ຍູ້ແຮງການຮ່ວມມືລະຫວ່າງແຂວງກວ໋າງບິ່ງ ແລະແຂວງຄຳມ່ວນ
ກປ.ອອນໄລ - ຕອນບ່າຍວັນທີ 29 ມິຖຸນາ, ຢູ່ນະຄອນດົງເຫີຍ, ຄະນະຜູ້ແທນຂັ້ນສູງແຂວງກວ໋າງບິ່ງ ແລະແຂວງຄຳມ່ວນ (ລາວ) ໄດ້ພົບປະເຈລະຈາ ແລະລົງນາມໃນບົດບັນທຶກການຮ່ວມມື.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/30/upload_2122/30062024_th_04.jpg?dpi=150&quality=100&w=500) |
ບັນຍາກາດທີ່ການພົບປະເຈລະຈາ. ພາບ: ສໍານັກຂ່າວສານຫວຽດນາມ |
ທີ່ການພົບປະເຈລະຈາ, ສະຫາຍ ເຈິ່ນຖັງ, ຮອງເລຂາພັກແຂວງ, ປະທານຄະນະກໍາມະການປະຊາຊົນແຂວງກວ໋າງບິ່ງ ໄດ້ແຈ້ງສະພາບການເສດຖະກິດ, ວັດທະນະທໍາ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ວຽກງານກໍ່ສ້າງພັກ ແລະສະພາບການຮ່ວມມືລະຫວ່າງແຂວງກວ໋າງບິ່ງ ແລະແຂວງຄໍາມ່ວນ ໃນໄລຍະຜ່ານມາ. ໃນໄລຍະຈະມາເຖິງ, ສະຫາຍ ເຈິ່ນຖັງ ໄດ້ສະເໜີບາງເນື້ອໃນຄວນຍູ້ແຮງການຮ່ວມມືໃນຂົງເຂດວັດທະນະທໍາ-ສັງຄົມ; ການປ້ອງກັນຊາດ-ປ້ອງກັນຄວາມສະຫງົບ ແລະຊາຍແດນ, ພ້ອມທັງຢັ້ງຢືນຄວາມຕັດສິນໃຈສູ້ຊົນສືບທອດ ແລະເພີ່ມພູນຄູນສ້າງນໍ້າໃຈສາມັກຄີແບບພິເສດ, ການພົວພັນມິດຕະພາບສະໜິດຕິດພັນສັດຊື່ບໍລິສຸດລະຫວ່າງສອງອົງຄະນະພັກ, ອຳນາດການປົກຄອງ, ທະຫານ ແລະປະຊາຊົນແຂວງກວ໋າງບິ່ງ-ຄໍາມ່ວນ ໃຫ້ນັບມື້ນັບພັດທະນາ.
ສ່ວນສະຫາຍ ວັນໄຊ ພົງສະຫວັນ ເລຂາພັກແຂວງ, ເຈົ້າແຂວງໆຄໍາມ່ວນ ໄດ້ແບ່ງປັນໝາກຜົນທີ່ບັນລຸໄດ້ໃນການພັດທະນາເສດຖະກິດ, ວັດທະນະທໍາ ແລະສັງຄົມຂອງແຂວງຄຳມ່ວນ ໃນໄລຍະຜ່ານມາ. ສະຫາຍ ຕີລາຄາສູງຈິດໃຈຮ່ວມມື ກໍ່ຄືໝາກຜົນທີ່ບັນລຸໄດ້ໃນທຸກຂົງເຂດ, ໃນນັ້ນການພົວພັນລະຫວ່າງສອງແຂວງໄດ້ຮັບການປັບປຸງ ແລະພັດທະນາຢ່າງບໍ່ຢຸດຢັ້ງ, ຕອບສະໜອງຄວາມມຸ່ງມາດປາຖະໜາ ແລະຜົນປະໂຫຍດຂອງປະຊາຊົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/30/upload_2122/30062024_th_03.jpg?dpi=150&quality=100&w=500) |
ພິທີລົງນາມໃນບົດບັນທຶກການຮ່ວມມືລະຫວ່າງແຂວງກວ໋າງບິ່ງ ແລະແຂວງຄຳມ່ວນ. ພາບ: ສໍານັກຂ່າວສານຫວຽດນາມ |
ສິ້ນສຸດການພົບປະເຈລະຈາ, ຄະນະຜູ້ແທນແຂວງກວ໋າງບິ່ງ ແລະແຂວງຄຳມ່ວນ ໄດ້ລົງນາມໃນບົດບັນທຶກການຮ່ວມມືດ້ວຍຫຼາຍເນື້ອໃນສຳຄັນ. ພ້ອມກັນນັ້ນ, ແມ່ນຍູ້ແຮງການໂຄສະນາ, ສຶກສາອົບຮົມລຸ້ນໜຸ່ມກ່ຽວກັບມູນເຊື້ອມິດຕະພາບ, ນໍ້າໃຈສາມັກຄີລະຫວ່າງສອງພັກ, ສອງລັດ ແລະປະຊາຊົນສອງປະເທດ, ລະຫວ່າງສອງແຂວງກວ໋າງບິ່ງ ແລະແຂວງຄຳມ່ວນ.
ສອງແຂວງຈະຊີ້ນຳບັນດາອົງການທີ່ກ່ຽວຂ້ອງຊຸກຍູ້, ໜູນຊ່ວຍບັນດາທ້ອງຖິ່ນ, ວິສາຫະກິດເພີ່ມທະວີການຮ່ວມມືໃນຂົງເຂດເສດຖະກິດ; ຈັດຕັ້ງການໂຄສະນາ, ແນະນໍາ ແລະສົ່ງເສີມ, ສ້າງເງື່ອນໄຂໃຫ້ວິສາຫະກິດ, ນັກລົງທຶນຮ່ວມມືລົງທຶນໃນຂົງເຂດຕ່າງໆ, ຄື: ການຄ້າ, ການທ່ອງທ່ຽວ, ການບໍລິການ… ເໝາະສົມກັບຄວາມສາມາດ ແລະທ່າແຮງຂອງແຕ່ລະແຂວງ.
ໂດຍ: ເຈິ່ນຮວ່ຽນ