ໂດຍຕອບສະໜອງຕາມຄຳເຊີນຂອງທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ແລະພັນລະຍາ, ທ່ານເລຂາທິການໃຫຍ່ ໂຕເລີມ ພ້ອມດ້ວຍພັນລະຍາ ແລະຄະນະປະຕິບັດງານຂັ້ນສູງຫວຽດນາມ ຈະຢ້ຽມຢາມທາງລັດຖະກິດລາວ, ເຂົ້າຮ່ວມສະເຫຼີມສະຫຼອງ 50 ປີແຫ່ງວັນຊາດລາວ, ເປັນປະທານຮ່ວມການພົບປະຂັ້ນສູງລະຫວ່າງພັກກອມມູນິດຫວຽດນາມ ແລະພັກປະຊາຊົນ ປະຕິວັດລາວ ໃນລະຫວ່າງວັນທີ 1 ຫາວັນທີ 2 ທັນວາ 2025.

leftcenterrightdel
ທ່ານ ຫງວຽນມິງເຕີມ ເອກອັກຄະລັດຖະທູດຫວຽດນາມ ປະຈຳ ລາວ ໄດ້ຕອບສຳພາດ. ພາບ: vov.vn

ທ່ານ ຫງວຽນມິງເຕີມ ເອກອັກຄະລັດຖະທູດຫວຽດນາມ ປະຈຳ ລາວ ໃຫ້ຮູ້ວ່າ ການຢ້ຽມຢາມລາວ ຄັ້ງນີ້ຂອງທ່ານເລຂາທິການໃຫຍ່ ໂຕເລີມ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ມີຄວາມໝາຍທາງປະຫວັດສາດ ແລະມີຄວາມສຳຄັນເປັນພິເສດຕໍ່ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ ແລະລາວ: ການຢ້ຽມຢາມຄັ້ງນີ້ແມ່ນການເຄື່ອນໄຫວການຕ່າງປະເທດທີ່ມີລັກສະນະປະຫວັດສາດ, ສະແດງຄວາມເຄົາລົບ, ສົນໃຈອັນເລິກເຊິ່ງ, ອາລົມຈິດສະໜິດຕິດພັນ ແລະການສະໜັບສະໜູນຂອງສອງພັກ, ສອງລັດ ແລະປະຊາຊົນສອງປະເທດທີ່ສະຫງວນໃຫ້ກັນ; ປະກອບສ່ວນປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເພີ່ມທະວີການຮ່ວມມືໃໝ່ລະຫວ່າງສອງປະເທດໃນສັງເກດໃໝ່. ຜ່ານການຢ້ຽມຢາມ, ຢັ້ງຢືນອີກເທື່ອໜຶ່ງວ່າການສືບທອດ, ເສີມຂະຫຍາຍມູນເຊື້ອ ແລະເຮັດໃຫ້ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ເລິກເຊິ່ງກວ່າອີກ.

ໃນລະຫວ່າງການຢ້ຽມຢາມ, ສອງຝ່າຍຄາດວ່າຈະແຈ້ງໃຫ້ກັນຊາບກ່ຽວກັບສະພາບການຂອງແຕ່ລະພັກ ແລະແຕ່ລະປະເທດ; ແບ່ງປັນ, ຕີລາຄາກ່ຽວກັບສະພາບການໂລກ ແລະພາກພື້ນເຊິ່ງຕ່າງຝ່າຍຕ່າງມີຄວາມສົນໃຈ; ວາງອອກບັນດາການກໍານົດທິດໃຫ້ການພົວພັນຮ່ວມມືໃນໄລຍະໃໝ່.

ໂດຍ: ໄຊນີດາ