15 ປີຜ່ານມາ, ເຖິງວ່າເວລາບໍ່ດົນປານໃດ, ແຕ່ວ່າດ້ວຍວຽກເຮັດຢ່າງແທດຈິງ, ມີປະສິດທິຜົນ, ການພົວພັນຮ່ວມມື, ແຮກສ່ຽວລະຫວ່າງສອງວິທະຍາຄານ ນັບມື້ນັບສະໜິດແໜ້ນ ແລະດີງາມກວ່າ. ສອງຝ່າຍໄດ້ຈັດສົ່ງຄະນະພະນັກງານໄປຢ້ຽມຢາມຖາມ ຂ່າວ, ພົບປະ, ຮ່ຳຮຽນ, ຊ່ວຍເຫຼືອກັນປະກອບສ່ວນສ້າງນ້ຳໃຈສາມັກຄີ, ມິດຕະພາບ. ໃນວຽກງານສຶກສາ-ກໍ່ສ້າງ, ຈົນຮອດປະຈຸບັນ, ວິທະຍາຄານປ້ອງກັນຊາດຫວຽດນາມ ບຳລຸງສ້າງໃຫ້ແກ່ກອງທັບປະຊາຊົນລາວ ໄດ້ 63 ຊຸດຮຽນ. ໄລ່ສະເພາະແຕ່ປີ 2009 ຈົນຮອດເດືອນ 6-2024, ວິທະຍາຄານ ຈັດຕັ້ງການບໍາລຸງສ້າງໄດ້ 44 ຊຸດ. ໃນນັ້ນ, ສໍາລັບວິທະຍາຄານປ້ອງກັນຊາດ ໄກສອນ ພົມວິຫານ ແມ່ນ 5 ຊຸດໄລຍະສັ້ນ ບັນຊາ-ເສນາທິການ, 6 ຊຸດລະດັບປະລິນຍາເອກ, 6 ຊຸດລະດັບປະລິນຍາໂທ, 5 ຊຸດຝຶກອົບຮົມຄູສອນບັນຊາ-ເສນາທິການ, 1 ຊຸດຝຶກອົບຮົມເຕັກໂນໂລຢີຂໍ້ມູມແຜນທີ່.

ສຳລັບຄູສອນ, ອາຈານ ທີ່ໄດ້ມອບໝາຍໜ້າທີ່ສອນນັກສຳມະນາກອນລາວ ຕັ້ງໜ້າຄົ້ນຄວ້າເພື່ອຮຽບຮຽງເນື້ອໃນ, ວິທີການເໝາະສົມທີ່ສຸດ. ເພາະສະນັ້ນ, ບັນດານັກສຳມະນາກອນລາວ ພາຍຫຼັງຮຽນຈົບຢູ່ວິທະຍາຄານປ້ອງກັນຊາດຫວຽດນາມ ກັບເມືອປະເທດເສີມຂະຫຍາຍບົດບາດ, ຄວາມຮັບຜິດຊອບເປັນຢ່າງດີ, ປະກອບສ່ວນຕັ້ງໜ້າເຂົ້າໃນກິດຈະການສ້າງກອງທັບປະຊາຊົນລາວເວົ້າລວມ ແລະສ້າງສາ, ພັດທະນາວິທະຍາຄານປ້ອງກັນຊາດ ໄກສອນ ພົມວິຫານ ເວົ້າສະເພາະໃຫ້ນັບມື້ນັບພັດທະນາຢ່າງເຂັ້ມແຂງ ແລະໜັກແໜ້ນ.

leftcenterrightdel
ວິທະຍາຄານປ້ອງກັນຊາດຫວຽດນາມ ແລະວິທະຍາຄານປ້ອງກັນຊາດ ໄກສອນ ພົມວິຫານ ເຊັນບົດບັນທຶກວ່າດ້ວຍການແຮກສ່ຽວໃນວັນທີ 27 ກັນຍາ 2009. ພາບ: ວິທະຍາຄານປ້ອງກັນຊາດຫວຽດນາມ

ວິທະຍາຄານປ້ອງກັນຊາດຫວຽດນາມ ໄດ້ຈັດສົ່ງພະນັກງານ, ອາຈານ ເຮັດວຽກງານເປັນຊ່ຽວຊານຊ່ວຍວິທະຍາຄານປ້ອງກັນຊາດ ໄກສອນ ພົມວິຫານ ໃນຫຼາຍດ້ານປະຕິບັດງານ, ປະກອບສ່ວນຕັ້ງໜ້າເຂົ້າໃນການພັດທະນາຂອງວິທະຍາຄານ. ພະນັກງານ, ນັກຊ່ຽວຊານຂອງວິທະຍາຄານປ້ອງກັນຊາດຫວຽດນາມ ເມື່ອປະຕິບັດໜ້າທີ່ຊ່ຽວຊານ ໄດ້ເຮັດວຽກຢ່າງສຸດອົກສຸດໃຈ, ມີຄວາມຮັບຜິດຊອບ, ເປັນເຈົ້າການ, ຕື່ນຕົວສຳເລັດໜ້າທີ່ທີ່ໄດ້ມອບໝາຍໃຫ້, ປະຕິບັດຕາມຂໍ້ກຳນົດກ່ຽວກັບວຽກງານການທູດການທະຫານ, ການປ້ອງກັນຊາດຢ່າງເຂັ້ມງວດ, ຮັກສາ, ເພີ່ມພູນຄູນສ້າງການພົວພັນສາມັກຄີ, ຄວາມໄວ້ເນື້ອເຊື່ອໃຈຕໍ່ກັບອົງການຕ່າງໆ, ພະນັກງານ, ອາຈານ, ນັກສຳມະນາກອນ, ພາລະກອນ, ນັກຮົບຂອງວິທະຍາຄານປ້ອງກັນຊາດ ໄກສອນ ພົມວິຫານ, ປະກອບສ່ວນປັບປຸງການພົວພັນແບບພິເສດ ຫວຽດນາມ-ລາວ ໃນໄລຍະຜ່ານມາ.

ຕາມລວງກວ້າງ ແລະລວງເລິກ, ວຽກງານແຮກສ່ຽວ, ຮ່ວມມືລະຫວ່າງສອງວິທະຍາຄານຍັງມີຄວາມສາມາດບົ່ມຊ້ອນຫຼາຍຢ່າງ. ສະນັ້ນ, ໃນໄລຍະຈະມາເຖິງ, ຕ້ອງປະຕິບັດເນື້ອໃນດັ່ງລຸ່ມນີ້ໃຫ້ເປັນຢ່າງດີ.

ທີໜຶ່ງ, ສືບຕໍ່ຍົກສູງຄວາມຮັບຮູ້, ຄວາມຮັບຜິດຊອບໃນການຮ່ວມມືລະຫວ່າງສອງວິທະຍາຄານ, ປະກອບສ່ວນເພີ່ມພູນຄູນສ້າງ, ປັບປຸງການພົວພັນແບບພິເສດ ຫວຽດນາມ-ລາວ ໃນສະພາບການໃໝ່. ການນຳ, ຜູ້ບັນຊາ, ໂດຍສະເພາະແມ່ນກຳລັງເຂົ້າຮ່ວມການແຮກສ່ຽວ, ຮ່ວມມືຕ້ອງຊາບຊຶມ, ເສີມຂະຫຍາຍມູນເຊື້ອສາມັກຄີບໍລິສຸດຜຸດຜ່ອງ, ສຸດຈິດສຸດໃຈລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດ; ເອົາໃຈໃສ່ຊາບຊຶມ, ໝູນໃຊ້ຢ່າງປະດິດຄິດສ້າງ, ມີປະສິດທິຜົນ "ຊ່ວຍເພື່ອນແມ່ນຊ່ວຍຕົນເອງ" ຂອງພັກ, ບັນດາມະຕິ, ຂໍ້ສະຫຼຸບ, ແຜນຮ່າງກ່ຽວກັບການຮ່ວມມືກັບລາວ. ພ້ອມທັງ, ຜັນຂະຫຍາຍເນື້ອໃນການພົວພັນດ້ານປ້ອງກັນຊາດກັບລາວ ບົນພື້ນຖານເຄົາລົບນັບຖືເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງແຕ່ລະປະເທດ, ໄວ້ເນື້ອເຊື່ອໃຈ, ສະເໝີພາບ, ຮ່ວມມື, ຊ່ວຍເຫຼືອກັນພັດທະນາ.

ທີສອງ, ສືບຕໍ່ເປີດກວ້າງ ແລະຍົກລະດັບເນື້ອໃນຮ່ວມມືລະຫວ່າງສອງວິທະຍາຄານໃນສະພາບການໃໝ່. ເປົ້າໝາຍສູງສຸດຂອງການແຮກສ່ຽວ, ຮ່ວມມືລະຫວ່າງສອງວິທະຍາຄານແມ່ນຍົກສູງຄຸນນະພາບການສຶກສາ-ກໍ່ສ້າງ, ຄົ້ນຄວ້າຍຸດທະວິທີການທະຫານ, ປະກອບສ່ວນເສີມສ້າງກຳລັງແຮງດ້ານປ້ອງກັນຊາດຂອງແຕ່ລະປະເທດ, ເພີ່ມທະວີຄວາມໄວ້ເນື້ອເຊື່ອໃຈຍຸດທະສາດ, ປັບປຸງລັກສະນະໝັ້ນຄົງເຂັ້ມແຂງ, ໜັກແໜ້ນ. ນຳການພົວພັນດ້ານປ້ອງກັນຊາດສອງຝ່າຍຂຶ້ນສູ່ລະດັບສູງໃໝ່, ປະກອບສ່ວນສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບຢູ່ພາກພື້ນ.

ທີສາມ, ຫັນວິທີການຮ່ວມມືລະຫວ່າງສອງວິທະຍາຄານເປັນຫຼາຍຮູບຫຼາຍແບບ. ໃນວິວັດທະນາການແຮກສ່ຽວ, ການຮ່ວມມື, ສອງວິທະຍາຄານຕ້ອງເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ເອົາໃຈໃສ່ການພົບປະລະຫວ່າງຖັນແຖວການນຳ, ນັກຄຸ້ມຄອງ, ເສີມຂະຫຍາຍປະສິດທິຜົນກົນໄກເຈລະຈານະໂຍບາຍປ້ອງກັນຊາດ, ແບ່ງປັນບົດຮຽນປະສົບການໃນການຄຸ້ມຄອງ, ສຶກສາ-ກໍ່ສ້າງ, ຄົ້ນຄ້ວາ, ໝູນໃຊ້ສິລະປະຍຸດທະວິທີການທະຫານໃນສະພາບການໃໝ່; ຜັນຂະຫຍາຍການແຮກສ່ຽວ, ຮ່ວມມືລະຫວ່າງບັນດາອົງການ, ຂະແໜງການ, ກົມກອງ; ຊຸກຍູ້ການເຄື່ອນໄຫວແລກປ່ຽນບົດຮຽນປະສົບການໃນການຄຸ້ມຄອງການສຶກສາ, ສ້າງເນື້ອໃນ, ຫຼັກສູດບຳລຸງສ້າງໃຫ້ທຸກເປົ້າໝາຍ; ຍົກສູງປະສິດທິຜົນການເຄື່ອນໄຫວພົບປະແລກປ່ຽນ, ແຮກສ່ຽວ, ຮ່ວມມືລະຫວ່າງອົງການຈັດຕັ້ງມະຫາຊົນຂອງສອງວິທະຍາຄານ.

ທີສີ່, ເອົາໃຈໃສ່ວຽກງານປະເມີນ, ສະຫຼຸບ, ຖອດຖອນບົດຮຽນໃນວິວັດທະນາການແຮກສ່ຽວ, ຮ່ວມມືລະຫວ່າງສອງວິທະຍາຄານ. ປະເມີນ, ສະຫຼຸບ, ຖອດຖອນບົດຮຽນປະສົບການຊ່ວຍກຳແໜ້ນສະພາບການ, ແກ້ໄຂຢ່າງຊັດເຈນ, ທັນການ ແລະມີປະສິດທິຜົນຕໍ່ບັນຫາທີ່ເກີດຂຶ້ນໃນການປະຕິບັດເນື້ອໃນ, ລາຍການແຮກສ່ຽວ, ຮ່ວມມື. ຕ້ອງຍູ້ແຮງວຽກງານກວດກາວຽກງານແຮກສ່ຽວ, ຮ່ວມມືລະຫວ່າງບັນດາອົງການ, ກົມກອງ; ເອົາໃຈໃສ່ການສະຫຼຸບ, ຖອດຖອນບົດຮຽນໝາກຜົນການແຮກ ສ່ຽວ, ຮ່ວມມືໃນແຕ່ລະປີ, ແຕ່ລະໄລຍະ, ເປັນພື້ນຖານເພື່ອປັບປຸງເນື້ອໃນ, ລາຍການ, ແຜນການແຮກສ່ຽວ, ຮ່ວມມື, ຮັບປະກັນຄົບຊຸດ, ເອກະພາບ, ສ້າງຄວາມສະດວກໃຫ້ການເຄື່ອນໄຫວແຮກສ່ຽວ, ຮ່ວມມືລະຫວ່າງສອງວິທະຍາຄານໃຫ້ນັບມື້ນັບເຂົ້າສູ່ລວງເລິກ, ແທດຈິງ, ມີປະສິດທິຜົນ, ຍືນຍົງ.

ການພົວພັນແຮກສ່ຽວ, ຮ່ວມມືລະຫວ່າງວິທະຍາຄານປ້ອງກັນຊາດຫວຽດນາມ ແລະວິທະຍາຄານປ້ອງກັນຊາດ ໄກສອນ ພົມວິຫານ ແມ່ນການພົວພັນຮ່ວມມືຂອງສອງສູນບຳລຸງສ້າງພະນັກງານຂັ້ນບັ້ນຮົບ, ຍຸດທະສາດ ແລະແມ່ນສູນຄົ້ນຄວ້າວິທະຍາສາດສິລະປະຍຸດທະວິທີການທະຫານໃຫຍ່ທີ່ສຸດຂອງສອງລັດ, ສອງກອງທັບ.  ດ້ວຍຈິດໃຈ "ສາມັກຄີ, ມິດຕະພາບ, ສະເໝີພາບ, ແທດຈິງ, ມີປະສິດທິຜົນ" ເຊິ່ງສອງຝ່າຍໄດ້ລົງນາມ, ຮ່ວມມືລະຫວ່າງສອງວິທະຍາຄານໃຫ້ນັບມື້ນັບມີປະສິດທິຜົນ ແລະແທດຈິງ. ສືບທອດຜົນງານທີ່ບັນລຸໄດ້, ການພົວພັນແຮກສ່ຽວ, ຮ່ວມມືລະຫວ່າງສອງວິທະຍາຄານປ້ອງກັນຊາດຫວຽດນາມ ແລະວິທະຍາຄານປ້ອງກັນຊາດ ໄກສອນ ພົມວິຫານ ຈະສືບຕໍ່ໄດ້ຮັບກັນຊຸກຍູ້ຂຶ້ນລະດັບສູງໃໝ່, ປະກອບສ່ວນກໍ່ ສ້າງສອງວິທະຍາຄານພັດທະນາສົມເປັນສູນຄົ້ນຄວ້າວິທະຍາສາດສິລະປະຍຸດທະວິທີການທະຫານໃຫຍ່ທີ່ສຸດຂອງສອງລັດ, ສອງກອງທັບ, ທຽບເທົ່າລະດັບພາກພື້ນ ແລະໂລກ.

ໂດຍ: ແສງເດືອນ