ລັດຖະມົນຕີກະຊວງປ້ອງກັນປະເທດ ຫວຽດນາມ ແລະຈີນ ຢ້ຽມຢາມໂຮງຮຽນປະຖົມສຶກສາ ດົ່ງດັງ

ໃນຄວາມເປັນກຽດ ແລະເອກອ້າງທະນົງໃຈ, ບັນດາຄູອາຈານ ແລະນັກຮຽນໂຮງຮຽນປະຖົມສຶກສາ ດ່ົງດັງ ຍິນດີຕ້ອນຮັບສອງລັດຖະມົນຕີ ພ້ອມດ້ວຍຄະນະຜູ້ແທນຂັ້ນສູງກະຊວງປ້ອງກັນປະເທດສອງປະເທດ ໄດ້ມາຢ້ຽມຢາມ. ສອງລັດຖະມົນຕີ ພ້ອມດ້ວຍຄະນະເຂົ້າເດີ່ນໂຮງຮຽນ, ພ້ອມກັນເບິ່ງຊົມລາຍການສະແດງສິລະປະໂດຍນັກຮຽນໂຮງຮຽນປະຖົມສຶກສາ ດົ່ງດັງ ແລະໂຮງຮຽນປະຖົມເລກ 4, ນະຄອນ pingxiang, ເຂດປົກຄອງຕົນເອງ ເຜົ່າຈ້ວງ ກວາງຊີ (ຈີນ).

ພວກນ້ອງນັກຮຽນ ໄດ້ມັດຜ້າແດງ, ມອບຊໍ່ດອກໄມ້ໃຫ້ສອງລັດຖະມົນຕີ. ພາບ: qdnd.vn

ໂຮງຮຽນປະຖົມສຶກສາດົ່ງດັງ ຍິນດີຕ້ອນຮັບລັດຖະມົນຕີ ຟານວັນຢາງ ແລະລັດຖະມົນຕີ Dong Jun ມາຢ້ຽມຢາມ. ພາບ: qdnd.vn

ຕາງໜ້າໂຮງຮຽນ, ທ່ານນາງ ຮວ່າງທູຮັ່ງ ອໍານວຍການໂຮງຮຽນປະຖົມສຶກສາ ດົ່ງດັງ ຂອບໃຈການເອົາໃຈໃສ່ເປັນພິເສດຂອງສອງລັດຖະມົນຕີ ແລະຄະນະຜູ້ແທນຂັ້ນສູງກະຊວງປ້ອງກັນປະເທດສອງປະເທດ; ທ່ານນາງ ຍັງຢືນຢັນວ່າ ຈະສືບຕໍ່ແຂ່ງກັນ “ສອນດີ, ຮຽນເກັ່ງ”, ພ້ອມກັນເພີ່ມພູນຄູນສ້າງ, ຮັດແໜ້ນນໍ້າໃຈສາມັກຄີ, ມິດຕະພາບທີ່ເປັນມູນເຊື້ອຫວຽດນາມ-ຈີນ.

ທ່ານລັດຖະມົນຕີ ຟານວັນຢາງ ແລະລັດຖະມົນຕີ Dong Jun ຮັບຟັງການລາຍງານໂດຍຫຍໍ້ກ່ຽວກັບໂຮງຮຽນ ແລະອາຄານອະເນກປະສົງໂດຍກະຊວງປ້ອງກັນປະເທດຫວຽດນາມ ກໍ່ສ້າງ ແລະມອບໃຫ້. ພາບ: qdnd.vn

ຜູ້ແທນຫວຽດນາມ ແລະຈີນ. ພາບ: qdnd.vn

ກ່າວຄໍາເຫັນຢ້ືຢາມຖາວຂ່າວ, ລະດົມກໍາລັງໃຈໃຫ້ຄູອາຈານ ແລະນັກຮຽນໂຮງຮຽນປະຖົມສຶກສາດົ່ງດັງ, ທ່ານ Liaopinhu ຮອງປະທານເຂດປົກຄອງຕົນເອງ ເຜົ່າຈ້ວງ ກວາງຊີ (ຈີນ) ເນັ້ນໜັກວ່າ ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 9 ແມ່ນການກະທໍາລະອຽດກ່ຽວກັບການຮ່ວມມືດ້ານປ້ອງກັນຄວາມສະຫງົບເພື່ອແນໃສ່ປະຕິບັດຄວາມຮັບຮູ້ລວມ ທີ່ການນໍາສອງປະເທດບັນລຸໄດ້. ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມໂຮງຮຽນປະຖົມສຶກສາ ດົ່ງດັງ, ທ່ານ Liaopinhu ປາດຖະໜາຢາກໃຫ້ນັກຮຽນຈີນ ແລະຫວຽດນາມ ຈະເພີ່ມທະວີການພົບປະແລກປ່ຽນຢື້ຢາມຖາມຂ່າວ, ຮໍ່າຮຽນບົດຮຽນ, ແລກປ່ຽນວັດທະນະທໍາເພື່ອໃຫ້ເດັກນ້ອຍກາຍເປັນ “ນັກການທູດນ້ອຍ” ໃນການພົວພັນມິດຕະພາບ ຫວຽດນາມ-ຈີນ.

ທ່ານ Liaopinhu ຮອງປະທານເຂດປົກຄອງຕົນເອງ ເຜົ່າຈ້ວງ ກວາງຊີ (ຈີນ) ກ່າວຄໍາເຫັນທີ່ລາຍການ. ພາບ: qdnd.vn

ທ່ານນາງ ຮວ່າງທູຮັ່ງ ອໍານວຍການໂຮງຮຽນປະຖົມສຶກສາ ດົ່ງດັງ ກ່າວຄໍາເຫັນ. ພາບ: qdnd.vn

ພິທີຕັດແຖບຜ້າເປີດນໍາໃຊ້ອາຄານອະເນກປະສົງໂດຍກະຊວງປ້ອງກັນປະເທດຫວຽດນາມ ກໍ່ສ້າງ ແລະມອບໃຫ້ໂຮງຮຽນປະຖົມສຶກສາ ດົ່ງດັງ. ພາບ: qdnd.vn

ເນື່ອງໃນໂອກາດນີ້, ສອງລັດຖະມົນຕີ ພ້ອມກັບບັນດາຜູ້ແທນຕັດແຖບຜ້າເປີດນໍາໃຊ້ອາຄານອະເນກປະສົງໂດຍກະຊວງປ້ອງກັນປະເທດຫວຽດນາມ ກໍ່ສ້າງ ແລະມອບໃຫ້ໂຮງຮຽນປະຖົມສຶກສາ ດົ່ງດັງ. ສອງລັດຖະມົນຕີ ກໍ່ມອບຂອງຂວັນທີ່ມີຄວາມໝາຍໃຫ້ໂຮງຮຽນ. ຫຼັງຈາກນັ້ນ, ລັດຖະມົນຕີກະຊວງປ້ອງກັນປະເທດສອງປະເທດ ແລະບັນດາຜູ້ແທນຢ້ຽມຊົມອາຄານອະເນກປະສົງ.

ລັດຖະມົນຕີ ຟານວັນຢາງ ແລະລັດຖະມົນຕີ Dong Jun ພ້ອມດ້ວຍບັນດາຄູອາຈານ, ນັກຮຽນໂຮງຮຽນປະຖົມສຶກສາ ດົ່ງດັງ ແລະໂຮງຮຽນປະຖົມເລກ 4, ນະຄອນ pingxiang, ເຂດປົກຄອງຕົນເອງ ເຜົ່າຈ້ວງ ກວາງຊີ (ຈີນ). ພາບ: qdnd.vn

ລັດຖະມົນຕີກະຊວງປ້ອງກັນປະເທດສອງປະເທດ ແລະບັນດາຜູ້ແທນຢ້ຽມຊົມອາຄານອະເນກປະສົງ. ພາບ: qdnd.vn

ໂດຍ: ໄຊນີດາ