ຍົກສູງການຮ່ວມມືລະຫວ່າງສານປະຊາຊົນແຂວງດ້ຽນບຽນ ແລະສານປະຊາຊົນແຂວງຜົ້ງສາລີ

ສານປະຊາຊົນແຂວງດ້ຽນບຽນ ແລະສານປະຊາຊົນແຂວງຜົ້ງສາລີ ເຫັນດີເປັນເອກະພາບ, ລົງນາມໃນບົດບັນທຶກພົບປະເຈລະຈາ. ພາບ: ຕູແອັງ

ທີ່ການພົບປະເຈລະຈາ, ຜູ້ຕາງໜ້າສານປະຊາຊົນສອງແຂວງໄດ້ແຈ້ງໃຫ້ກັນຮັບຊາບກ່ຽວກັບສະພາບການເສດຖະກິດ-ສັງຄົມ, ການປ້ອງກັນຄວາມສະຫງົບ, ການເມືອງຂອງແຕ່ລະແຂວງ; ແລກປ່ຽນກ່ຽວກັບການຈັດຕັ້ງເຄື່ອນໄຫວຂອງສານປະຊາຊົນສອງຂັ້ນ. ແລກປ່ຽນບົດຮຽນໃນວຽກງານພິພາກສາ ແລະການຕໍ່ສູ້ຕ້ານອາດຊະຍາກຳ; ປະຕິບັດການຮ່ວມມຶດ້ານນິຕິກຳ ແລະວຽກງານປະຕິບັດຄຳຕັດສິນອາຍາ. ຕີລາຄາໝາກຜົນການປະຕິບັດບົດບັນທຶກຊ່ວຍຈຳ ຄັ້ງທີ V ທີ່ໄດ້ລົງນາມໃນປີ 2022 ຢູ່ແຂວງຜົ້ງສາລີ. 

ທ່ານ ຟານວັນແຄ໊ງ ປະທານສານປະຊາຊົນແຂວງດ້ຽນບຽນ ແຈ້ງສະພາບການພັດທະນາເສດຖະກິດ-ສັງຄົມ, ວຽກງານຕໍ່ສູ້, ຕ້ານອາດຊະຍາກຳກັບຄະນະຜູ້ແທນສານປະຊາຊົນແຂວງຜົ້ງສາລີ. ພາບ: ຕູແອັງ

ສະຫາຍ ສົມຕຸ້ຍ ໄຊພະຈັນ ປະທານສານປະຊາຊົນແຂວງຜົ້ງສາລີ ແຈ້ງວຽກງານພິພາກສາ, ວຽກງານພັດທະນາເສດຖະກິດ-ສັງຄົມຂອງທ້ອງຖິ່ນ. ພາບ: ຕູແອັງ

ບົນພື້ນຖານການຕີລາຄາໝາກຜົນທີ່ບັນລຸໄດ້, ສອງຝ່າຍໄດ້ແລກປ່ຽນ, ເຫັນດີເປັນເອກະພາບ, ກຳເນີນການເຊັນບົດບັນທຶກຊ່ວຍຈຳການພົບປະເຈລະຈາ ຄັ້ງທີ VI ປີ 2024, ດ້ວຍເນື້ອໃນຈຸດສຸມ: ສານປະຊາຊົນ 2 ແຂວງ ສືບຕໍ່ຍົກສູງປະສິດທິຜົນການຮ່ວມມື, ແບ່ງປັນບົດຮຽນໃນວຽກງານພິພາກສາຄະດີອາຍາ, ຄະດີແພ່ງ; ເພີ່ມທະວີການຮ່ວມມືໃນການຕໍ່ສູ້ ແລະຕ້ານອາດຊະຍາກຳ, ພິເສດແມ່ນອາດຊະຍາກຳຢາເສບຕິດ, ການຄ້າມະນຸດ, ການເຂົ້າອອກເມືອງຜິດກົດໝາຍ.

ໂດຍ: ແສງເດືອນ