ເພີ່ມທະວີການຮ່ວມມືລະຫວ່າງທະຫານເຂດ 4 ແລະກອງທັບປະຊາຊົນລາວ
ກປ.ອອນໄລ - ຕອນເຊົ້າວັນທີ 17 ພຶດສະພາ, ທີ່ເທດສະບານເມືອງເກື໊ອລໍ່ (ແຂວງເງະອານ), ກອງບັນຊາການທະຫານເຂດ 4 ແລະຄະນະຜູ້ແທນກອງທັບປະຊາຊົນລາວ ຈັດຕັ້ງກອງປະຊຸມຮ່ວມ ຕີລາຄາຜົນການຮ່ວມມືໃນຊຸມປີຜ່ານມາ ແລະປຶກສາຫາລືມາດຕະການປະຕິບັດແຜນການຮ່ວມມືປີ 2022.
|
|
ທະຫານເຂດ 4 ແລະຄະນະປະຕິບັດງານກອງທັບປະຊາຊົນລາວ ລົງນາມໃນບົດບັນທຶກວ່າດ້ວຍການຮ່ວມມືປີ 2022. ພາບ: ຮວາເລ. |
ໃນຊຸມປີຜ່ານມາ, ສະພາບຄວາມໝັ້ນຄົງດ້ານການເມືອງຢູ່ເຂດຊາຍແດນຕິດກັບລາວ ໃນບໍລິເວນທະຫານເຂດ 4 ມີການຫັນປ່ຽນຢ່າງຕັ້ງໜ້າ, ການດໍາລົງຊີວິດດ້ານວັດຖຸ ແລະຈິດໃຈຂອງປະຊາຊົນນັບມື້ນັບໄດ້ຮັບການຍົກສູງຂຶ້ນ; ສາຍພົວພັນຮ່ວມມືລະຫວ່າງສອງຝ່າຍນັບມື້ນັບໄດ້ຮັບການປັບປຸງ ແລະເພີ່ມທະວີ, ປະກອບສ່ວນສ້າງເສັ້ນຊາຍແດນຫວຽດນາມ-ລາວ ສັນຕິພາບ, ມິດຕະພາບ, ສະຖຽນລະພາບ ແລະພັດທະນາ. ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສຸມໃສ່ປ່ຽນແປງໃໝ່, ຍົກສູງປະສິດທິຜົນການສົມທົບກັນເຄື່ອນໄຫວ, ເພີ່ມທະວີການແລກປ່ຽນຄະນະ, ການຮ່ວມມືໃນຫຼາຍຂົງເຂດ, ສືບຕໍ່ເສີມຂະຫຍາຍມູນເຊື້ອມິດຕະພາບ, ນໍ້າໃຈສາມັກຄີແບບພິເສດຫວຽດນາມ-ລາວ. ທີ່ກອງປະຊຸມ, ສອງຝ່າຍ ໄດ້ລົງນາມໃນບົດບັນທຶກວ່າດ້ວຍການຮ່ວມມື ແລະມອບຂອງຂວັນທີ່ລະນຶກ.
ໂດຍ: ທູຈາງ