ກອງປະຊຸມສໍາມະນາ “ເຊື່ອມຕໍ່ພັດທະນາອະນຸພາກພື້ນທິດໃຕ້ພາກກາງໃນສະພາບການໃໝ່”
ກປ.ອອນໄລ - ຕອນເຊົ້າວັນທີ 24 ມິຖຸນາ, ທີ່ນະຄອນຍາຈາງ, ແຂວງແຄ໊ງຮວ່າ, ຄະນະຊີ້ນໍາສະຫຼຸບມະຕິສະບັບເລກທີ 39-NQ/TW ກ່ຽວກັບການພັດທະນາເສດຖະກິດ-ສັງຄົມ ແລະຮັບປະກັນດ້ານປ້ອງກັນຊາດ, ປ້ອງກັນຄວາມສະຫງົບເຂດທິດເໜືອພາກກາງ ແລະແຄມທະເລພາກກາງມາຮອດປີ 2010 (ຄະນະຊີ້ນໍາ) ສົມທົບກັບຄະນະພັກແຂວງແຄ໊ງຮວ່າ ຈັດຕັ້ງກອງປະຊຸມສໍາມະນາ “ເຊື່ອມຕໍ່ພັດທະນາອະນຸພາກພື້ນທິດໃຕ້ພາກກາງໃນສະພາບການໃໝ່”. ທ່ານ ເຈິ່ນຕ້ວນແອັງ ຫົວໜ້າຄະນະເສດຖະກິດສູນກາງ, ຫົວໜ້າຄະນະຊີ້ນໍາ ເປັນປະທານກອງປະຊຸມສໍາມະນາ.
ວັນທີ 16 ສິງຫາ 2004, ກົມການເມືອງປະກາດໃຊ້ມະຕິສະບັບເລກທີ 39-NQ/TW ກ່ຽວກັບການພັດທະນາເສດຖະກິດ-ສັງຄົມ ແລະຮັບປະກັນດ້ານປ້ອງກັນຊາດ, ປ້ອງກັນຄວາມສະຫງົບເຂດທິດເໜືອພາກກາງ ແລະແຄມທະເລພາກກາງຮອດປີ 2010. ອະນຸພາກພື້ນທິດໃຕ້ພາກກາງ (ຝູອຽນ, ແຄ໊ງຮວ່າ, ນິງທ້ວນ, ບິ່ງທ້ວນ) ມີເນື້ອທີ່ປະມານ 21.523,4km2; ມີພົນລະເມືອງປະມານ 3,95 ລ້ານຄົນ, ກວມເກືອບ 4% ພົນລະເມືອງທົ່ວປະເທດ, ຄວາມໜາແໜ້ນພົນລະເມືອງປະມານ 186ຄົນ/km2.
ອະນຸພາກພື້ນມີຄວາມໝາຍຍຸດທະສາດດ້ານປ້ອງກັນຊາດ, ປ້ອງກັນຄວາມສະຫງົບ, ດ້ວຍໝູ່ເກາະເຈື່ອງຊາ ແລະໄຫຼ່ທະວີບທີ່ກວ້າງໃຫຍ່; ມີຫຼາຍປາກແມ່ນໍ້າ, ອ່າວທີ່ສະດວກສຳລັບການພັດທະນາເສດຖະກິດທະເລ, ການທ່ອງທ່ອງ, ຂົນສົ່ງດ້ວຍພື້ນຖານໂຄງລ່າງຄົມມະນາຄົມທີ່ສະດວກ, ມີເງື່ອນໄຂພັດທະນາບັນດາເຂດເສດຖະກິດທະເລ, ຄື: ວັນຝອງ, ຝູອຽນໃຕ້... ຕິດພັນກັບການພັດທະນາຫຼາຍຮູບການອຸດສາຫະກໍາ, ອາຊີບຫາປາ ແລະກະສິກໍາ.
|
|
ບັນຍາກາດທີ່ກອງປະຊຸມສໍາມະນາ. ພາບ: qdnd.vn |
ທີ່ກອງປະຊຸມສໍາມະນາ, ບັນດາຜູ້ແທນໄດ້ປຶກສາຫາລື, ສະເໜີຫຼາຍມາຕຕະການເຊື່ອມຕໍ່ພັດທະນາອະນຸພາກພື້ນທິດໃຕ້ພາກກາງໃນໄລຍະຈະມາເຖິງ, ສອດຄ່ອງກັບສະພາບພັດທະນາບັນດາທ້ອງຖິ່ນໃນອະນຸພາກພື້ນ ກໍ່ຄືບັນດາກົນໄກ, ນະໂຍບາຍແນໃສ່ແກ້ໄຂ ແລະເພີ່ມເຕີມ ຊັບພະຍາກອນເພື່ອຊຸກຍູ້ການພັດທະນາເສດຖະກິດ-ສັງຄົມອະນຸພາກທິດໃຕ້ພາກກາງເວົ້າສະເພາະ, ເຂດທິດເໜືອພາກກາງ ແລະເຂດແຄມທະເລພາກກາງເວົ້າລວມ.
ໂດຍ: ໄຊນີດາ