ທ່ານພົນໂທ ຫວໍມິງເລືອງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະປະຕິບັດງານພິເສດລັດຖະບານຫວຽດນາມ, ຫົວໜ້າຄະນະ ແລະທ່ານພົນໂທ ທອງລອຍ ສີລິວົງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະປະຕິບັດງານພິເສດລັດຖະບານລາວ ເປັນປະທານຮ່ວມພິທີດັ່ງກ່າວ. ໃນບັນຍາກາດອັນເຄັ່ງຂຶມ, ຄະນະປະຕິບັດງານພິເສດລັດຖະບານສອງປະເທດຫວຽດນາມ-ລາວ ໄດ້ສະແດງຄວາມຮູ້ບຸນຄຸນຢ່າງສຸດຊຶ້ງຕໍ່ບັນດານັກຮົບວິລະຊົນທີ່ໄດ້ຕໍ່ສູ້ຢ່າງພິລະອາດຫານ, ເສຍສະຫຼະຊີວິດ ເພື່ອເອກະລາດ, ອິດສະຫຼະພາບຂອງສອງຊາດຫວຽດນາມ-ລາວ.
    |
 |
|
ຜູ້ແທນຫວຽດນາມ ແລະລາວ ຕັດແຖບຜ້າເປີດການນໍາໃຊ້ ແລະມອບ-ຮັບອະນຸສາວະລີ “ນໍ້າໃຈສາມັກຄີຮ່ວມສໍາພັນສູ້ຮົບຫວຽດນາມ-ລາວ”. ພາບ: ສໍານັກຂ່າວສານຫວຽດນາມ |
ທ່ານພົນໂທ ຫວໍມິງເລືອງ ເນັ້ນໜັກວ່າ ນີ້ແມ່ນໂຄງການທີ່ມີຄວາມໝາຍພິເສດ, ສະແດງໃຫ້ເຫັນອາລົມຈິດອັນສະໜິດສະໜົມ, ສັດຊື່ບໍລິສຸດລະຫວ່າງສອງປະເທດຫວຽດນາມ-ລາວ. ພ້ອມທັງ, ນີ້ກໍ່ແມ່ນສັນຍາລັກວັດທະນະທຳ-ປະຫວັດສາດ ທີ່ມີຄຸນຄ່າດ້ານການສຶກສາອັນເລິກເຊິ່ງກວ້າງຂວາງແກ່ຄົນລຸ້ນປະຈຸບັນ ແລະໃນອະນາຄົດໃຫ້ມີຄວາມເຂົ້າໃຈກວ່າກ່ຽວກັບນ້ຳໃຈມິດຕະພາບ, ຄວາມສາມັກຄີຮ່ວມສໍາພັນສູ້ຮົບຂອງກອງທັບ ແລະປະຊາຊົນສອງປະເທດຫວຽດນາມ - ລາວ ກໍຄືສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ - ລາວ.
|
|
 |
|
ທ່ານພົນໂທ ຫວໍມິງເລືອງ ກ່າວຄໍາເຫັນທີ່ພິທີ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນທີ່ພິທີ, ທ່ານພົນໂທ ທອງລອຍ ສີລິວົງ ຢືນຢັນວ່າ: ໂຄງການສ້ອມແປງ, ຍົກລະດັບ ແລະເປີດກວ້າງບໍລິເວນອະນຸສາວະລີ “ນໍ້າໃຈສາມັກຄີຮ່ວມສໍາພັນສູ້ຮົບ ຫວຽດນາມ-ລາວ” ຢູ່ແຂວງຈຳປາສັກ ແມ່ນໂຄງການມີຄວາມໝາຍປະຫວັດສາດສໍາຄັນ, ແມ່ນຂອງຂວັນພິເສດ ແລະລ້ຳຄ່າທີ່ຄະນະປະຕິບັດງານພິເສດລັດຖະບານຫວຽດນາມ ໄດ້ມອບໃຫ້ຄະນະປະຕິບັດງານພິເສດລັດຖະບານລາວ. ຕາງໜ້າຄະນະປະຕິບັດງານພິເສດລັດຖະບານລາວ, ທ່ານພົນໂທ ທອງລອຍ ສີລິວົງ ໄດ້ສະແດງຄວາມຂອບອົກຂອບໃຈຢ່າງຈິງໃຈມາຍັງພັກ, ລັດ, ກອງທັບ ແລະປະຊາຊົນຫວຽດນາມ ຍາມໃດກໍ່ໃຫ້ການສະໜັບສະໜູນ, ການຊ່ວຍເຫຼືອອັນໃຫຍ່ຫຼວງ, ລໍ້າຄ່າ ແລະທັນການໃຫ້ແກ່ພັກ, ລັດ, ກອງທັບ ແລະປະຊາຊົນລາວ. ທ່ານພົນໂທ ທອງລອຍ ສີລິວົງ ຍັງຂອບໃຈອຳນາດການປົກຄອງທ້ອງຖິ່ນ, ບັນດາກົມກອງຂຶ້ນກັບກະຊວງປ້ອງກັນປະເທດຫວຽດນາມ ທີ່ໄດ້ສ້າງເງື່ອນໄຂສະດວກ, ເຂົ້າຮ່ວມກໍ່ສ້າງໂຄງການໃຫ້ສຳເລັດຖືກກັບຄວາມຄືບໜ້າ.
|
|
 |
|
ທ່ານພົນໂທ ທອງລອຍ ສີລິວົງ ກ່າວຄໍາເຫັນທີ່ພິທີ. ພາບ: ສໍານັກຂ່າວສານຫວຽດນາມ |
ເນື່ອງໃນໂອກາດນີ້, ຄະນະປະຕິບັດງານພິເສດລັດຖະບານຫວຽດນາມ ໄດ້ມອບຂອງຂວັນໃຫ້ແກ່ຄະນະຄຸ້ມຄອງອະນຸສາວະລີ ແລະກົມກອງ, ບໍລິສັດທີ່ກ່ຽວຂ້ອງຈຳນວນໜຶ່ງ.
ໂຄງການສ້ອມແປງ, ຍົກລະດັບ ແລະເປີດກວ້າງບໍລິເວນອະນຸສາວະລີ “ນໍ້າໃຈສາມັກຄີຮ່ວມສໍາພັນສູ້ຮົບຫວຽດນາມ-ລາວ” ຢູ່ແຂວງຈຳປາສັກ, ພາກໃຕ້ຂອງລາວ ໂດຍຄະນະປະຕິບັດງານພິເສດລັດຖະບານຫວຽດນາມ ມອບໃຫ້ຄະນະປະຕິບັດງານພິເສດລັດຖະບານລາວ ດ້ວຍມູນຄ່າທັງໝົດ 54 ຕື້ດົ່ງ. ໂຄງການດັ່ງກ່າວ ໂດຍຄະນະປະຕິບັດງານພິເສດລັດຖະບານລາວ ເປັນເຈົ້າຂອງການລົງທຶນ ແລະບໍລິສັດ 206, ຂຶ້ນກັບທະຫານເຂດ 5, ກະຊວງປ້ອງກັນປະເທດຫວຽດນາມ ເປັນກົມກອງລົງມືກໍ່ສ້າງ.
ໂດຍ: ທູຈາງ