ສ້າງເສັ້ນຊາຍແດນແຫ່ງສາມັກຄີ, ມິດຕະພາບ
ໃນຊຸມມື້ທ້າຍເດືອນພະຈິກ 2024, ເມື່ອນ້ຳໝອກຍັງປົກຄຸມໄປທົ່ວ, ກອງລາດຕະເວນຂອງກອງບັນຊາການທະຫານຊາຍແດນແຂວງກວາງຈີ້ ພ້ອມກັນກັບກອງບັນຊາການທະຫານແຂວງສາລະວັນ (ລາວ) ໄດ້ດຳເນີນການລາດຕະເວນສອງຝ່າຍເຂດຢູ່ຊາຍແດນຫວຽດນາມ-ລາວ, ແຕ່ຫຼັກໝາຍຊາຍແດນແຫ່ງຊາດ 634 ເຖິງຫຼັກໝາຍຊາຍແດນແຫ່ງຊາດ 637.
ຢູ່ຈຸດຫຼັກໝາຍຊາຍແດນ, ພະນັກງານ, ນັກຮົບຂອງສອງປະເທດໄດ້ປະຕິບັດພິທີການ, ລະບຽບການທີ່ກຳນົດໃນການເຄື່ອນໄຫວການຕ່າງປະເທດຢ່າງເຂັ້ມງວດ, ກວດກາສັນຍານຊາຍແດນ, ສະພາບຄວາມປອດໄພຂອງລະບົບຫຼັກໝາຍຊາຍແດນແຫ່ງຊາດ, ຈັດຕັ້ງການບຸກເບີກ, ທຳຄວາມສະອາດອ້ອມຫຼັກໝາຍ... ພ້ອມກັນນັ້ນ, ກໍ່ໄດ້ແລກປ່ຽນສະພາບຄວາມປອດໄພ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ໂຄສະນາເຜີຍແຜ່, ຂົນຂວາຍປະຊາຊົນປະຕິບັດຕາມຂໍ້ກຳນົດກົດລະບຽບກ່ຽວກັບຊາຍແດນ, ຜືນແຜ່ນດິນ, ຍົກສູງສະຕິປົກປັກຮັກສາເສັ້ນຊາຍແດນ, ຫຼັກໝາຍແຫ່ງຊາດ.
ຜ່ານການກວດກາເຫັນວ່າ ສະພາບການເສັ້ນທາງຊາຍແດນ, ຫຼັກໝາຍຊາຍແດນແຫ່ງຊາດໄດ້ຮັບປະກັນໃຫ້ຢູ່ໃນສະພາບເດີມ, ບໍ່ມີສັນຍານຖືກເຄື່ອນຍ້າຍ ຫຼື ເປເພ. ປະຊາຊົນສອງຟາກຊາຍແດນທຳມາຫາກິນເປັນປົກກະຕິ, ພັດທະນາເສດຖະກິດ, ປະຕິບັດບັນດາເອກະສານກົດໝາຍກ່ຽວກັບຊາຍແດນຫວຽດນາມ - ລາວ ເປັນຢ່າງດີ. ຜ່ານການລາດຕະເວນບໍ່ໍພົບເຫັນປະຊາຊົນປະເທດນີ້ຂ້າມຊາຍແດນຢູ່ອາໄສ ແລະປູກຝັງຢ່າງຜິດກົດໝາຍຢູ່ເຂດຊາຍແດນປະເທດອື່ນ, ການຂຸດຄົ້ນເຄື່ອງປ່າຂອງດົງປ່າໄມ້ ແລະທີ່ດິນຢ່າງຜິດກົດໝາຍ, ບັນດາການເຄື່ອນໄຫວລະເມີດຂໍ້ກຳນົດກົດລະບຽບຢູ່ເຂດຊາຍແດນໃນຂອບເຂດຄວາມຮັບຜິດຊອບ.
    |
 |
|
ການນຳກອງບັນຊາການທະຫານຊາຍແດນແຂວງກວາງຈີ້ ແລະການນຳກອງບັນຊາການທະຫານແຂວງສາລະວັນ ປະຕິບັດພິທີການຢູ່ຫຼັກໝາຍຊາຍແດນ. ພາບ: ຫວິງຟານ |
ສິ້ນສຸດການລາດຕະເວນ, ສອງຝ່າຍໄດ້ຖອດຖອນບົດຮຽນປະສົບການ, ແລກປ່ຽນກ່ຽວກັບແຜນນະໂຍບາຍ, ມາດຕະການ, ເຫັນດີເປັນເອກະພາບກ່ຽວກັບເວລາ, ຈໍານວນທະຫານໃຫ້ແກ່ການລາດຕະເວນຄັ້ງຕໍ່ໄປ ແລະໄດ້ລົງນາມໃນບົດບັນທຶກຜົນການລາດຕະເວນສອງຝ່າຍ.
ໂດຍໄດ້ຮູ້ວ່າ ນັບແຕ່ຕົ້ນປີ 2024 ມາຮອດປະຈຸບັນ, ບັນດາກົມກອງທະຫານຊາຍແດນຫວຽດນາມ ແລະກຳລັງຄຸ້ມຄອງ, ປ້ອງກັນຊາຍແດນລາວ ໄດ້ສົມທົບກັນຈັດຕັ້ງການລາດຕະເວນສອງຝ່າຍ 207 ເທື່ອ/ຈໍານວນພະນັກງານ, ນັກຮົບຂອງທັງສອງຝ່າຍ 4.184 ເທື່ອຄົນ.
2 ຝ່າຍໄດ້ຈັດຕັ້ງບັນດາການເຄື່ອນໄຫວແລກປ່ຽນຄະນະຜູ້ແທນເປັນຢ່າງດີ; ປະສານສົມທົບກັນຈັດຕັ້ງບັນດາລາຍການ: ພົບປະແລກປ່ຽນນາຍທະຫານຊາຍແດນໜຸ່ມຫວຽດນາມ ແລະສັນຕິບານ, ຕຳຫຼວດລາວ ຢູ່ແຂວງກອນຕູມ; ພົບປະແລກປ່ຽນນາຍທະຫານຊາຍແດນໜຸ່ມຫວຽດນາມ-ລາວ ຢູ່ແຂວງສະຫວັນນະເຂດ ແລະ ຄຳມ່ວນ (ລາວ).
2 ຝ່າຍໄດ້ຈັດຕັ້ງການພົບປະເຈລະຈາເປັນປະຈຳ, ຮັກສາການແລກປ່ຽນຂໍ້ມູນ, ສະພາບການ, ສົມທົບກັນເພື່ອຕໍ່ສູ້, ຕ້ານບັນດາກົນອຸບາຍ, ເຈຕະນາແບ່ງແຍກສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງ 2 ປະເທດ; ຕໍ່ສູ້ຕ້ານອາດຊະຍາກຳ, ການລະເມີດກົດໝາຍຢູ່ເຂດຊາຍແດນຢ່າງມີປະສິດທິຜົນ, ພິເສດແມ່ນອາດຊະຍາກຳຢາເສບຕິດ, ການເຂົ້າອອກເມືອງຢ່າງຜິດກົດໝາຍ...
ຄຽງຂ້າງນັ້ນ, 2 ຝ່າຍກໍ່ຊຸກຍູ້ບັນດາຮູບແບບ “ແຮກສ່ຽວຄ້າຍທະຫານຊາຍແດນ-ກອງຮ້ອຍທະຫານຊາຍແດນ, ກໍາລັງປະກອບອາວຸດສອງຟາກຊາຍແດນ” ຢ່າງຕັ້ງໜ້າ, ປະຈຸບັນ, ມີ 74/95 ຄ້າຍທະຫານຊາຍແດນກັບ 29/36 ກອງຮ້ອຍທະຫານຊາຍແດນ ແລະ 10 ປ້ອມຕຳຫຼວດດ່ານຊາຍແດນລາວ ໄດ້ລົງນາມໃນການແຮກສ່ຽວ.
ບັນດາຜົນງານທີ່ພົ້ນເດັ່ນ
ທ່ານພົນຕີ ເລດຶກຖ້າຍ ໄດ້ຕີລາຄາວ່າ ໃນຊຸມປີຜ່ານມາ, ກຳລັງທະຫານຊາຍແດນຫວຽດນາມ ແລະລາວ ໄດ້ເປັນເຈົ້າການ, ຕັ້ງໜ້າໃນການສົມທົບກັນຢ່າງແໜ້ນແຟ້ນ, ມີປະສິດທິຜົນ ແລະບັນລຸໄດ້ບັນດາຜົນງານພົ້ນເດັ່ນ. ໃນນັ້ນ, 2 ຝ່າຍໄດ້ຊາບຊຶມ ແລະປະຕິບັດອະນຸສັນຍາກ່ຽວກັບເສັ້ນຊາຍແດນ ແລະຫຼັກໝາຍຊາຍແດນ; ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະດ່ານຊາຍແດນທາງບົກລະຫວ່າງຫວຽດນາມ ແລະລາວ; ອະນຸສັນຍາການຮ່ວມມືປ້ອງກັນຊາຍແດນລະຫວ່າງ 2 ກະຊວງປ້ອງກັນປະເທດ ແລະບົດບັນທຶກຊ່ວຍຈຳ, ການພົບປະເຈລຈາລະຫວ່າງບັນດາອົງການ, ກົມກອງທຽບເທົ່າຂອງ 2 ຝ່າຍຢ່າງເຂັ້ມງວດ ແລະມີປະສິດທິຜົນ; ຄົ້ນພົບ ແລະປະສານສົມທົບກັນແກ້ໄຂບັນດາກໍລະນີທີ່ເກີດຂຶ້ນຢູ່ຊາຍແດນຢ່າງທັນການ ແລະມີປະສິດທິຜົນ.
|
|
 |
|
ທ່ານພົນຕີ ເລດຶກຖ້າຍ, ຜູ້ບັນຊາການທະຫານຊາຍແດນ ແລະທ່ານພັນເອກ ອຸ່ນຄຳ ສີແຫວນວົງສັກ, ຮັກສາການຫົວໜ້າກົມທະຫານຊາຍແດນ, ກົມໃຫຍ່ເສນາທິການກອງທັບປະຊາຊົນລາວ ໄດ້ມອບບົດບັນທຶກການພົບປະໃນວັນທີ 8 ຕຸລາ 2024. ພາບ: ທູມີງ |
ນອກຈາກນັ້ນ, ສອງຝ່າຍກໍ່ໄດ້ສົມທົບກັນ ເພື່ອຈັດຕັ້ງບັນດາການເຄື່ອນໄຫວຕໍ່ສູ້, ຕ້ານບັນດາກົນອຸບາຍ, ເລ່ລ່ຽມ, ການເຄື່ອນໄຫວມ້າງເພທຳລາຍຂອງບັນດາອິດທິກຳລັງທີ່ເປັນປໍລະປັກແນ່ໃສ່ແບ່ງແຍກສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງ 2 ປະເທດ; ການເຄື່ອນໄຫວຂອງອາດຊະຍາກຳປະເພດຕ່າງໆ ແລະການລະເມີດກົດໝາຍຢູ່ເຂດຊາຍແດນຢ່າງມີປະສິດທິຜົນ.
ໃນໄລຍະຈະມາເຖິງ, ກອງບັນຊາການທະຫານຊາຍແດນ ຈະສືບຕໍ່ສົມທົບກັນຢ່າງແໜ້ນແຟ້ນກັບກໍາລັງຄຸ້ມຄອງ, ປົກປັກຮັກສາຊາຍແດນຂອງລາວ; ພ້ອມກັນປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນແຫ່ງຊາດເຊິ່ງສອງພັກ, ລັດ ໄດ້ເປັນເອກະພາບວາງແຜນກຳນົດ; ສືບຕໍ່ຜັນຂະຫຍາຍການປະຕິບັດບັນດາເອກະສານຮ່ວມມືທີ່ໄດ້ລົງນາມຢ່າງມີປະສິດທິຜົນ. ເປັນເຈົ້າການ, ຕັ້ງໜ້າໃນການແລກປ່ຽນຂໍ້ມູນ, ເພີ່ມທະວີການສົມທົບກັນໃນການລາດຕະເວນສອງຝ່າຍ ເພື່ອປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ. 2 ຝ່າຍພ້ອມແລ້ວທີ່ຈະສົມທົບກັນຢ່າງມີປະສິດທິຜົນ ເພື່ອຮັບມືກັບໄພທຳມະຊາດ, ໂລກລະບາດ ແລະບັນດາບັນຫາກ່ຽວກັບຄວາມໝັ້ນຄົງບໍ່ເປັນການທະຫານ; ຕໍ່ສູ້ປ້ອງກັນ, ຕ້ານອາດຊະຍາກຳຂ້າມຊາຍແດນ, ພິເສດແມ່ນອາດຊະຍາກຳຢາເສບຕິດ; ສືບຕໍ່ສົມທົບກັນເພື່ອຕໍ່ສູ້ສະກັດກັ້ນບັນດາການເຄື່ອນໄຫວອົບພະຍົບຢ່າງເສລີ ແລະຮັບປະກັນໃຫ້ຊຸມຊົນຢູ່ເຂດຊາຍແດນດຳລົງຊີວິດເປັນປົກກະຕິ; ປະສານສົມທົບກັນໂຄສະນາໃຫ້ປະຊາຊົນຢູ່ເຂດຊາຍແດນ 2 ປະເທດຍົກສູງຄວາມຮູ້ ແລະສະຕິປະຕິບັດບັນດາເອກະສານກົດໝາຍຢູ່ຊາຍແດນຫວຽດນາມ - ລາວ. ສືບຕໍ່ຊ່ວຍລາວ ໃນວຽກງານບຳລຸງກໍ່ສ້າງຖັນແຖວພະນັກງານ ແລະສົມທົບກັບບັນດາກຳລັງທີ່ກ່ຽວຂ້ອງຈັດຕັ້ງການສຳຫຼວດ, ໜູນຊ່ວຍກໍ່ສ້າງສຳນັກງານເຮັດວຽກຂອງກອງບັນຊາການທະຫານຊາຍແດນລາວ.
ກອງບັນຊາການທະຫານຊາຍແດນ ກໍ່ໄດ້ຊີ້ນໍາທະຫານຊາຍແດນບັນດາ ແຂວງທີ່ມີເສັ້ນຊາຍແດນຕິດກັບລາວ ສືບຕໍ່ເສີມຂະຫຍາຍໝາກຜົນທີ່ບັນລຸໄດ້ ແລະສົມທົບກັນຢ່າງແໜ້ນແຟ້ນກັບບັນດາກໍາລັງຄຸ້ມຄອງ, ປົກປັກຮັກສາຊາຍແດນຂອງລາວ ໃນການປະຕິບັດໜ້າທີ່ຄຸ້ມຄອງ, ປົກປັກຮັກສາຊາຍແດນ, ຮັກສາຄວາມປອດໄພທາງດ້ານການເມືອງ, ຄວາມເປັນລະບຽບຮຽບຮ້ອຍຄວາມປອດໄພທາງສັງຄົມ ແລະຊຸກຍູ້ການພັດທະນາເສດຖະກິດ - ສັງຄົມຢູ່ເຂດຊາຍແດນ.
ໂດຍເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນ 2 ຟາກຊາຍແດນເພີ່ມທະວີການເຄື່ອນໄຫວພົບປະແລກປ່ຽນແຮກສ່ຽວ, ພັດທະນາຮູບແບບ “ແຮກສ່ຽວກຸ່ມຊຸມຊົນສອງຟາກຊາຍແດນ”,“ແຮກສ່ຽວຄ້າຍທະຫານຊາຍແດນ-ກອງຮ້ອຍທະຫານຊາຍແດນ, ກໍາລັງປະກອບອາວຸດສອງຟາກຊາຍແດນ” ເພື່ອປັບປຸງ, ຮັກສາຄວາມໄວ້ເນື້ອເຊື່ອໃຈ, ນຳການພົວພັນຮ່ວມມືມິດຕະພາບ, ຄວາມສາມັກຄີ, ຄວາມເຂົ້າໃຈ, ຄວາມໄວ້ເນື້ອເຊື່ອໃຈລະຫວ່າງ 2 ຝ່າຍຂຶ້ນສູ່ລະດັບສູງໃໝ່, ນັບມື້ນັບກ້າວເຂົ້າສູ່ລວງເລິກ, ແທດຈິງ ແລະມີປະສິດທິຜົນ.
ໂດຍ: ທະນາພອນ