ແຂວງຮ່າຕິ້ງ-ແຂວງສາລະວັນ ສືບຕໍ່ຮັດແໜ້ນນໍ້າໃຈສາມັກຄີມິດຕະພາບ, ຍູ້ແຮງການຮ່ວມມືຮອບດ້ານ
ກປ.ອອນໄລ - ຕອນບ່າຍວັນທີ 31 ມີນາ, ຄະນະປະຕິບັດງານແຂວງສາລະວັນ (ສປປ ລາວ) ນຳໂດຍສະຫາຍ ສີເຮັ່ງ ຫອມສົມບັດ ປະທານສະພາປະຊາຊົນແຂວງສາລະວັນ ໄດ້ເຂົ້າຢ້ຽມຂໍ່ານັບສະຫາຍ ເຢືອງເຕິດຖັງ ຮອງປະທານຜູ້ປະຈໍາການສະພາປະຊາຊົນແຂວງຮ່າຕິ້ງ.
ໃນບັນຍາກາດທີ່ອົບອຸ່ນ, ສະຫາຍ ສີເຮັ່ງ ຫອມສົມບັດ ປະທານສະພາປະຊາຊົນແຂວງສາລະວັນ ໄດ້ສົ່ງຄຳອວຍພອນໄປຍັງການນຳແຂວງຮ່າຕິ້ງ ກ່ຽວກັບຜົນສໍາເລັດຂອງການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະສະມາຊິກສະພາປະຊາຊົນທຸກຂັ້ນ ອາຍຸການ 2026-2031. ພ້ອມທັງຫວັງວ່າ ສອງແຂວງຈະສືບຕໍ່ຮັດແໜ້ນນໍ້າໃຈສາມັກຄີມິດຕະພາບ, ຄວາມສະໜິດຕິດພັນ, ຍູ້ແຮງການຮ່ວມມືຮອບດ້ານໃນໄລຍະຈະມາເຖິງ.
    |
 |
|
ສະຫາຍ ເຢືອງເຕິດຖັງ ຮອງປະທານຜູ້ປະຈໍາການສະພາປະຊາຊົນແຂວງຮ່າຕິ້ງ ຕ້ອນຮັບຄະນະປະຕິບັດງານແຂວງສາລະວັນ. ພາບ: baohatinh.vn |
ຕາງໜ້າການນໍາແຂວງຮ່າຕິ້ງ, ສະຫາຍ ເຢືອງເຕິດຖັງ ຮອງປະທານຜູ້ປະຈໍາການສະພາປະຊາຊົນແຂວງຮ່າຕິ້ງ ໄດ້ສະແດງຄວາມຂອບໃຈຕໍ່ອາລົມຈິດ ແລະຄວາມເອົາໃຈໃສ່ເປັນພິເສດຂອງຄະນະປະຕິບັດງານແຂວງສາລະວັນ ໄດ້ສະຫງວນໃຫ້ແຂວງຮ່າຕິ້ງ.
ສະຫາຍ ເຢືອງເຕິດຖັງ ປາດຖະໜາຢາກສອງແຂວງສືບຕໍ່ແລກປ່ຽນ, ເພີ່ມທະວີການຮ່ວມມືໃນບັນດາຂົງເຂດ; ແລກປ່ຽນປະສົບການກ່ຽວກັບການສ້າງລະບົບການເມືອງ ແລະການຈັດຕັ້ງ, ການເຄື່ອນໄຫວຂອງສະພາປະຊາຊົນ; ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະການລົງທຶນ; ເພີ່ມທະວີການພົບປະແລກປ່ຽນດ້ານວັດທະນະທຳ, ການສຶກສາ, ການທ່ອງທ່ຽວ...
ໂດຍ: ຈາງຫງວຽນ