ໃນບັນຍາກາດອັນອົບອຸ່ນ ແລະສະໜິດສະໜົມ, ຕາງໜ້າສະຖານທູດ ແລະອົງການຜູ້ຕາງໜ້າຫວຽດນາມ ປະຈໍາ ລັດເຊຍ, ທ່ານເອກອັກຄະລັດຖະທູດ ດັ້ງມິງຄອຍ ກ່າວຄຳພອນໄຊອັນປະເສີດມາຍັງທ່ານເອກອັກຄະລັດຖະທູດລາວ ສີພັນດອນ ອ້ອຍບົວບຸດດີ ແລະພັນລະຍາ, ພ້ອມດ້ວຍບັນດາພະນັກງານ, ພາລະກອນສະຖານທູດລາວ ປະຈໍາ ລັດເຊຍ ແລະຄອບຄົວໃນໂອກາດບຸນປີໃໝ່ປະຈຳຊາດຂອງປະຊາຊົນລາວ. ທ່ານເອກອັກຄະລັດຖະທູດ ດັ້ງມິງຄອຍ ສະແດງຄວາມປາດຖະໜາວ່າ ໃນໄລຍະຈະມາເຖິງ, ສະຖານທູດສອງປະເທດຈະສົມທົບກັນຢ່າງແໜ້ນແຟ້ນ ແລະມີປະສິດທິຜົນກວ່າ, ປະກອບສ່ວນເພີ່ມພູນຄູນສ້າງການພົວພັນແບບພິເສດ ຫວຽດນາມ-ລາວ ນັບມື້ນັບພັດທະນາ.

leftcenterrightdel
ຜູ້ຕາງໜ້າສອງສະຖານທູດຫວຽດນາມ ແລະລາວ ປະຈໍາ ລັດເຊຍ ຖ່າຍຮູບເປັນທີ່ລະນຶກ. ພາບ: ສໍານັກຂ່າວສານຫວຽດນາມ

ສ່ວນທ່ານເອກອັກຄະລັດຖະທູດລາວ ສີພັນດອນ ອ້ອຍບົວບຸດດີ ໄດ້ສະແດງຄວາມຂອບອົບຂອບໃຈຕໍ່ຄໍາພອນໄຊອັນປະເສີດ ແລະອາລົມຈິດຂອງສະຖານທູດຫວຽດນາມ ປະຈໍາ ລັດເຊຍ ສໍາລັບປະເທດ ແລະປະຊາຊົນລາວ ກໍ່ຄືພະນັກງານ, ພາລະກອນສະຖານທູດລາວ ປະຈໍາ ລັດເຊຍ. ທ່ານເອກອັກຄະລັດຖະທູດລາວ ສີພັນດອນ ອ້ອຍບົວບຸດດີ ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ສອງຝ່າຍຈະຮ່ວມມືຢ່າງມີປະສິດທິຜົນກວ່າ, ປະກອບສ່ວນເພີ່ມພູນຄູນສ້າງການພົວພັນທີ່ເປັນມູນເຊື້ອມິດຕະພາບ, ພິເສດລະຫວ່າງສອງປະເທດ.

ເອກອັກຄະລັດຖະທູດສອງທ່ານ ກໍ່ເຫັນດີເປັນເອກະພາບວ່າ ໃນໄລຍະຈະມາເຖິງຈະມີບັນດາການເຄື່ອນໄຫວສົມທົບ, ພົບປະແລກປ່ຽນຫຼາຍຢ່າງກວ່າອີກ, ແນໃສ່ຮັດແໜ້ນອາລົມຈິດລະຫວ່າງພະນັກງານ, ພາລະກອນສະຖານທູດຫວຽດນາມ ແລະລາວ ປະຈໍາ ລັດເຊຍ.

ໃນບັນຍາກາດເບີກບານມ່ວນຊື່ນ, ອົບອຸ່ນ ແລະສາມັກຄີ, ເອກອັກຄະລັດຖະທູດສອງທ່ານ ແລະພັນລະຍາ ພ້ອມດ້ວຍພະນັກງານ, ພາລະກອນສອງຝ່າຍໄດ້ດຳເນີນພິທີຫົດນ້ຳ, ບາສີສູ່ຂວັນ, ພົບປະແລກປ່ຽນສິລະປະ ແລະອວຍພອນບຸນປີໃໝ່ປະຈຳຊາດລາວ, ອວຍພອນໃຫ້ສາຍພົວພັນແບບພິເສດ ຫວຽດນາມ-ລາວ ຍາມໃດກໍ່ໝັ້ນຄົງເຂັ້ມແຂງ, ອົບອຸ່ນ ແລະພັດທະນາໃນໄລຍະຈະມາເຖິງ.

ໂດຍ: ເຈິ່ນຮວ່ຽນ