ນະຄອນໂຮ່ຈີມິນ ຍ້ອງຍໍຊົມເຊີຍນັກສຶກສາ, ນັກຮຽນລາວ ແລະກຳປູເຈຍ ທີ່ດີເດັ່ນ
ກປ.ອອນໄລ - ວັນທີ 20 ທັນວາ, ທີ່ຫໍພິພິທະພັນໂຮ່ຈີມິນ - ສາຂານະຄອນໂຮ່ຈີມິນ, ສະຫະພັນຊາວໜຸ່ມນະຄອນໂຮ່ຈີມິນ, ຮ່ວມມືກັບຫໍພັກນັກສຶກສາລາວ ຢູ່ນະຄອນໂຮ່ຈີມິນ ໄດ້ຈັດຕັ້ງລາຍການຍ້ອງຍໍຊົມເຊີຍນັກສຶກສາ, ນັກຮຽນລາວ ແລະ ກຳປູເຈຍ ດີເດັ່ນ ນະຄອນໂຮ່ຈີມິນ ໃນປີ 2025.
ເຂົ້າຮ່ວມພິທີມີທ່ານ ມອນຄຳ ດວງທອງລາ, ຮອງຫົວໜ້າກົງສູນໃຫຍ່ ແຫ່ງ ສປປ ລາວ ປະຈຳ ນະຄອນໂຮ່ຈີມິນ; ທ່ານ ຫງວຽນຫວຽດລອງ, ຮອງຫົວໜ້າຄະນະໂຄສະນາສຶກສາ ແລະຂົນຂວາຍປະຊາຊົນ ຄະນະພັກນະຄອນໂຮ່ຈີມິນ.
    |
 |
|
ລາຍການສະແດງສິລະປະທີ່ໜ້າປະທັບໃຈ. ພາບ: qdnd.vn |
ກ່າວຄຳເຫັນທີ່ພິທີ, ທ່ານນາງ ໂຮ່ທິແອງຕວຽດ, ຮອງເລຂາຜູ້ປະຈຳຄະນະຊາວໜຸ່ມນະຄອນໂຮ່ຈີມິນ ໄດ້ປາດຖະໜາວ່າຜູ້ທີ່ໄດ້ຮັບການເຊີດຊູໃນມື້ນີ້ຈະສືບຕໍ່ເປັນ "ທູດມິດຕະພາບ" ໃນການຮໍ່າຮຽນ ແລະການຝຶກຝົນຫຼໍ່ຫຼອມ; ຍາມໃດກໍ່ເປັນປັດໄຈທີ່ຕັ້ງໜ້າ ເພື່ອປະກອບສ່ວນເຂົ້າໃນການຮັດແໜ້ນນໍ້າໃຈສາມັກຄີ, ມິດຕະພາບ ແລະຄວາມສະໜິດຕິດພັນຂອງປະຊາຊົນຫວຽດນາມ - ລາວ - ກຳປູເຈຍ ກວ່າອີກ, ພ້ອມກັນມຸ່ງໄປເຖິງເປົ້າໝາຍສ້າງປະຊາຄົມລວມອາຊຽນ ທີ່ສັນຕິພາບ, ຮ່ວມມື ແລະພັດທະນາ.
ລາຍການເຊີດຊູນັກສຶກສາ, ນັກຮຽນລາວ ແລະກຳປູເຈຍ ທີ່ດີເດັ່ນແມ່ນກິດຈະກຳໄດ້ຈັດຕັ້ງເປັນປະຈຳປີທີ່ນອນໃນໂຄງການ "ຄອບຄົວຫວຽດນາມ ກັບນັກສຶກສາລາວ ແລະກຳປູເຈຍ", ປະກອບສ່ວນສ້າງກໍາລັງໜູນ, ຄວາມໄວ້ເນື້ອເຊື່ອໃຈສຳລັບນັກສຶກສາ, ນັກຮຽນລາວ, ກຳປູເຈຍ ແລະຕິດພັນກັບນໍ້າໃຈມິດຕະພາບລະຫວ່າງຫວຽດນາມ, ລາວ, ແລະ ກຳປູເຈຍ ຢ່າງບໍ່ຢຸດຢັ້ງ.
ໂດຍ: ຈາງຫງວຽນ