ຫວຽດນາມ ເຂົ້າຮ່ວມກອງປະຊຸມສໍາມະນາໂດຍ IMF ຈັດຕັ້ງຢູ່ ລາວ
ກປ.ອອນໄລ - ວັນທີ 3 ເມສາ, ຢູ່ແຂວງຫຼວງພະບາງ, ພາກເໜືອລາວ, ໄດ້ຈັດກອງປະຊຸມສຳມະນາ “ໝູນໃຊ້ກາລະໂອກາດພັດທະນາໃນສະພາບໂລກມີການຜັນແປຫຼາຍຢ່າງ” ໂດຍ IMF ແລະທະນາຄານແຫ່ງ ສປປ ລາວ ຮ່ວມຈັດຕັ້ງ. ນີ້ແມ່ນເຫດການຂັ້ນສູງຢູ່ນອກກອງປະຊຸມຜູ້ວ່າການທະນາຄານສູນກາງ ແລະບັນດາລັດຖະມົນຕີການເງິນ ອາຊຽນ ປີ 2024.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/04/upload_2126/1.jpg?dpi=150&quality=100&w=500) |
ທ່ານ ບຸນເຫຼືອ ສິນໄຊວໍລະວົງ ຜູ້ວ່າການທະນາຄານ ແຫ່ງ ສປປ ລາວ ກ່າວຄໍາເຫັນໄຂກອງປະຊຸມສໍາມະນາ. ພາບ: ຟ້າມກຽນ |
ທີ່ກອງປະຊຸມ, IMF ໃຫ້ຂໍ້ສັງເກດວ່າ, ກົງກັນຂ້າມກັບສະພາບການເຕີບໂຕຂອງເສດຖະກິດໂລກພວມຫຼຸດລົງ ແລະຄວາມສ່ຽງຈະຊຸດໂຊມນັ້ນເຂດອາຊີ - ປາຊີຟິກ ສືບຕໍ່ຮັກສາແງ່ຫວັງທີ່ໝັ້ນແກ່ນ, ຄາດວ່າຈະປະກອບປະມານ 2/3 ລະດັບເຕີບໂຕເສດຖະກິດທົ່ວໂລກໃນປີ 2024. ໃນນັ້ນ, ອາຊຽນ, ເປັນແບບຢ່າງກ່ຽວກັບການເຊື່ອມໂຍງ ແລະການຮ່ວມມືດ້ານເສດຖະກິດ, ນັບມື້ນັບ ກາຍເປັນພາກພື້ນເສດຖະກິດທີ່ຂະຫຍັນຂັນເຄື່ອນ, ຄາດຄະເນວ່າຈະປະກອບປະມານ 10% ຂອງ GDP ທົ່ວໂລກໃນປີນີ້.
ໃນຂອບເຂດຂອງກອງປະຊຸມສໍາມະນາ, ບັນດາການນຳທະນາຄານສູນກາງ ແລະຜູ້ຕາງໜ້າຂອງ IMF ແລະ IFC ໄດ້ໃຊ້ເວລາປຶກສາຫາລືກ່ຽວກັບທ່າອ່ຽງພັດທະນາໃນໄລຍະຍາວຂອງໂລກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/04/upload_2126/2.jpg?dpi=150&quality=100&w=500) |
ທ່ານນາງ ຫງວຽນທິຮົ່ງ ຜູ້ວ່າການທະນາຄານແຫ່ງ ສສ ຫວຽດນາມ ເຂົ້າຮ່ວມກອງປະຊຸມສໍາມະນາ. ພາບ: ຟ້າມກຽນ |
ກ່າວຄຳເຫັນທີ່ກອງປະຊຸມສໍາມະນາ, ທ່ານນາງ ຫງວຽນທິຮົ່ງ ຜູ້ວ່າການທະນາຄານແຫ່ງ ສສ ຫວຽດນາມ ໄດ້ແບ່ງປັນຜົນງານທີຕັ້ງໜ້າຂອງຮູບແບບຫັນປ່ຽນໂຄງປະກອບເສດຖະກິດຢູ່ຫວຽດນາມ ໃນຊຸມປີຜ່ານມາ ຈາກກະສິກຳຫັນເປັນອຸດສາຫະກຳ ແລະການບໍລິການ.
ກ່ຽວກັບບັນດາບັນຫາທີ່ກ່າວມານັ້ນ, ບັນດານັກປາຖະກະຖາ ໄດ້ຢືນຢັນຄວາມເຫັນດີເຫັນພ້ອມ ແລະຄວາມສາມັກຄີຂອງບັນດາປະເທດອາຊຽນ ໃນການຮ່ວມມື ເພື່ອຮັບມືກັບບັນດາສິ່ງທ້າທາຍຈາກທ່າອ່ຽງພັດທະນາຂອງທົ່ວໂລກ. ກອງປະຊຸມສໍາມະນາເຊື່ອໝັ້ນວ່າ, ດ້ວຍການຮ່ວມມືຢ່າງແໜ້ນແຟ້ນ, ທະນາຄານສູນກາງອາຊຽນ ຈະພ້ອມກັນຍາດແຍ່ງເອົາກາລະໂອກາດ ແລະຜ່ານຜ່າສິ່ງທ້າທາຍ ເພື່ອໃຫ້ຂະແໜງທະນາຄານຂອງພາກພື້ນປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດຂອງປະເທດ ກໍ່ຄືທົ່ວພາກພື້ນອາຊຽນ.
ກອງປະຊຸມໄດ້ຕີລາຄາສູງບັນດາຜົນງານດ້ານເສດຖະກິດ ມະຫາພາກຂອງຫວຽດນາມ ໃນຊຸມປີຜ່ານມາ, ປະກອບສ່ວນເຮັດໃຫ້ອາຊຽນ ເປັນຈຸດພົ້ນເດັ່ນຂອງການເຕີບໂຕຢູ່ພາກພື້ນ ແລະທົ່ວໂລກ.
ໂດຍ: ທະນາພອນ