ກອງປະຊຸມຮ່ວມມືລະຫວ່າງ ທະຫານເຂດ 4 ກອງທັບປະຊາຊົນຫວຽດນາມ ກັບບັນດາກົມກອງກອງທັບປະຊາຊົນລາວ
ກປ.ອອນໄລ - ວັນທີ 29 ພຶດສະພາ, ຢູ່ແຂວງເງະອານ, ກອງບັນຊາການທະຫານເຂດ 4 ແລະບັນດາກົມກອງ: ກອງພົນ 4, ກອງພົນ 1, ກອງບັນຊາການທະຫານແຂວງ ຂອງແຂວງ: ວຽງຈັນ, ໄຊສົມບູນ, ຫົວພັນ, ຊຽງຂວາງ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ (ກອງທັບປະຊາຊົນລາວ) ຈັດກອງປະຊຸມຮ່ວມໃນປີ 2024.
ຜ່ານການປຶກສາຫາລື, ສອງຝ່າຍໄດ້ຕີລາຄາສູງຕໍ່ການພົວພັນຮ່ວມມືລະຫວ່າງທະຫານເຂດ 4 ກັບບັນດາກົມກອງ, ທ້ອງຖິ່ນຂອງລາວ ໃນໄລຍະຜ່ານມາ, ໄດ້ສະແດງໃຫ້ເຫັນທັດສະນະທີ່ຖືກຕ້ອງ, ແນວທາງພົວພັນຕ່າງປະເທດທີ່ສອງພັກ, ສອງລັດ ແລະສອງກະຊວງປ້ອງກັນປະເທດໄດ້ວາງອອກ. ໃນນັ້ນ, ພົ້ນເດັ່ນແມ່ນ: ໃນປີ 2023, ກອງບັນຊາການທະຫານເຂດ 4 ໄດ້ຊີ້ນຳບັນດາອົງການທີ່ກ່ຽວຂ້ອງສົມທົບກັບບັນດາກົມກອງ, ທ້ອງຖິ່ນຂອງລາວ ຢ່າງແໜ້ນແຟ້ນເພື່ອຮັບປະກັນຄວາມສະຫງົບຢູ່ເຂດຊາຍແດນ, ປະຕິບັດວຽກງານເສນາທິການ, ສົມທົບກັນຊ່ວຍບັນດາກົມກອງ, ທ້ອງຖິ່ນຂອງລາວ ກໍ່ສ້າງລະບົບຮາກຖານການເມືອງທຸກຂັ້ນໃຫ້ເຂັ້ມແຂງ, ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຄວາມປອດໄພ, ພ້ອມທັງປະຕິບັດວຽກງານເປັນນັກຊ່ຽວຊານຢູ່ກຸ່ມບ້ານຕ່າງໆ, ການລົງທຶນຜະລິດ, ດຳເນີນທຸລະກິດເປັນຢ່າງດີ; ຜັນຂະຫຍາຍປະຕິບັດບັນດາລາຍການກໍ່ສ້າງ, ຮູບແບບ, ໂຄງການ ແລະການຮ່ວມມືແລກປ່ຽນຄະນະຜູ້ແທນຢູ່ເຂດຊາຍແດນໃຫ້ເປັນຢ່າງດີ. ສົມທົບກັນປະຕິບັດວຽກງານຊອກຫາ, ທ້ອນໂຮມ ແລະສົ່ງອັດຖິຂອງບັນດາທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ລາວ ກັບຄືນປະເທດ ແລະຜັນຂະຫຍາຍ, ປະຕິບັດໜ້າທີ່ຕ່າງໆໃຫ້ເປັນຢ່າງດີ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/30/upload_2124/qtrang30052024_01.jpeg?dpi=150&quality=100&w=500) |
ສອງຝ່າຍລົງນາມໃນບົດບັນທຶກການຮ່ວມມືໃນປີ 2024. ພາບ: qdnd.vn |
ປີ 2024, ສອງຝ່າຍໄດ້ເຫັນດີເປັນເອກະພາບ ແລະລົງນາມໃນສັນຍາຮ່ວມມືດ້ວຍເນື້ອໃນຈຳນວນໜຶ່ງຄື: ສົມທົບກັນກໍາແໜ້ນ ແລະຄຸ້ມຄອງສະພາບການຢູ່ທ້ອງຖິ່ນຢ່າງເປັນປະຈໍາ, ແຈ້ງໃຫ້ກັນຊາບກ່ຽວກັບສະພາບການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍຢ່າງທັນການ, ເປັນຕົ້ນແມ່ນບັນດາກົນອຸບາຍ, ເລ່ລ່ຽມມ້າງເພທຳລາຍຂອງອິດທິກໍາລັງປໍລະປັກ. ສືບຕໍ່ຍູ້ແຮງການເຄື່ອນໄຫວໂຄສະນາເພື່ອຊ່ວຍໃຫ້ປະຊາຊົນ ແລະກຳລັງປະກອບອາວຸດຂອງສອງປະເທດເຂົ້າໃຈຢ່າງເລິກເຊິ່ງກ່ຽວກັບປະຫວັດສາດ, ມູນເຊື້ອ ແລະອາລົມຈິດ, ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ - ລາວ. ທີ່ກອງປະຊຸມ, ສອງຝ່າຍໄດ້ຮັບຮອງເອົາ ແລະລົງນາມໃນບົດບັນທຶກການຮ່ວມມືປີ 2024.
ໂດຍ: ຈາງຫງວຽນ