ອົງການ ຢູນີເຊັບ ປະຈຳ ຫວຽດນາມ ຕີລາຄາສູງກ່ຽວກັບການແນະນໍາບຸລິມະສິດໃນການເບິ່ງແຍງດູແລ ເດັກກໍາພ້າຍ້ອນໂຄວິດ-19
ກປ.ອອນໄລ - ວັນທີ 26 ກັນຍາ, ອົງການ ຢູນີເຊັບ ປະຈໍາ ຫວຽດນາມ ໄດ້ອອກແຈ້ງການຕໍ່ສື່ມວນຊົນ ໂດຍໃຫ້ຮູ້ວ່າ: ທ່ານນາງ Rana Flowers, ຫົວໜ້າຄະນະຜູ້ຕາງໜ້າອົງການຢູນີເຊັບ ປະຈໍາ ຫວຽດນາມ ໄດ້ຕີລາຄາສູງຕໍ່ເລື່ອງຫວ່າງແລ້ວນີ້ ກະຊວງແຮງງານ, ທະຫານເສຍອົງຄະ ແລະສັງຄົມຫວຽດນາມ ໄດ້ອອກເອກະສານແນະນໍາສະເໜີບັນດາແຂວງ ແລະນະຄອນໃຫ້ບຸລິມະສິດໃນການເບິ່ງແຍງດູແລເດັກກໍາພ້າຍ້ອນໂຄວິດ-19 ແທນການອີງໃສ່ຄອບຄົວ ແລະວົງຄະນາຍາດຊຸມຊົນ.
|
|
ມອບຂອງຂວັນບຸນໄຫວ້ພະຈັນໃຫ້ພວກນ້ອງທີ່ປະສົບຄວາມຫຍຸ້ງຍາກ. ພາບ: ສໍານັກຂ່າວສານຫວຽດນາມ. |
ໃນແຈ້ງການ, ທ່ານນາງ Rana Flowers ຢັ້ງຢືນວ່າ ອົງການ ຢູນີເຊັບ ພ້ອມກັບລັດຖະບານ, ປະຊາຊົນຫວຽດນາມ ສະແດງຄວາມເອົາໃຈໃສ່ຢ່າງເລິກເຊິ່ງ ແລະຫວັງວ່າ ຈະໄດ້ຮັບການໜູນຊ່ວຍຫຼາຍທີ່ສຸດໃຫ້ແກ່ເດັກກໍາພ້າກວ່າ 1.500 ຄົນຢູ່ນະຄອນໂຮ່ຈີມິນ ທີ່ພໍ່ແມ່ເສຍຊີວິດຍ້ອນໂຄວິດ-19. ຈໍານວນຕົວເລກນີ້ຄາດວ່າ ຈະຫຼາຍກວ່າເມື່ອໄດ້ຮັບຂໍ້ມູນຈາກບັນດາແຂວງ, ນະຄອນອື່ນຕື່ມອີກ.
ທ່ານນາງ Rana Flowers ແບ່ງປັນວ່າ: “ນໍ້າໃຈສັດທາ ແລະຄວາມຕ້ອງການໄດ້ຮັບຄວາມຊ່ວຍເຫຼືອຂອງພວກນ້ອງຈາກບຸກຄົນ ແລະວິສາຫະກິດນັ້ນ ແມ່ນເປັນໜ້າເຄົາລົບ ແລະຍ້ອງຍໍຊົມເຊີຍ. ເຖິງຢ່າງໃດກໍຕາມ, ອົງການ ຢູນີເຊັບ ຮຽກຮ້ອງໃຫ້ມີຄວາມລະມັດລະວັງໃນການຄັດເລືອກເພື່ອຮັບປະກັນມາດຕະການທີ່ຍົກອອກມາໃນຈຸດເວລາທີ່ເຄັ່ງຕຶງ ແລະເຕັມໄປດ້ວຍສິ່ງທ້າທາຍນີ້ ເພື່ອຜົນປະໂຫຍດດີທີ່ສຸດຂອງເດັກນ້ອຍ, ໄດ້ສ້າງຂຶ້ນເພື່ອຮັກສາການເຊື່ອມຕໍ່ລະຫວ່າງເດັກນ້ອຍກັບວົງຄະນາຍາດຊຸມຊົນ, ເພື່ອໃຫ້ເດັກນ້ອຍໄດ້ຮັບການລ້ຽງດູໃນສະພາບແວດລ້ອມຄອບຄົວ - ບ່ອນທີ່ພວກນ້ອງສາມາດພັດທະນາຢ່າງຄົບຖ້ວນທີ່ສຸດ”.
ໂດຍ: ໄຊຊະນະ