ປິດຊຸດບໍາລຸງກໍ່ສ້າງພະນັກງານວຽກງານອໍານາດການປົກຄອງນະຄອນຫຼວງວຽງຈັນ

ບັນຍາກາດທີ່ພິທີ. ພາບ: laodongthudo.vn

ກ່າວຄຳເຫັນທີ່ພິທີ, ທ່ານ ຄໍາມາ ແສງມີໄຊ, ກຳມະການຄະນະປະຈຳຄະນະພັກ, ຫົວໜ້າຄະນະຈັດຕັ້ງຄະນະພັກນະຄອນຫຼວງວຽງຈັນ, ຫົວໜ້າຄະນະພະນັກງານນະຄອນຫຼວງວຽງຈັນ ມາບຳລຸງຢູ່ຮ່າໂນ້ຍ ໄດ້ສະແດງຄວາມຂອບໃຈຕໍ່ອາລົມຈິດ, ຄວາມເອົາໃຈໃສ່, ການສ້າງເງື່ອນໄຂຂອງອົງຄະນະພັກ, ຄະນະກໍາມະການປະຊາຊົນ, ສະພາປະຊາຊົນນະຄອນໃນຂະບວນການເຂົ້າຮ່ວມຊຸດບໍາລຸງກໍ່ສ້າງວຽກງານຄຸ້ມຄອງອໍານາດການປົກຄອງ ແລະຕົວຈິງຢູ່ຫົວໜ່ວຍ, ທ້ອງຖິ່ນ. ພ້ອມທັງຖືວ່າ ບັນດາບົດຮຽນຂອງຮ່າໂນ້ຍ, ບາດກ້າວພັດທະນາຂອງຮ່າໂນ້ຍ ແລະບັນດາທ້ອງຖິ່ນທີ່ທາງຄະນະພະນັກງານພວກຂ້າພະເຈົ້າ ໄດ້ລົງໄປຕົວຈິງນັ້ນແມ່ນແທດຈິງ ແລະມີຄວາມໝາຍສຳຄັນທີ່ສຸດຕໍ່ສະມາຊິກພະນັກງານຂອງພວກຂ້າພະເຈົ້າ ເພື່ອຄົ້ນຄວ້າ, ນໍາໃຊ້ບົດຮຽນທີ່ດີ, ປະສົບການອັນລ້ຳຄ່າເຂົ້າໃນການປະຕິບັດງານຕົວຈິງ.

ທ່ານນາງ ຫງວຽນທິຕ໊ວຽນ ຮອງເລຂາຜູ້ປະຈໍາການຄະນະພັກນະຄອນຮ່າໂນ້ຍ ມອບໃບຍ້ອງຍໍໃຫ້ນັກສໍາມະນາກອນ. ພາບ: laodongthudo.vn

ກ່າວຄຳເຫັນທີ່ພິທີປິດ, ທ່ານນາງ ຫງວຽນທິຕ໊ວຽນ ໄດ້ຊົມເຊີຍນັກສໍາມະນາກອນ 31 ຄົນຂອງຊຸດທີ 2 ທີ່ໄດ້ສໍາເລັດການບໍາລຸງກໍ່ສ້າງ. ພ້ອມທັງຫວັງວ່າ ບັນດານັກສໍາມະນາກອນຈະມີຄວາມເຂົ້າໃຈ, ສະໜິດຕິດພັນກັບນະຄອນຫຼວງຮ່າໂນ້ຍ; ຜ່ານນັ້ນປະກອບສ່ວນຮັກສາ ແລະເພີ່ມພູນຄູນສ້າງສາຍພົວພັນສາມັກຄີ, ມິດຕະພາບລະຫວ່າງສອງນະຄອນຫຼວງຮ່າໂນ້ຍ-ວຽງຈັນ ແລະສອງປະເທດ ຫວຽດນາມ-ລາວ.

ທ່ານນາງ ຫງວຽນທິຕ໊ວຽນ ເນັ້ນໜັກວ່າ: “ຫວັງວ່າຈາກເນື້ອໃນທີ່ໄດ້ຮັບພາຍຫຼັງການບໍາລຸງກໍ່ສ້າງຢູ່ຮ່າໂນ້ຍ, ບັນດາສະມາຊິກໃນຄະນະພະນັກງານນະຄອນຫຼວງວຽງຈັນ ຈະໝູນໃຊ້, ຜັນຂະຫຍາຍຢ່າງມີໄຫວພິບ, ນໍາໃຊ້ເຂົ້າໃນພຶດຕິກຳຕົວຈິງຢູ່ທ້ອງຖິ່ນ, ຫົວໜ່ວຍທີ່ຕົນເຮັດວຽກ; ປະກອບສ່ວນຍົກສູງກໍາລັງຄວາມສາມາດນຳພາ, ຄຸ້ມຄອງໃຫ້ຕົນເອງ”.

ໂດຍ: ເຈິ່ນຮວ່ຽນ