ຫວຽດນາມ-ສ.ອາເມລິກາ ບັນລຸຂໍ້ຕົກລົງກ່ຽວກັບການເຄື່ອນໄຫວເງິນຕາ
ວັນທີ 20 ກໍລະກົດ 2021, ຫວຽດນາມ ແລະສ.ອາເມລິກາ ບັນລຸຂໍ້ຕົກລົງກ່ຽວກັບບັນດາການເຄື່ອນໄຫວເງິນຕາ ໂດຍເນື້ອໃນຈຸດສຸມຂອງກອບນະໂຍບາຍເງິນຕາຂອງທະນາຄານແຫ່ງລັດຂອງ ຫວຽດນາມ ແມ່ນເພື່ອແນໃສ່ຊຸກຍູ້ເສດຖະກິດມະຫາພາກເປັນປົກກະຕິ ແລະຄວບຄຸມໄພເງິນເຟີ້.
ພາຍຫຼັງ ທ່ານນາງ ເຈເນັດ ເຢລ ເລັນ (Janet Yellen) ລັດຖະມົນຕີກະຊວງການເງິນ ສ.ອາເມລິກາ ໄດ້ມີການພົບປະກັບທ່ານ ຫງວຽນທິຮົ່ງ ຜູ້ວ່າການທະນາຄານແຫ່ງລັດຂອງຫວຽດນາມ ແບບທາງໄກ. ຫວຽດນາມ ແລະສ.ອາເມລິກາ ແມ່ນຄູ່ຮ່ວມມືທີ່ມີຄວາມໄວ້ວາງໃຈ ບົນພື້ນຖານເຄົາລົບເຊິ່ງກັນ ແລະກັນ ພ້ອມທັງ ໃຫ້ຄຳໝັ້ນສັນຍາຮັກສາການຮ່ວມມືຢ່າງແໜ້ນແຟ້ນ. ພ້ອມກັນນັ້ນ, ກໍ່ບໍ່ພຽງແຕ່ແກ້ໄຂໄດ້ບັນດາຄວາມສົນໃຈຂອງກະຊວງການເງິນ ສ.ອາເມລິກາ ເທົ່ານັ້ນ, ຫາກຍັງໜູນຊ່ວຍຕະຫຼາດການເງິນຫວຽດນາມ ໃຫ້ພັດທະນາຂຶ້ນຕື່ມອີກ ແລະປັບປຸງຄວາມສາມາດໃນການຟື້ນຟູການເງິນກໍ່ຄືເສດຖະກິດມະຫາພາກຂອງຫວຽດນາມ.
ເນື້ອໃນ: ຂປລ