ກ່າວຄຳເຫັນທີ່ການພົບປະ, ທ່ານພົນຈັດຕະວາ ຫງວຽນຫງອກຢູງ, ຜູ້ບັນຊາການແມ່ທັບນ້ອຍ 11 ເນັ້ນໜັກວ່າ ດ້ວຍປະຫວັດສາດກວ່າ 43 ປີແຫ່ງການກໍ່ສ້າງ ແລະພັດທະນາ, ແມ່ທັບນ້ອຍ 11 ມີຄວາມເອກອ້າງທະນົງໃຈແມ່ນໜຶ່ງໃນບັນດາວິສາຫະກິດແຖວໜ້າໃນຂະແໜງກໍ່ສ້າງ, ມີປະຫວັດຄວາມເປັນມາແຕ່ດົນນານ ແລະປະສົບການໃນການຄຸ້ມຄອງ, ຈັດຕັ້ງ, ບໍລິຫານ, ລົງມືກໍ່ສ້າງບັນດາໂຄງການ, ກິດຈະກໍາຈຸດສຸມ, ຮຽກຮ້ອງໃຫ້ມີເຕັກນິກ, ຄວາມງາມສູງຂອງກອງທັບ ແລະລັດ...

ຢູ່ລາວ, ແມ່ທັບນ້ອຍ 11 ຍັງໄດ້ສ້າງຕັ້ງບໍລິສັດແທັ່ງອານ 11 ຈໍາກັດຜູ້ດຽວ, ດ້ວຍໜ້າທີ່ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມຂອງທ້ອງຖິ່ນຢູ່ບໍລິເວນທີ່ກົມກອງຕັ້ງທັບ, ເພີ່ມພູນຄູນສ້າງ ແລະກໍ່ສ້າງນ້ຳໃຈສາມັກຄີ, ມິດຕະພາບ ຫວຽດນາມ-ລາວ.

leftcenterrightdel
ທ່ານພົນຈັດຕະວາ ຫງວຽນຫງອກຢູງ ຜູ້ບັນຊາການແມ່ທັບນ້ອຍ 11 ກ່າວຄໍາເຫັນທີ່ການພົບປະ. ພາບ: qdnd.vn

ທາງແມ່ທັບນ້ອຍ 11 ໄດ້ຜັນຂະຫຍາຍການລົງມືກໍ່ສ້າງ ແລະປະຕິບັດສຳເລັດຫຼາຍກິດຈະກໍາພິເສດ ຢູ່ລາວ ຄື: ຫໍສະພາແຫ່ງຊາດລາວ ຫຼັງໃໝ່, ສວນສາທາລະນະມິດຕະພາບລາວ-ຫວຽດນາມ; ກຸ່ມບ້ານນ້ຳຮາງ (ແຂວງຜົ້ງສາລີ); ໂຮງຮຽນວັດທະນະທຳຊົນເຜົ່າ ຂອງກົມໃຫຍ່ການເມືອງກອງທັບປະຊາຊົນລາວ; ສາງອາວຸດ ຢູ່ແຂວງຊຽງຂວາງຂອງກົມຄຸ້ມຄອງອາວຸດ-ກະສູນ.

ນອກຈາກບັນດາກິດຈະກໍາກໍ່ສ້າງສໍາເລັດແລ້ວ, ແມ່ທັບນ້ອຍ 11 ພວມຜັນຂະຫຍາຍຫຼາຍໂຄງການອື່ນອີກ ຢູ່ລາວ, ປະກອບສ່ວນສ້າງວຽກເຮັດງານທຳ ແລະລາຍຮັບໃຫ້ແກ່ປະຊາຊົນລາວ; ຍູ້ແຮງການເຄື່ອນໄຫວສົ່ງເສີມການຄ້າ ແລະເປີດກວ້າງຕະຫຼາດຢູ່ລາວ, ປະກອບສ່ວນປັບປຸງ ແລະເພີ່ມທະວີສາຍພົວພັນຮ່ວມມືລະຫວ່າງຫວຽດນາມ-ລາວ.

leftcenterrightdel
ບັນຍາກາດທີ່ການພົບປະ. ພາບ: qdnd.vn

ໂດຍຕາງໜ້າໃຫ້ຄະນະພະນັກງານຂັ້ນຍຸດທະສາດຂອງພັກປະຊາຊົນປະຕິວັດລາວ, ທ່ານ ປະເດີມພອນ ສົນທະນີ ຮອງເລຂາພັກແຂວງ, ປະທານຄະນະກໍາມະການປົກຄອງແຂວງສາລະວັນ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງແມ່ທັບນ້ອຍ 11 ແລະຂໍ້ມູນຂ່າວສານອັນລ້ຳຄ່າ ທີ່ແມ່ທັບນ້ອຍ 11 ໄດ້ແບ່ງປັນໃນການເຮັດວຽກຄັ້ງນີ້, ຖືນີ້ແມ່ນບົດຮຽນອັນລ້ຳຄ່າ ແລະຈະໝູນໃຊ້ເຂົ້າໃນການສ້າງສາ ແລະປົກປັກຮັກສາປະເທດລາວໃນຕົວຈິງ; ຢືນຢັນຈະສືບຕໍ່ປະກອບສ່ວນເພີ່ມພູນຄູນສ້າງ ແລະພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດ.

ໂດຍ: ທູຈາງ