ກ່ອນນີ້ 76 ກວ່າປີ (ວັນທີ 20 ພຶດສະພາ 1948), ຄະນະປະຈັນບານພາກເໜືອລາວ ນຳພາໂດຍ ສະຫາຍ ໄກສອນ ພົມວິຫານ (ເຊິ່ງຕໍ່ມາເປັນເລຂາທິການໃຫຍ່ພັກປະຊາຊົນປະຕິວັດລາວ, ນາຍົກລັດຖະມົນຕີ, ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ) ເປັນຫົວໜ້າຄະນະ, ໄດ້ຮັບມອບໝາຍໜ້າທີ່ສ້າງຖານທີ່ໝັ້ນປະຕິວັດຢູ່ເບື້ອງຫຼັງຂອງສັດຕູ, ປຸກລະດົມສົງຄາມກອງຫຼອນ, ກໍ່ສ້າງພະນັກງານທ້ອງຖິ່ນ, ຖືເຂດປົດປ່ອຍໂມກເຈົາ-ອຽນເຈົາ ເປັນແປ້ນຢັນເພື່ອຂະຫຍາຍອອກສູ່ຝັ່ງຂວາແມ້ນໍ້າມ້າ, ສ້າງຖານທີ່ໝັ້ນໃຫ້ແກ່ການປະຕິວັດຢູ່ພາກເໜືອລາວ.
ບົນພື້ນຖານການໄຈ້ແຍກສະພາບການ, ທີ່ຕັ້ງ ແລະບໍລິເວນຍຸດທະສາດຢ່າງເລິກເຊິ່ງ, ຄະນະປະຈັນບານພາກເໜືອລາວ ໄດ້ຕົກລົງເລືອກເອົາບ້ານພຽງຊາ, ຕາແສງຈ່ຽງອ່ອນ, ປະຈຸບັນແມ່ນບ້ານລາວໂຄ, ຕາແສງພຽງຄວ່າຍ ເປັນຖານທີ່ໝັ້ນ, ພັດທະນາກຳລັງ ແລະຈັດຕັ້ງໃຫ້ປະຊາຊົນລາວ ບັນດາເຜົ່າຕໍ່ສູ້ຕ້ານລ່າເມືອງຂຶ້ນຝຣັ່ງ. ບ້ານພຽນຊາ ກາຍເປັນຖານທີ່ໝັ້ນແຫ່ງທຳອິດຂອງກຳລັງປະຕິວັດລາວ.
    |
 |
|
ສັນຍາລັກເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ-ລາວ. ພາບ: baosonla.vn |
ຢູ່ທີ່ນີ້, ສະຫາຍ ໄກສອນ ພົມວິຫານ ແລະຄະນະປະຈັນບານພາກເໜືອລາວ ໄດ້ຮັບການຊ່ວຍເຫຼືອຈາກຄອບຄົວພໍ່ເຖົ້າ ຈ໊າງລາວໂຄ, ບ້ານລາວໂຄ ເພື່ອກໍ່ສ້າງຮາກຖານປະຕິວັດ ແລະເປີດກວ້າງບໍລິເວນເຄື່ອນໄຫວໄປສູ່ເຂດລາວຮຸ່ງ, ເມືອງພຽງສາ, ມອງນ້ຳ, ຜາຫຼວງ, ເມືອງຊຽງຄໍ້, ແຂວງຊຳເໜືອ (ປະຈຸບັນແມ່ນແຂວງຫົວພັນ).
ດ້ວຍການຊ່ວຍເຫຼືອຢ່າງສຸດຈິດສຸດໃຈນັ້ນໄດ້ສ້າງປັດໄຈພື້ນຖານ, ສ້າງພື້ນຖານອັນໝັ້ນແກ່ນໃຫ້ແກ່ການພັດທະນາຂະບວນການຕໍ່ສູ້ຕ້ານລ່າເມືອງຂຶ້ນຝຣັ່ງຂອງປະຊາຊົນລາວ ໄປສູ່ໄຊຊະນະ.
|
|
 |
|
ນັກທ່ອງທ່ຽວໄປຢ້ຽມຢາມເຂດອະນຸສອນສະຖານ. ພາບ: baosonla.vn |
ເອກອ້າງທະນົງໃຈທີ່ເປັນຖານທີໝັ້ນປະຕິວັດ, ຕໍ່ສູ້ຕ້ານສັດຕູໂຕດຽວ, ວັນທີ 3 ເມສາ 2012, ກະຊວງວັດທະນະທຳ, ກິລາ ແລະທ່ອງທ່ຽວ ໄດ້ຈັດອັນດັບເຂດປູສະນີຍະສະຖານປະຫວັດສາດປະຕິວັດ ຫວຽດນາມ-ລາວ ຢູ່ບ້ານລາວໂຄ, ຕາແສງພຽງຄວ່າຍ, ເມືອງອຽນເຈົາ ເປັນປູຊະນີຍະສະຖານປະຫວັດສາດລະດັບຊາດ.
ວັນທີ 24 ເມສາ 2012, ສະພາແຫ່ງຊາດຂອງສອງປະເທດໄດ້ຈັດພິທີລົງມືກໍ່ສ້າງເຂດປູຊະນີຍະສະຖານປະຫວັດສາດປະຕິວັດ ຫວຽດນາມ-ລາວ ຢູ່ບ້ານລາວໂຄ, ຕາແສງພຽງຄວ່າຍ, ເມືອງອຽນເຈົາ ແລະເປີດນໍາໃຊ້ໃນວັນທີ 6 ກໍລະກົດ 2017.
|
|
 |
|
ພວກນ້ອງເຍົາວະຊົນອະນຸຊົນມາຢ້ຽມຢາມ ແລະຖ່າຍຮູບເປັນທີ່ລະນຶກ. ພາບ: baosonla.vn |
ເຂດປູຊະນີຍະສະຖານປະຫວັດສາດໄດ້ສ້າງຂຶ້ນໃນເນື້ອທີ່ເກືອບ 50 ເຮັກຕາ, ລວມມີ: ອະນຸສອນສະຖານກ່ຽວກັບນໍ້າໃຈມິດຕະພາບແບບພິເສດ ຫວຽດນາມ-ລາວ; ບັນດາກິດຈະກຳຍ່ອຍລວມມີເຮືອນຮັບແຂກ, ເດີ່ນງານບຸນ ແລະເຂດສຶກສາອົບຮົມມູນເຊື້ອ; ເຂດເຮືອນເກົ່າຂອງຄອບຄົວພໍ່ເຄົ້າ ຈ໊າງລາວໂຄ ແລະຕູບຄ້າຍຂອງຄະນະປະຈັນບານພາກເໜືອລາວ ໃນໄລຍະປີ 1948-1951...
|
|
 |
|
ນັກທ່ອງທ່ຽວມາຢ້ຽມຢາມເຂດປູຊະນີຍະສະຖານປະຫວັດສາດ. ພາບ: baosonla.vn |
|
|
 |
|
ນັກທ່ອງທ່ຽວໄປຢ້ຽມຢາມປ່າດົງດິບທີ່ເຂດປູຊະນີຍະສະຖານປະຫວັດສາດ. ພາບ: baosonla.vn |
ເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ-ລາວ ແມ່ນສະຖານທີ່ຮັກສາບັນດາເອກະສານປະຫວັດສາດອັນລ້ຳຄ່າ, ເປັນບ່ອນສຶກສາອົບຮົມມູນເຊື້ອຮັກຊາດໃຫ້ແກ່ຄົນລຸ້ນຫຼັງກ່ຽວກັບສາຍພົວພັນທີ່ເປັນມູນເຊື້ອອັນດີງາມລະຫວ່າງປະຊາຊົນສອງປະເທດ, ຢັ້ງຢືນຈິດໃຈສາກົນອັນສູງສົ່ງ ແລະການເສຍສະຫຼະອັນໃຫຍ່ຫຼວງຂອງກອງທັບ ແລະປະຊາຊົນຫວຽດນາມ ທີ່ສະຫງວນໃຫ້ປະຊາຊົນລາວ, ສະແດງໃຫ້ເຫັນຄວາມສາມັກຄີ ແລະເປັນສັນຍາລັກອັນສູງສົ່ງຂອງນໍ້າໃຈມິດຕະພາບແບບພິເສດຫວຽດນາມ ແລະລາວ.
ເດືອນສິງຫາ 2022, ກະຊວງວັດທະນະທຳ, ກິລາ ແລະທ່ອງທ່ຽວຫວຽດນາມ ໄດ້ຈັດອັນດັບເຂດປູຊະນີຍະສະຖານປະຫວັດສາດປະຕິວັດ ຫວຽດນາມ-ລາວ ເປັນປູຊະນີຍະສະຖານລະດັບຊາດພິເສດ.
ໂດຍ: ທະນາພອນ