ທີ່ການຢ້ຽມຢາມ, ທ່ານ ສຸພັນ ຮາດາວເຮືອງ ໄດ້ສົ່ງພອນໄຊອັນປະເສີດມາຍັງພະນັກງານ, ນັກຮົບກໍາລັງປະກອບອາວຸດທະຫານເຂດ 5 ເນື່ອງໃນໂອກາດບຸນປີໃໝ່. ພ້ອມທັງຫວັງວ່າໃນໄລຍະຈະມາເຖິງ, ຈະເພີ່ມທະວີສາຍພົວພັນ, ຄວາມສາມັກຄີລະຫວ່າງສະຖານກົງສູນໃຫຍ່ລາວ ກັບກອງບັນຊາການທະຫານເຂດ 5, ລະຫວ່າງກໍາລັງປະກອບອາວຸດ ແລະປະຊາຊົນສອງປະເທດ ຫວຽດນາມ-ລາວ, ລາວ-ຫວຽດນາມ ໃຫ້ນັບມື້ນັບສະໜິດຕິດພັນ ແລະໝັ້ນແກ່ນຂຶ້ນຕື່ມ.

leftcenterrightdel
ທ່ານ ສຸພັນ ຮາດາວເຮືອງ ຫົວໜ້າກົງສູນໃຫຍ່ລາວ ປະຈໍາ ນະຄອນດ່າໜັງ ໄດ້ມາຢ້ຽມຢາມ ແລະອວຍພອນບຸນເຕັດກອງບັນຊາການທະຫານເຂດ 5. ພາບ: baoquankhu5.vn

ທີ່ການຕ້ອນຮັບ, ທ່ານພົນຈັດຕະວາ ເຮື໊ອວັນເຕື໋ອງ ໄດ້ແຈ້ງໃຫ້ທ່ານ ສຸພັນ ຮາດາວເຮືອງ ຮັບຊາບກ່ຽວກັບສະພາບການ, ໝາກຜົນການປະຕິບັດໜ້າທີ່ຈຸດສຸມຂອງກໍາລັງປະກອບອາວຸດທະຫານເຂດ 5 ແລະບາງຈຸດຕົ້ນຕໍກ່ຽວກັບການພົວພັນຮ່ວມມືຂອງສອງປະເທດໃນໄລຍະຜ່ານມາ. ຕາງໜ້າກອງບັນຊາການທະຫານເຂດ 5, ທ່ານພົນຈັດຕະວາ ເຮື໊ອວັນເຕື໋ອງ ໄດ້ສົ່ງຄຳຢ້ຽມຢາມຖາມຂ່າວ, ອວຍພອນໃຫ້ພະນັກງານ, ພາລະກອນສະຖານກົງສູນໃຫຍ່ລາວ ປະຈໍາ ນະຄອນດ່າໜັງ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະປະຕິບັດສຳເລັດໜ້າທີ່ທີ່ໄດ້ຮັບມອບໝາຍ. ໃນໄລຍະຈະມາເຖິງ, ສອງປະເທດຈະສືບຕໍ່ເສີມຂະຫຍາຍນ້ຳໃຈສາມັກຄີ, ຄວາມໄວ້ເນື້ອເຊື່ອໃຈ ແລະຄວາມສະໜິດຕິດພັນ, ປະຕິບັດສຳເລັດໜ້າທີ່ເຊິ່ງພັກ, ລັດ ແລະປະຊາຊົນສອງປະເທດໄດ້ມອບໝາຍໃຫ້.

ເນື່ອງໃນໂອກາດນີ້, ກອງບັນຊາການຕໍາຫຼວດທະເລເຂດ 2 ທະຫານເຮືອ ແລະຕຳຫຼວດນະຄອນດ່າໜັງ ໄດ້ມາຢ້ຽມຢາມ ແລະອວຍພອນບຸນເຕັດກອງບັນຊາການທະຫານເຂດ 5.

ໂດຍ: ເຈິ່ນຮວ່ຽນ