ມອບຂອງຂວັນ 500 ພູດໃຫ້ແກ່ປະຊາຊົນ ຢູ່ເຂດຊາຍແດນຫວຽດນາມ-ລາວ

ປະຊາຊົນທີ່ໄດ້ຮັບຂອງຂວັນລວມມີບ້ານທີ່ຢູ່ຕິດກັບຊາຍແດນ ເມືອງກະລືມ, ແຂວງເຊກອງ ແລະບັນດາບ້ານຂອງຕາແສງ ເຈີມ, ເມືອງເຕີຍຢາງ. ຂອງຂວັນແຕ່ລະພູດລວມມີ: ໝີ່ສໍາເລັດຮູບ, ແປ້ງນົວ, ນໍ້າມັນພືດ, ນາໍ້ປາ, ດອກໄຟທີ່ໃຊ້ພະລັງງານໄຟຟ້າແສງຕາເວັນ, ໂສ້ງເສື້ອ ແລະເບ້ຍຕົ້ນໄມ້ກິນໝາກ. ລວມຍອດມູນຄ່າຂອງຂວັນແມ່ນ 350 ລ້ານດົ່ງ.

ພະນັກງານຄ້າຍທະຫານຊາຍແດນ ກາຣີ ມອບຂອງຂວັນໃຫ້ຍາດຕິພີ່ນ້ອງບັນດາຄອບຄົວທີ່ມີຄຸນງາມຄວາມດີຕໍ່ການປະຕິວັດຫວຽດນາມ. ພາບ: qdnd.vn

ທະຫານຊາຍແດນ ມອບຂອງຂວັນໃຫ້ແກ່ປະຊາຊົນບ້ານ ອາຕຸ 1 , ດຮຸງ. ພາບ: qdnd.vn

ຕາມທ່ານພັນໂທ ຫງວຽນຝູກເຈື່ອງ ຫົວໜ້າການເມືອງຄ້າຍທະຫານຊາຍແດນ ກາຣີ ແລ້ວ, ເນື່ອງໃນໂອກາດນີ້ຄ້າຍທະຫານຊາຍແດນ ກາຣີ ຍັງໄດ້ສົມທົບໂຄສະນາກ່ຽວກັບມູນເຊື້ອ 80 ປີແຫ່ງວັນສ້າງຕັ້ງ, ຕໍ່ສູ້  ແລະເຕີບໃຫຍ່ຂະຫຍາຍຕົວຂອງກອງທັບປະຊາຊົນ ຫວຽດນາມ; ສາຍພົວພັນແບບພິເສດລະຫວ່າງສອງຊາດຫວຽດນາມ-ລາວ ໃນຊຸມປີຕ້ານສັດຕູຜູ້ຮຸກຮານຈາກພາຍນອກ, ຜ່ານນັ້ນໄດ້ປຸກລຸກຈິດໃຈຮັກຊາດ, ເພີ່ມທະວີສາຍພົວພັນສາມັກຄີຊົນຊາດ, ຍາດຕິພີ່ນ້ອງ, ໜູນຊ່ວຍ, ຊ່ວຍເຫຼືອ, ພ້ອມກັນປະຕິບັດວຽກງານຄຸ້ມຄອງປົກປັກຮັກສາອະທິປະໄຕຜືນແຜ່ນດິນ, ປ້ອງກັນຄວາມສະຫງົບຊາຍແດນແຫ່ງຊາດເປັນຢ່າງດີ; ກໍ່ສ້າງເຂດຊາຍແດນລະຫວ່າງແຂວງເຊກອງ-ກວາງນາມ ໃຫ້ມີສັນຕິພາບ, ມິດຕະພາບ ແລະພັດທະນາ.

ໂດຍ: ໄຊນີດາ