຄີ, ເປັນເອກະພາບ, ພ້ອມກັນຕັດສິນໃຈ ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ, ປະຕິບັດສຳເລັດທຸກໜ້າທີ່ວຽກງານທີ່ໄດ້ຮັບມອບໝາຍເປັນຢ່າງດີ, ປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບຢູ່ເຂດຊາຍແດນແຫ່ງຊາດ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ແລະ ຄວາມປອດໄພຢູ່ໃນບໍລິເວນ. ພ້ອມກັນນັ້ນ, ກໍ່ເປັນການປຸກລະດົມ, ສົ່ງເສີມຈິດໃຈຖັນແຖວພະນັກງານ, ນັກຮົບໃນກົມກອງ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ໂດຍ: ທູຈາງ