ຫວຽດນາມ ແລະລາວ ສົມທົບກັນຈັດຕັ້ງລາຍການສະແດງສິລະປະພິເສດ
ກປ.ອອນໄລ - ຕອນບ່າຍວັນທີ 28 ທັນວາ, ທີ່ນະຄອນຫຼວງວຽງຈັນ, ຄະນະຜູ້ແທນກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ນຳໂດຍ ທ່ານ ຕ້າກວາງດົງ ຮອງລັດຖະມົນຕີກະຊວງວັດທະນະທຳ, ກິລາ ແລະທ່ອງທ່ຽວຫວຽດນາມ ໄດ້ມີການພົບປະສອງຝ່າຍກັບທ່ານ ວັນສີ ກົວມົວ ຮອງລັດຖະມົນຕີກະຊວງວັດທະນະທຳ ແລະທ່ອງທ່ຽວລາວ.
ທີ່ການພົບປະສອງຝ່າຍ, ການນຳກະຊວງວັດທະນະທຳສອງປະເທດ ໃຫ້ຮູ້ວ່າ ລາຍການສະແດງສິລະປະພິເສດ "ຫວຽດນາມ-ລາວ: ບົດກອນຍາວແຫ່ງມິດຕະພາບ" ໂດຍການນຳຂັ້ນສູງສອງປະເທດ ໄດ້ເຫັນດີເປັນເອກະພາບຈັດຕັ້ງ ເພື່ອຂໍ່ານັບຊົມເຊີຍຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ແລະສະເຫຼີມສະຫຼອງວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 105 ປີ.
    |
 |
|
ບັນຍາກາດທີ່ການພົບປະສອງຝ່າຍລະຫວ່າງກະຊວງວັດທະນະທຳ, ກິລາ ແລະການທ່ອງທ່ຽວຫວຽດນາມ ແລະກະຊວງວັດທະນະທຳ ແລະທ່ອງທ່ຽວລາວ ໃນຕອນບ່າຍວັນທີ 28 ທັນວາ. ພາບ: nhandan.vn |
ລາຍການສະແດງສິລະປະພິເສດ ແມ່ນບົດກອນຍາວອັນຍິ່ງໃຫຍ່, ການປະສົມປະສານລະຫວ່າງຈິດໃຈສະຫງ່າຜ່າເຜີຍຂອງຊາດ ແລະນໍ້າໃຈສາມັກຄີສາກົນອັນສູງສົ່ງ, ເປັນສັນຍາລັກແຫ່ງຄວາມເຊື່ອໝັ້ນຕໍ່ໄຊຊະນະ, ເປັນການສະແດງຄວາມຮູ້ບຸນຄຸນຕໍ່ປະຫວັດສາດ ແລະໃຫ້ຄຳໝັ້ນສັນຍາຕໍ່ອະນາຄົດ, ຢືນຢັນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະຄວາມຜູກພັນຍຸດທະສາດລະຫວ່າງຫວຽດນາມ ແລະລາວ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ເປັນໜ້າເອົາໃຈໃສ່, ຕາມຜູ້ຕາງໜ້າຂອງກະຊວງວັດທະນະທຳ, ກິລາ ແລະການທ່ອງທ່ຽວ ແລ້ວ, ນີ້ແມ່ນຄັ້ງທຳອິດທີ່ມີລາຍການສະແດງສິລະປະທີ່ມີຂະໜາດໃຫຍ່ຂອງຫວຽດນາມ ໄດ້ນໍາອອກຢູ່ຕ່າງປະເທດ, ສົມທົບກັບຝ່າຍເພື່ອນມິດລາວ ຮ່ວມກັນສະແດງ.
ໂດຍ: ຈາງຫງວຽນ