ວັນທີ 18 ເມສາ, ຢູ່ໂຮງຮຽນກຽມມະຫາວິທະຍາໄລນະຄອນໂຮ່ຈີມິນ ໄດ້ຈັດຕັ້ງວັນບຸນພົບປະແລກປ່ຽນວັດທະນະທຳບັນດາເຜົ່າຫວຽດນາມ, ລາວ ແລະກຳປູເຈຍຄັ້ງທີ 9 ດ້ວຍການເຄື່ອນໄຫວທີ່ຟົດຟື້ນຫຼາຍຢ່າງ, ອັນໄດ້ດຶງດູດການເຂົ້າຮ່ວມຂອງນັກສຶກສາບັນດາເຜົ່າເກືອບ 400 ຄົນ.

leftcenterrightdel
ພາບປະກອບຄັດຈາກ: mku.edu.vn

ໃນວັນບຸນມີບັນດາຄ້າຍນ້ອຍ ແລະຮ້ານຄ້າຕາງໜ້າໃຫ້ບັນດາເຜົ່າ, ຄື: ຈຳ, ກິງ, ຮວາ, ຂະແມ, ລາວ ແລະກຳປູເຈຍ. ແຕ່ລະຄ້າຍໄດ້ປະດັບປະດາດ້ວຍສັນຍາລັກພິເສດສະເພາະຂອງບັນດາເຜົ່າ. ຜ່ານວັນບຸນ, ໂຮງຮຽນປາດຖະໜາຢາກສ້າງກາລະໂອກາດໃຫ້ນັກສຶກສາບັນດາເຜົ່າພົບປະແລກປ່ຽນ, ຮັດແໜ້ນຄວາມສາມັກຄີ, ຊ່ວຍເຫຼືອເຊິ່ງກັນ ແລະກັນໃຫ້ຫຼາຍກວ່າອີກໃນວິວັດການຮໍ່າຮຽນ ແລະດໍາລົງຊີວິດຢູ່ນະຄອນໂຮ່ຈີມິນ.

ອາດາມ, ນັກສຶກສາເຜົ່າຈຳ ມາຈາກແຂວງອານຢາງ ແບ່ງປັນວ່າ: “ຂ້າພະເຈົ້າຮູ້ສຶກມ່ວນຫຼາຍ, ນັບແຕ່ກ່ອນມາຮອດປັດຈຸບັນ, ຂ້າພະເຈົ້າບໍ່ເຄີຍໄດ້ພົບປະແລກປ່ຽນກັບໝູ່ເພື່ອນຈາກຫຼາຍຊົນເຜົ່າຄືແນວນີ້, ພິເສດແມ່ນມີທັງນັກສຶກສາລາວ ແລະກຳປູເຈຍ. ວັນບຸນໄດ້ຊ່ວຍໃຫ້ຂ້າພະເຈົ້າມີຄວາມເຂົ້າໃຈຕື່ມອີກກ່ຽວກັບສີສັນວັດທະນະທຳຂອງບັນດາເຜົ່າ. ມາເຂົ້າຮ່ວມວັນບຸນນີ້ພວກນ້ອງໄດ້ນໍາສີສັນເອກະລັກສະເພາະຂອງຊົນເຜົ່າຕົນມາແນະນໍາໃຫ້ທຸກຄົນ”.

ໂດຍ: ກວຽດເຕິມ