ກອງບັນຊາການທະຫານເຂດ 5 ອວຍພອນປີໃໝ່ຢູ່ສະຖານກົງສູນໃຫຍ່ລາວ
ກປ.ອອນໄລ - ເນື່ອງໃນໂອກາດບຸນປີໃໝ່ຂອງປະຊາຊົນລາວບັນດາເຜົ່າ, ຕອນບ່າຍວັນທີ 11 ເມສາ, ຄະນະປະຕິບັດງານຂອງທະຫານເຂດ 5 ໂດຍທ່ານພົນຈັດຕະວາ ເລຫງອກຫາຍ, ຮອງຜູ້ບັນຊາການ ທັງເປັນຫົວໜ້າເສນາທິການທະຫານເຂດ 5 ໄດ້ໄປຢ້ຽມຢາມ ແລະອວຍພອນປີໃໝ່ຢູ່ສະຖານກົງສູນໃຫຍ່ລາວ ປະຈໍານະຄອນດ່ານັ໊ງ.
ທ່ານພົນຈັດຕະວາ ເລຫງອກຫາຍ ໄດ້ສົ່ງຄຳອວຍພອນມາຍັງທ່ານ ສຸພັນ ຫາດາວເຮືອງ ຫົວໜ້າກົງສູນໃຫຍ່ລາວ ປະຈໍານະຄອນດ່ານັ໊ງ ແລະຄອບຄົວ ພ້ອມດ້ວຍພະນັກງານ, ລັດຖະກອນທຸກຖ້ວນໜ້າທີ່ພວມປະຕິບັດງານຢູ່ສະຖານກົງສູນໃຫຍ່ ປີໃໝ່ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະຕິບັດສຳເລັດໜ້າທີ່ ເຊິ່ງພັກ ແລະລັດ ລາວ ມອບໝາຍໃຫ້; ພ້ອມກັນນັ້ນ ກໍສົ່ງຄຳອວຍພອນອັນດີງາມມາຍັງບັນດາການນຳພັກ, ລັດ ແລະປະຊາຊົນລາວບັນດາເຜົ່າ ໃນໂອກາດບຸນປີໃໝ່ປະຈຳຊາດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/12/upload_2121/12042024-tt02-01.jpg?dpi=150&quality=100&w=500) |
ທ່ານພົນຈັດຕະວາ ເລຫງອກຫາຍ, ຮອງຜູ້ບັນຊາການ ທັງເປັນຫົວໜ້າເສນາທິການທະຫານເຂດ 5 ພ້ອມດ້ວຍຄະນະປະຕິບັດງານ ມອບຂອງຂວັນອວຍພອນປີໃໝ່ ຢູ່ສະຖານກົງສູນໃຫຍ່ລາວ ປະຈໍານະຄອນດ່ານັ້ງ. ພາບ: qdnd.vn |
ທ່ານພົນຈັດຕະວາ ເລຫງອກຫາຍ ກໍ່ໄດ້ຫວນຄືນບາງຈຸດພົ້ນເດັ່ນ ໃນການພົວພັນຮ່ວມມືລະຫວ່າງພັກ, ລັດ ແລະກອງທັບຂອງສອງປະເທດເວົ້າລວມ ແລະ ລະຫວ່າງທະຫານເຂດ 5 ກັບບັນດາທ້ອງຖິ່ນໃນບໍລິເວນກັບກຳລັງປະກອບອາວຸດ 4 ແຂວງ ທາງພາກໃຕ້ຂອງລາວ ເວົ້າສະເພາະໃນໄລຍະຜ່ານມາ. ພ້ອມກັນນັ້ນກໍ່ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ໂດຍເສີມຂະຫຍາຍນ້ຳໃຈສາມັກຄີ, ຄວາມໄວ້ເນື້ອເຊື່ອໃຈ ແລະຄວາມສະໜິດຕິດພັນຢ່າງແໜ້ນແຟ້ນ, ສອງຝ່າຍຈະສືບຕໍ່ປະຕິບັດສຳເລັດທຸກໜ້າທີ່ ເຊິ່ງພັກ, ລັດ ແລະປະຊາຊົນສອງປະເທດມອບໝາຍໃຫ້.
ສ່ວນທ່ານ ສຸພັນ ຫາດາວເຮືອງ ຫົວໜ້າກົງສູນໃຫຍ່ລາວ ປະຈໍານະຄອນດ່ານັ໊ງ ກໍ່ສະແດງຄວາມປິຕິຊົມຊື່ນ ເມື່ອໄດ້ຕ້ອນຮັບຄະນະປະຕິບັດງານຂອງກອງບັນຊາການທະຫານເຂດ 5 ທີ່ມາຢ້ຽມຢາມ, ອວຍພອນປີໃໝ່, ພ້ອມທັງອວຍກອນໃຫ້ສາຍພົວພັນມິດຕະພາບ ແລະການຮ່ວມມືລະຫວ່າງສອງປະເທດຫວຽດນາມ-ລາວ, ລາວ-ຫວຽດນາມ ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ໂດຍ: ທູຈາງ