ທີ່ຄ້າຍຄວບຄຸມປະສົມດ່ານຊາຍແດນນາມຢາງ, ຜູ້ຕາງໜ້າຄະນະກຳມະການປະຊາຊົນແຂວງກວ໋າງນາມ ແລະຂະແໜງສາທາລະນະສຸກ ໄດ້ມອບອຸປະກອນການແພດ ເພື່ອຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19 ໃຫ້ແກ່ແຂວງເຊກອງ.

leftcenterrightdel
ແຂວງກວ໋າງນາມ ມອບອຸປະກອນການແພດໃຫ້ແຂວງເຊກອງ ເພື່ອປ້ອງກັນ, ຕ້ານພະຍາດໂຄວິດ-19. ພາບ: kinhtedothi.vn

ອຸປະກອນການແພດເຊິ່ງແຂວງກວ໋າງນາມ ໜູນຊ່ວຍໃນຄັ້ງນີ້, ລວມມີເຄື່ອງຊ່ວຍຫາຍໃຈ 2 ໜ່ວຍ, ເຄື່ອງແທກອຸນຫະພູມຮ່າງກາຍ 10 ໜ່ວຍ, ນໍ້າຢາຂ້າເຊື້ອ 100 ກວດ... ມູນຄ່າໜູນຊ່ວຍທັງໝົດໃນຄັ້ງທຳອິດແມ່ນກວ່າ 534 ລ້ານດົ່ງ.

ກ່ອນໜ້ານັ້ນ, ທະຫານຊາຍແດນແຂວງໄດ້ໜູນຊ່ວຍເຂົ້າສານ, ສະບຽງອາຫານ, ອຸປະກອນການແພດ ແລະອຸປະກອນອື່ນໆອີກຈຳນວນໜຶ່ງໃຫ້ອໍານາດການປົກຄອງ, ກຳລັງປະກອບອາວຸດກໍ່ຄືປະຊາຊົນແຂວງເຊກອງ ເພື່ອຮັບໃຊ້ການປ້ອງກັນ, ຕ້ານພະຍາດໂຄວິດ-19, ຄື: ເຄື່ອງແທກອຸນຫະພູມ, ເຄື່ອງພົ່ນຢາຂ້າເຊື້ອ, ນໍ້າຢາຂ້າເຊື້ອ... ລວມມູນຄ່າກວ່າ 450 ລ້ານດົ່ງ.

leftcenterrightdel
ມອບຂອງຂວັນໃຫ້ກອງບັນຊາການທະຫານແຂວງສາລະວັນ ແລະແຂວງເຊກອງ. ພາບ: kinhtedothi.vn.

ໃນວັນດຽວກັນ, ຢູ່ດ່ານຊາຍແດນລາໄລ (ເມືອງດັກຣົງ, ແຂວງກວ໋າງຈິ້), ກອງບັນຊາການທະຫານແຂວງເທື່ອທຽນເຫວ້, ສະມາຄົມນັກທຸລະກິດໜຸ່ມ, ທະນາຄານກອງທັບ, ບໍລິສັດ Scavi ແລະບໍລິສັດ Viettel - ເຫວ້ ໄດ້ມອບວັດຖຸອຸປະກອນການແພດ ເພື່ອໜູນຊ່ວຍກອງບັນຊາການທະຫານແຂວງສາລະວັນ ແລະແຂວງເຊກອງ ໃນການປ້ອງກັນ, ຕ້ານພະຍາດໂຄວິດ-19.

ລະອຽດ, ໜູນຊ່ວຍເຂົ້າສານ 5 ໂຕນ, ຜ້າປິດປາກ 152.500 ອັນ,  ນໍ້າຢາຂ້າເຊື້ອ 1.000 ກວດ... ລວມມູນຄ່າຫຼາຍກວ່າ 400 ລ້ານດົ່ງ.

ໂດຍ: ທະນາພອນ