ຄ້າຍທະຫານຊາຍແດນດ່ານສາກົນນາແມ່ວ ໄດ້ຮັບໜ້າທີ່ຄຸ້ມຄອງ, ປົກປັກຮັກສາເສັ້ນຊາຍແດນທີ່ມີລວງຍາວ 37,376 ກິໂລແມັດ, ມີ 12 ທີ່ຕັ້ງ/15 ຫຼັກໝາຍຊາຍແດນແຫ່ງຊາດ... ໃນຫຼາຍປີຜ່ານມາ, ກົມກອງໄດ້ສົມທົບກັນຢ່າງແໜ້ນແຟ້ນກັບກໍາລັງທີ່ກ່ຽວຂ້ອງຂອງປະເທດເພື່ອນລາວ ປະຕິບັດໜ້າທີ່ແລກປ່ຽນຂໍ້ມູນຂ່າວສານ, ສະພາບການທີ່ກ່ຽວຂ້ອງເຖິງຄວາມໝັ້ນຄົງຊາຍແດນແຫ່ງຊາດ, ສົມທົບກັນປະຕິບັດວຽກງານລາດຕະເວນສອງຝ່າຍແນໃສ່ຕໍ່ສູ້ຕ້ານ ແລະສະກັດກັ້ນອາດຊະຍາກໍາປະເພດຕ່າງໆ, ຂົນຂວາຍປະຊາຊົນຢູ່ເຂດຊາຍແດນສອງປະເທດປະຕິບັດບັນດາເນື້ອໃນສັນຍາກ່ຽວກັບກົດລະບຽບການຄຸ້ມຄອງຊາຍແດນ.

leftcenterrightdel
ຄ້າຍທະຫານຊາຍແດນດ່ານສາກົນນາແມ່ວ ສົມທົບກັນຈັດຕັ້ງການລາດຕະເວນຊາຍແດນ. ພາບ: baothanhhoa.vn

ທ່ານພັນໂທ ຮວ່າງຈູງກຽນ, ກອງສືບສວນ, ຄ້າຍທະຫານຊາຍແດນດ່ານສາກົນນາແມ່ວ, ທັງເປັນນາຍພາສາ, ຮັບຜິດຊອບໃນການແລກປ່ຽນໂດຍກົງ, ທາງອ້ອມກັບອໍານາດການປົກຄອງ ແລະກໍາລັງທີ່ກ່ຽວຂ້ອງຢູ່ເຂດຕິດກັບກຸ່ມບ້ານເມືອງບຸ່ນ, ເມືອງວຽງໄຊ, ແຂວງຫົວພັນ. ທ່ານພັນໂທ ຮວ່າງຈູງກຽນ ກໍານົດວ່າ ຢາກສຳເລັດໜ້າທີ່ຂອງນາຍພາສາ, ຕ້ອງຮໍ່າຮຽນໃຫ້ຫຼາຍ, ປະກອບຄວາມຮູ້, ເປັນຕົ້ນແມ່ນຕ້ອງເຂົ້າໃຈຮີດຄອງປະເພນີ, ການດໍາເນີນຊີວິດຂອງພໍ່ແມ່ປະຊາຊົນ, ຈຶ່ງສາມາດເຜີຍແຜ່ຂໍ້ກຳນົດ, ເອກະສານທາງກົດໝາຍເຖິງປະຊາຊົນເປັນຢ່າງດີ.  ໂດຍເປັນນາຍພາສາ, ທ່ານພັນໂທ ຮວ່າງຈູງກຽນ ໄດ້ເຊື່ອມໂຍງເຂົ້າກັບຊີວິດການເປັນຢູ່ຂອງປະຊາຊົນຢູ່ເຂດຊາຍແດນ, ປະຕິບັດທິດນຳຮ່ວມກິນ, ຮ່ວມຢູ່, ຮ່ວມເຮັດວຽກ, ຮ່ວມຟັງ ແລະເວົ້າພາສາຂອງປະຊາຊົນບັນດາເຜົ່າ.

ທ່ານພັນຕີ ໄມຄຳ, ຫົວໜ້າກອງຮ້ອຍ, ຫົວໜ້າການເມືອງກອງຮ້ອຍທະຫານຊາຍແດນ 218, ແຂວງຫົວພັນ ໃຫ້ຮູ້ວ່າ: "ກໍາລັງສອງຝ່າຍໄດ້ແລກປ່ຽນ, ກໍາແໜ້ນຄວາມມຸ່ງມາດປາດຖະໜາ, ຮີດຄອງປະເພນີເພື່ອພ້ອມກັນຮ່ວມມື, ປົກປັກຮັກສາຫຼັກໝາຍຊາຍແດນເປັນປະຈຳ. ປະຈຸບັນ, ກອງຮ້ອຍ 218 ບໍ່ມີນາຍພາສາຫວຽດນາມ, ເມື່ອສອງຝ່າຍແລກປ່ຽນວຽກງານນໍາກັນ, ກໍ່ເຊີນອ້າຍ ກຽນ ນາຍແປພາສາຂອງຄ້າຍທະຫານຊາຍແດນດ່ານສາກົນນາແມ່ວ ມາຊ່ວຍເພື່ອຜັນຂະຫຍາຍ, ປະຕິບັດໜ້າທີ່ປົກປັກຮັກສາຊາຍແດນລະຫວ່າງສອງກົມກອງ".

ປະຕິບັດຄຳສອນຂອງລຸງໂຮ່ “ຊ່ວຍເພື່ອນແມ່ນຊ່ວຍຕົນເອງ”, ໃນໄລຍະຜ່ານມາ, ບັນດານັກຮົບທະຫານຊາຍແດນຄ້າຍທະຫານຊາຍແດນດ່ານສາກົນນາແມ່ວ ໄດ້ນຳອາລົມຈິດພິເສດມາຍັງພໍ່ແມ່ປະຊາຊົນກຸ່ມບ້ານເມືອງບຸ່ນ, ເມືອງວຽງໄຊ, ແຂວງຫົວພັນ. ນອກຈາກການໄປຢ້ຽມຢາມຖາມຂ່າວ, ລະດົມກໍາລັງໃຈພໍ່ແມ່ປະຊາຊົນແກ້ໄຂຄວາມຫຍຸ້ງຍາກ, ນັກຮົບຄ້າຍທະຫານຊາຍແດນດ່ານສາກົນນາແມ່ວ ຍັງຍາດເວລາໂຄສະນາເຜີຍແຜ່, ຂົນຂວາຍພໍ່ແມ່ປະຊາຊົນລົບລ້າງຮີດຄອງປະເພນີຫຼ້າຫຼັງ, ຊ່ວຍເຫຼືອປະຊາຊົນບັນດາບ້ານຕິດກັບຊາຍແດນຂອງປະເທດເພື່ອນລາວ ພັດທະນາເສດຖະກິດ.

ຄ້າຍທະຫານຊາຍແດນກວາງຈ່ຽວ ຄຸ້ມຄອງ, ປົກປັກຮັກສາເສັ້ນຊາຍແດນຍາວ 46,7 ກິໂລແມັດ ດ້ວຍ 22 ຫຼັກໝາຍຊາຍແດນແຫ່ງຊາດ (ແຕ່ 283-304) ໃນບໍລິເວນ 2 ຕາແສງກວາງຈ່ຽວ ແລະເມື່ອງແຈັງ (ເມື່ອງລ໊າດ), ເຂດນອກປະເທດຕິດກັບເມືອງວຽງໄຊ ແລະເມືອງສົບເບົາ, ແຂວງຫົວພັນ. ປະຕິບັດວຽກງານພົວພັນຕ່າງປະເທດເຂດຊາຍແດນ, ການທູດປະຊາຊົນ, ກົມກອງໄດ້ພົບປະ, ແລກປ່ຽນຂໍ້ມູນຂ່າວສານປະຈໍາໄລຍະ ແລະກະທັນຫັນກັບກອງຮ້ອງ 214 ແລະ 215 (ລາວ). ສອງຝ່າຍຈັດຕັ້ງການລາດຕະເວນສອງຝ່າຍໄດ້ 8 ຄັ້ງ/ພະນັກງານ, ນັກຮົບ 192 ຄົນເຂົ້າຮ່ວມ; ພົບປະ, ແລກປ່ຽນຂໍ້ມູນຂ່າວສານ ແລະແກ້ໄຂບັນຫາທີ່ກ່ຽວຂ້ອງເຖິງອະທິປະໄຕຜືນແຜ່ນດິນຂອງແຕ່ລະຝ່າຍເປັນຢ່າງດີ; ໜູນຊ່ວຍ, ຊ່ວຍເຫຼືອເຊິ່ງກັນ ແລະກັນໃນວຽກງານພັດທະນາເສດຖະກິດ-ສັງຄົມ, ຕໍ່ສູ້ກັບອາດຊະຍາກໍາປະເພດຕ່າງໆ. ເພື່ອເຂົ້າໃຈພາສາລາວ, ຮັບໃຊ້ວຽກງານປົກປັກຮັກສາຊາຍແດນແຫ່ງຊາດແມ່ນສຳຄັນທີ່ສຸດ, ໃນໄລຍະຜ່ານມາ, ຄ້າຍທະຫານຊາຍແດນກວາງຈ່ຽວ ໄດ້ຈັດຕັ້ງຊຸດຮຽນພາສາລາວ ໂດຍມີການເຂົ້າຮ່ວມຂອງພະນັກງານ, ນັກຮົບໃນກົມກອງ.

ທ່ານພັນຕີ ເລວັນເຢືອງ, ປ້ອມກວດກາຊາຍແດນກາງ, ຄ້າຍທະຫານຊາຍແດນກວາງຈ່ຽວ, ແບ່ງປັນວ່າ: “ຂ້າພະເຈົ້າ ຮຽນພາສາລາວ ເພື່ອຮັບໃຊ້ວຽກງານໂຄສະນາເຜີຍແຜ່ຂອງປະຊາຊົນຢູ່ເຂດຊາຍແດນໃຫ້ດີກວ່າ, ເພື່ອໃຫ້ເຂົາເຈົ້າເຂົ້າໃຈ, ຮ່ວມເດີນທາງພ້ອມກັບກົມກອງໃນການປົກປັກຮັກສາຊາຍແດນ, ເຂົ້າຮ່ວມການຮັບປະກັນຄວາມໝັ້ນຄົງຄວາມເປັນລະບຽບຮຽບຮ້ອຍ, ຮັກສາອະທິປະໄຕເຂດຊາຍແດນແຫ່ງຊາດ, ພ້ອມທັງເບິ່ງແຍງຊີວິດການເປັນຢູ່ຂອງປະຊາຊົນບັນດາເຜົ່າຢູ່ເຂດຊາຍແດນສອງປະເທດ, ປະກອບສ່ວນເພີ່ມພູນຄູນສ້າງນໍ້າໃຈສາມັກຄີມິດຕະພາບແບບພິເສດລະຫວ່າງສອງແຂວງແຮກສ່ຽວ ແທັງຮວ໊າ - ຫົວພັນ ແລະສອງປະເທດ ຫວຽດນາມ-ລາວ ອ້າຍນ້ອງ”.

ມາຮອດປະຈຸບັນ, ໄດ້ມີ 17 ຄູ່ບ້ານ, ກຸ່ມບ້ານໄດ້ເຊັນສັນຍາແຮກສ່ຽວ, ການແຮກສ່ຽວຄູ່ບ້ານ-ບ້ານ, ເພື່ອສ້າງສາຍພົວພັນມິດຕະພາບຂອງບັນດາເມືອງຕິດກັບຊາຍແດນເວົ້າສະເພາະ ແລະສອງແຂວງແທັງຮວ໊າ-ຫົວພັນ ເວົ້າລວມ, ສະນັ້ນພະນັກງານ, ນັກຮົບແຕ່ລະຄົນໃນກໍາລັງທະຫານຊາຍແດນແຂວງແທັງຮວ໊າ ຕ້ອງຍູ້ແຮງການຮຽນພາສາລາວ, ພາສາຊົນເຜົ່າກວ່າອີກ.

ໂດຍ: ເຈິ່ນຮວ່ຽນ