ດ້ວຍທັດສະນະ “ຊ່ວຍເພື່ອນແມ່ນຊ່ວຍຕົນເອງ”, ແຂວງກວາງນາມ ໄດ້ມີຫຼາຍຮູບແບບ, ການເຄື່ອນໄຫວ ເພື່ອແນໃສ່ແບ່ງປັນຄວາມຫຍຸ້ງຍາກ, ຊ່ວຍເຫຼືອປະຊາຊົນແຂວງເຊກອງ ພັດທະນາເສດຖະກິດ, ສັງຄົມ, ຫຼຸດຜ່ອນຄວາມທຸກຍາກແບບຍືນຍົງ, ຜ່ານນັ້ນ, ຮັດແໜ້ນນໍ້າໃຈມິດຕະພາບ ແລະຄວາມສາມັກຄີລະຫວ່າງ ຫວຽດນາມ ແລະລາວ.
    |
 |
|
ຄ້າຍທະຫານຊາຍແດນ ກາຣີ ມອບຂອງຂວັນໃຫ້ປະຊາຊົນບ້ານ Bhanoon, ເມືອງກະລຶມ ເນື່ອງໃນໂອກາດບຸນປີໃໝ່ ລາວ ປີ 2024. ພາບ: ຈຸກຮ່າ. |
ເຖິງວ່າ ເປັນເມືອງຊາຍແດນທຸກຍາກກໍ່ຕາມ, ແຕ່ໃນຊຸມປີຜ່ານທາ, ເມືອງນາມຢາງ ໄດ້ຜັນຂະຫຍາຍຫຼາຍກິດຈະກຳແຮກສ່ຽວ, ຊ່ວຍເຫຼືອເມືອງດັກຈຶງ. ໃນນັ້ນນອກຈາກການໄປຢ້ຽມຢາມ, ລະດົມກຳລັງໃຈ, ມອບຂອງຂວັນແລ້ວ, ເມືອງນາມຢາງ ຍັງຊ່ວຍເງິນສົດ ເພື່ອຊ່ວຍເພື່ອນສ້າງຫຼາຍຮູບແບບພັດທະນາເສດຖະກິດ-ສັງຄົມ ແລະຫຼຸດຜ່ອນຄວາມທຸກຍາກແບບຍືນຍົງ. ເດືອນເມສາ 2019, ພ້ອມກັບການເຂົ້າຮ່ວມບຸນປີໃໝ່ຂອງເມືອງດັກຈຶງ, ເມືອງນາມຢາງ ໄດ້ເປີດນໍາໃຊ້ ແລະມອບ-ຮັບ ໂຮງຮຽນດ້ວຍ 10 ຫ້ອງຮຽນ, ເຮືອນຄູສອນ ແລະຫໍພັກນັກຮຽນ... ໃຫ້ໂຮງຮຽນມັດທະຍົມຕອນຕົ້ນເມືອງດັກຈຶງ.
ສຳລັບເມືອງທຸກຍາກລໍາບາກທີ່ສຸດຂອງແຂວງເຊກອງ, ການກໍ່ສ້າງ ແລະມອບຮັບໂຮງຮຽນທີ່ມີມູນຄ່າກວ່າ 5 ຕື້ດົ່ງນັ້ນແມ່ນຂອງຂວັນທີ່ມີຄວາມໝາຍ ແລະແທດຈິງທີ່ສຸດໃຫ້ຂະແໜງການສຶກສາຂອງທ້ອງຖິ່ນ. ທ່ານ ບຸນສໍາ ສີສັກ, ອຳນວຍການໂຮງຮຽນມັດທະຍົມຕອນຕົ້ນດັກຈຶງ, ຕາງໜ້າໃຫ້ນັກຮຽນ ແລະຄູອາຈານ ໄດ້ສະແດງຄວາມຂອບໃຈຕໍ່ອໍານາດການປົກຄອງ ແລະປະຊາຊົນແຂວງກວາງນາມ ເວົ້າລວມ ແລະເມືອງນາມຢາງ ເວົ້າສະເພາະ. ຕາມທ່ານ ບຸນສໍາ ສີສັກ ແລ້ວ, ໂຮງຮຽນມັດທະຍົມຕອນຕົ້ນດັກຈຶງ ມີນັກຮຽນລາວ ບັນດາເຜົ່າຢູ່ບັນດາໝູ່ບ້ານທີ່ຫ່າງໄກສອກຫຼີກ 400 ກວ່າຄົນ. ກ່ອນໜ້ານັ້ນ, ເຂດກິນນອນກໍ່ຊຸດໂຊມ, ໂຮງຮຽນເປ່ເພຫຼາຍ. ປະຈຸບັນມີໂຮງຮຽນຫຼັງໃໝ່, ມີບ່ອນດຳລົງຊີວິດໃໝ່, ນັກຮຽນບໍ່ປະຮຽນອີກ, ຄູອາຈານ ກໍ່ມີເງື່ອນໄຂສິດສອນໄດ້ດີກວ່າ.
ໃນຂະນະນັ້ນ, ເມືອງຊາຍແດນ ໄຕຢາງ ມີເສັ້ນຊາຍແດນຕິດຈອດກັບເມືອງກະລືມ ຍາວກວ່າ 70 ກິໂລແມັດ, ກໍ່ຄ້າຍຄືກັນ. ກ່ອນໜ້ານີ້, ແຕ່ລະປີ, ໂຮງໝໍເມືອງ ໄຕຢາງ ໄດ້ຮັບ ແລະປິ່ນປົວພະຍາດໂດຍບໍ່ເສຍຄ່າໃຫ້ຄົນເຈັບຢູ່ບັນດາໝູ່ບ້ານຂອງເມືອງ ກະລືມ ປະມານ 400-800 ເທື່ອຄົນ. ຈາກສະພາບຕົວຈິງດັ່ງກ່າວ, ໂຮງໝໍເມືອງ ໄຕຢາງ ໄດ້ສະເໜີຕໍ່ຄະນະກຳມະການປະຊາຊົນເມືອງ ແລະພະແນກສາທາລະນະສຸກແຂວງກວາງນາມ ກ່ຽວກັບການບຳລຸງສ້າງຍົກສູງຊັບພະຍາກອນມະນຸດໃຫ້ຖັນແຖວແພດໝໍຂອງເມືອງປະເທດເພື່ອນລາວ. ຄ່າໃຊ້ຈ່າຍໃນການກໍ່ສ້າງແມ່ນໄດ້ຮັບການໜູນຊ່ວຍຈາກຄະນະກຳມະການປະຊາຊົນເມືອງໄຕຢາງ. ວິທີນີ້ບໍ່ພຽງແຕ່ຊ່ວຍຍົກສູງທັກສະວິຊາສະເພາະໃຫ້ແກ່ແພດໝໍເມືອງກະລຶມ ເທົ່ານັ້ນ, ຫາກຍັງຊ່ວຍຫຼຸດຜ່ອນຈໍານວນຄົນລາວ ໄປມາຜ່ານຊາຍແດນອີກດ້ວຍ.
ປີ 2022, ເປັນຄັ້ງທຳອິດ ໂຮງໝໍເມືອງ ໄຕຢາງ ຈັດຕັ້ງກໍ່ສ້າງວິຊາຊີບໃຫ້ແກ່ແພດໝໍເມືອງກະລືມ 6 ຄົນ. ນີ້ແມ່ນວຽກງານພິເສດ, ເພາະວ່າເປັນຄັ້ງທຳອິດໃນທົ່ວປະເທດ, ໂຮງໝໍເມືອງພູດອຍ ໄດ້ຮັບການກໍ່ສ້າງດ້ານການແພດໃຫ້ແກ່ທ້ອງຖິ່ນປະເທດບ້ານໃກ້ເຮືອນຄຽງ.
ທ່ານໝໍ ສຸພັນ ລິຂາສິດ ໃຫ້ຮູ້ວ່າ: “ຂ້າພະເຈົ້າ ຮູ້ສຶກສະເທືອນໃຈທີ່ເປັນໜຶ່ງໃນບັນດາທ່ານໝໍ ໄດ້ຮັບການກໍ່ສ້າງ, ບໍາລຸງຈາກໂຮງໝໍເມືອງ ໄຕຢາງ. ບໍ່ພຽງແຕ່ໄດ້ຮຽນ ແລະຝຶກງານວິຊາການເອໂກ ເທົ່ານັ້ນ, ຂ້າພະເຈົ້າ ແລະໝູ່ເພື່ອນຍັງໄດ້ຮັບການດູແລກ່ຽວກັບບ່ອນກິນບ່ອນຢູ່ ແລະໄດ້ຮັບການປະພຶດຄືດັ່ງຍາດຕິພີ່ນ້ອງໃນຄອບຄົວຈາກແພດໝໍເມືອງ ໄຕຢາງ. ພວກຂ້າພະເຈົ້າ ຈະນໍາໃຊ້ຄວາມຮູ້ທີ່ຖອດຖອນມາໄດ້ໃນການກວດກາ ແລະປິ່ນປົວພະຍາດໃຫ້ປະຊາຊົນ.”
ທ່ານ ອາວເຣິດ ບລູຍ, ຮອງປະທານຄະນະກຳມະການປະຊາຊົນເມືອງໄຕຢາງ ໃຫ້ຮູ້ວ່າ: ໃນໄລຍະຜ່ານມາ, ຄະນະກຳມະການປະຊາຊົນເມືອງໄຕງຢາງ ມີການເຄື່ອນໄຫວໜູນຊ່ວຍດ້ານການສຶກສາ, ສາທາລະນະສຸກ, ພັດທະນາເສດຖະກິດ, ສົມທົບກັນປົກປັກຮັກສາເຂດຊາຍແດນ, ຫຼັກໝາຍຊາຍແດນ... ນີ້ແມ່ນບັນດາວຽກງານເລັກນ້ອຍແຕ່ມີຄວາມໝາຍອັນໃຫຍ່ຫຼວງຂອງອໍານາດການປົກຄອງ, ທະຫານ ແລະປະຊາຊົນ ບັນດາເມືອງຊາຍແດນຂອງກວາງນາມ ທີ່ມີຕໍ່ປະຊາຊົນລາວບັນດາເຜົ່າ. ການເຄື່ອນໄຫວນີ້ບໍ່ພຽງແຕ່ຮັດແໜ້ນຄວາມສາມັກຄີ ແລະສະໜິດຕິດພັນເທົ່ານັ້ນ, ຫາກຍັງຊ່ວຍເສີມຂະຫຍາຍມູນເຊື້ອມິດຕະພາບອັນດີງາມລະຫວ່າງຫວຽດນາມ - ລາວ ເຊິ່ງ ປະທານ ໂຮ່ຈີມິນ ແລະປະທານ ໄກສອນ ພົມວິຫານ ໄດ້ເພີ່ມພູນຄູນສ້າງ”.
|
|
 |
|
ພັນຕີ, ທ່ານໝໍ ຫງວຽນວັນກວກຈິ໊ (ຫ້ອງກວດພະຍາດທະຫານ ແລະປະຊາຊົນອາຊານ, ເມືອງ ໄຕຢາງ) ກວດ ແລະປິ່ນປົວພະຍາດໃຫ້ນາງ ຍອນ (ບ້ານ ຕາວ່າງ, ເມືອງ ກະລຶມ). ພາບ: ຈຸກຮ່າ |
ເມື່ອເວົ້າເຖິງການເສີມສ້າງນ້ຳໃຈສາມັກຄີມິດຕະພາບຫວຽດນາມ - ລາວ, ຕ້ອງເວົ້າເຖິງກອງບັນຊາການທະຫານຊາຍແດນແຂວງກວາງນາມ. ທ່ານພັນເອກພິເສດ ຮວ່າງວັນເໝິນ, ຫົວໜ້າການເມືອງກອງບັນຊາການທະຫານຊາຍແດນແຂວງກວາງນາມ ໃຫ້ຮູ້ວ່າ: “ໃນການເຄື່ອນໄຫວປ້ອງກັນຊາຍແດນ, ສອງກໍາລັງໄດ້ຮັກສາການພົບປະແລກປ່ຽນວຽກງານ ແລະລາດຕະເວນສອງຝ່າຍເປັນປະຈຳ ເພື່ອຮັກສາເຂດຊາຍແດນແຫ່ງສັນຕິພາບ, ສະຖຽນລະພາບ. ໃນຊຸມປີຜ່ານມາ, ທະຫານຊາຍແດນແຂວງກວາງນາມ ຍາມໃດກໍ່ເສີມຂະຫຍາຍມູນເຊື້ອ ແລະພ້ອມກັນສ້າງສາຍພົວພັນສາມັກຄີມິດຕະພາບລະຫວ່າງ ຫວຽດນາມ ແລະ ລາວໃຫ້ນັບມື້ນັບພັດທະນາ”.
ຕາມນັ້ນແລ້ວ, ກອງບັນຊາການທະຫານຊາຍແດນແຂວງກວາງນາມ ໄດ້ຈັດຕັ້ງການເຄື່ອນໄຫວອາສາສະໝັກນັບພັນຄັ້ງ, ດ້ວຍການເຄື່ອນໄຫວຮັບປະກັນຊີວິດສັງຄົມທີ່ແທດຈິງ ແລະມີຄວາມໝາຍ ເພື່ອຊ່ວຍເຫຼືອເພື່ອນລາວ. ບັນດາຄ້າຍທະຫານຊາຍແດນ, ຄື: ອານົງ, ເຈີຮີ, ກາຣີ, ລາເອ, ດັກເປີຣິງ ແລະດ່ານສາກົນ ນາມຢາງ ພວມຮັບລ້ຽງດູເບິ່ງແຍງນັກຮຽນລາວ 7 ຄົນ ຕາມລາຍການ "ຊ່ວຍນ້ອງໄປໂຮງຮຽນ - ລູກຮັກທະຫານຊາຍແດນ", ດ້ວຍເງິນໜູນຊ່ວຍ 500.000 ດົ່ງ/ຄົນ/ເດືອນ.
ບັນດາຄ້າຍທະຫານຊາຍແດນກໍ່ຮຽກຮ້ອງຜູ້ມີໃຈບຸນໃຈກຸສົນມອບຂອງຂວັນນັບພັນພູດໃຫ້ປະຊາຊົນບັນດາບ້ານຕິດຈອດກັບຊາຍແດນຂອງລາວ, ລວມມີ: ສະບຽງອາຫານ, ເຄື່ອງຂອງທີ່ຈໍາເປັນ, ເຄື່ອງນຸ່ງຖື, ... ບັນດາຄ້າຍທະຫານຊາຍແດນ ກໍ່ຕັ້ງໜ້າ ແລະຍົກສູງປະສິດທິຜົນຮູບແບບການແຮກສ່ຽວລະຫວ່າງ ບ້ານ-ບ້ານ 2 ຟາກຊາຍແດນ, ຜ່ານນັ້ນ, ນັບມື້ນັບຮັດແໜ້ນນ້ຳໃຈສາມັກຄີລະຫວ່າງສອງເມືອງ, ສອງແຂວງ, ສອງປະເທດ.
ໂດຍ: ທະນາພອນ